Ram Charan: పిఠాపురానికి రామ్ చరణ్ - బాబాయ్ తరఫున ప్రచారం చేస్తారా?, ట్విట్టర్ ట్రెండింగ్ లోకి వచ్చేసింది!

Pithapuram News: టాలీవుడ్ ప్రముఖ నటుడు రామ్ చరణ్ పిఠాపురానికి వెళ్తున్నారు. తల్లి సురేఖ, మామయ్య అల్లు అరవింద్ తో కలిసి ఆయన అక్కడ కుక్కుటేశ్వర ఆలయాన్ని సందర్శిస్తారు.

పిఠాపురానికి రామ్ చరణ్ (Image Source: Twitter)

Actor Ram Charan Tour In Pithapuram: మెగా గ్లోబల్ స్టార్ రామ్ చరణ్ (Ram Charan) తన తల్లి సురేఖ, మామయ్య అల్లు అరవింద్ తో కలిసి పిఠాపురం (Pithapuram) చేరుకున్నారు. రాజమండ్రి ఎయిర్ పోర్టుకు చేరుకున్న ఆయనకు మెగా ఫ్యాన్స్ ఘన స్వాగతం పలికారు. అక్కడి నుంచి ప్రత్యేక వాహనాల్లో తల్లి, మామయ్యతో కలిసి పిఠాపురానికి వచ్చారు. దారిపొడవునా ఆయనకు అభిమానులు, జనసేన శ్రేణులు స్వాగతం పలుకుతుండగా.. ఆయన వారికి అభివాదం చేస్తూ ముందుకు సాగారు. పిఠాపురంలోని కుక్కుటేశ్వర స్వామి ఆలయాన్ని వారు సందర్శించనున్నారు. ఆలయం వద్ద తమ అభిమాన నటుడి కోసం తాము ఎదురు చూస్తున్నామంటూ రామ్ చరణ్ వీడియోలను ఫ్యాన్స్ షేర్ చేస్తున్నారు. ఈ క్రమంలో #RamCharan, #Pithapuram యాష్ ట్యాగ్స్ ట్విట్టర్ ట్రెండింగ్ లోకి వచ్చాయి. 

రాజమండ్రి విమానాశ్రయం చేరుకున్న గ్లోబల్ స్టార్ @AlwaysRamCharan గారు. మరికాసేపట్లో పిఠాపురం లోని కుక్కుటేశ్వర స్వామి వారి దేవాలయం సందర్శించనున్నారు. రామ్ చరణ్ తేజ్ గారితో పాటు శ్రీమతి కొణిదెల సురేఖ గారు, అల్లు అరవింద్ గారు కూడా ఉన్నారు.@pithapuramjsp… pic.twitter.com/fqH7pl3ylv

— JanaSena Party (@JanaSenaParty) May 11, 2024

బాబాయ్ తరఫున ప్రచారం చేస్తారా.?

అయితే, జనసేన అధినేత పవన్ కల్యాణ్ (Pawan Kalyan) పిఠాపురంలో పోటీ చేస్తుండడం.. శనివారం సాయంత్రంతో ఎన్నికల ప్రచారానికి తెర పడనుంది. అయితే, సొంత బాబాయ్ తరఫున రామ్ చరణ్ ఎన్నికల ప్రచారం చేస్తారా.? లేదా.? అనేది ఆసక్తిగా మారింది. ఎన్నికలు, ఏపీ రాజకీయాలపై ఆయన ఎలాంటి వ్యాఖ్యలైనా చేస్తారా.? అని కూటమి శ్రేణులు, అభిమానుల్లో ఉత్కంఠ నెలకొంది. ఇప్పటికే, మెగాస్టార్ చిరంజీవి తన తమ్ముడు పవన్ కు మద్దతుగా నిలిచారు. పిఠాపురంలో పోటీ చేస్తున్న జనసేన అధినేత పవన్ కల్యాణ్‌ ను గెలిపించాలని విజ్ఞప్తి చేస్తూ ఆయన ఇటీవలే ఓ వీడియో విడుదల చేశారు. అందరిలో ఆఖరివాడు అయినప్పటికీ మంచి చేయడంలో ముందుండే వ్యక్తిని గెలిపించే అంతా మంచే జరుగుతుందని చిరంజీవి ఆకాంక్షించారు. ఈ వీడియో వైరల్ కాగా.. పలువురు టాలీవుడ్ ప్రముఖ నటులు సైతం పవన్ కు మద్దతుగా నిలిచారు. ఈ మేరకు ట్వీట్స్ చేశారు.