BRS Office in AP: ఏపీలో బీఆర్ఎస్ పార్టీ ఆఫీసు, ప్రారంభించిన తోట చంద్రశేఖర్
గుంటూరులో బీఆర్ఎస్ పార్టీ రాష్ట్ర కార్యాలయాన్ని ఏపీ రాష్ట్ర అధ్యక్షుడు తోట చంద్రశేఖర్ ప్రారంభించారు.
జాతీయ స్థాయిలో పార్టీని విస్తరించే ప్రయత్నాల్లో భాగంగా భారత రాష్ట్ర సమితి కార్యాలయాన్ని ఆంధ్రప్రదేశ్‌లో ప్రారంభించారు. దీంతో ఆంధ్రప్రదేశ్‌లో బీఆర్ఎస్ కార్యకలాపాలను విస్తరించేందుకు బీఆర్ఎస్ పార్టీ మరో ముందడుగు వేసినట్లు అయింది. గుంటూరులో బీఆర్ఎస్ పార్టీ రాష్ట్ర కార్యాలయాన్ని ఏపీ రాష్ట్ర అధ్యక్షుడు తోట చంద్రశేఖర్ ప్రారంభించారు. ప్రారంభం తర్వాత పార్టీ జెండాను ఎగరవేశారు. గుంటూరులో మంగళగిరి రోడ్డులోని ఏఎస్‌ కన్వెన్షన్‌ సెంటర్‌ వద్ద ఐదు అంతస్థుల భవనంలో ఈ ఆఫీసును ఏర్పాటు చేశారు. సమావేశాల కోసం కాన్ఫరెన్స్‌ హాళ్లు, నాయకులకు ప్రత్యేక ఛాంబర్లు ఏర్పాటు చేశారు. ప్రారంభోత్సవ కార్యక్రమానికి ఏపీ బీఆర్ఎస్ నేతలు హాజరయ్యారు.
2024 ఎన్నికలను దృష్టిలో ఉంచుకునే పార్టీ కార్యాలయాన్ని సిద్ధం చేశారు. ఇకపై పార్టీ కార్యక్రమాలు ఇక్కడి నుంచే జరగనున్నాయని ఏపీ బీఆర్ఎస్ అధ్యక్షులు తోట చంద్రశేఖర్ తెలిపారు.
టాప్ హెడ్ లైన్స్
ట్రెండింగ్ వార్తలు
