Vaibhav Suryavanshi World Record | లంక బౌలర్లను వణకించిన వండర్ కిడ్

ఇండియా టీనేజ్ క్రికెట్ సెన్సేషన్ వైభవ్ సూర్యవంశీ క్రికెట్ హిస్టరీలోనే ఎవరికీ సాధ్యం కాని ఒక రేర్ వరల్డ్ రికార్డ్ క్రియేట్ చేశాడు. శ్రీలంకలోని దంబుల్లా ఇంటర్నేషనల్ స్టేడియంలో జరిగిన ముక్కోణపు వన్డే సిరీస్ ఫైనల్ మ్యాచ్‌ లో లంక బౌలర్లపై వైభవ్ ఊహించని రేంజ్ లో విరుచుకుపడ్డాడు. వన్డే ఫార్మాట్‌ను కాస్త టి20 కంటే స్పీడ్‌గా మార్చేస్తూ మైదానంలో పరుగుల తుఫాన్ సృష్టించాడు.

టాస్ గెలిచిన శ్రీలంక ఏ టీమ్ ఫస్ట్ ఫీల్డింగ్ ఎంచుకోగా.. ఇండియా ఏ ఓపెనర్‌గా బరిలోకి దిగిన వైభవ్ కేవలం 11 బంతుల్లోనే హాఫ్ సెంచరీ మార్కును అందుకున్నాడు. లిస్ట్-ఏ క్రికెట్ హిస్టరీలోనే ఇది 'ఫాస్టెస్ట్ ఫిఫ్టీ' కావడం విశేషం. దీనికంటే ముందు 2005 లో లంక ప్లేయర్ కౌశల్య వీరరత్నే 12 బంతుల్లో చేసిన రికార్డును వైభవ్ బద్దలు కొట్టాడు. దులజ్ సముదిత వేసిన బాల్ ను స్ట్రెయిట్ గా సిక్స్ బాదడం ద్వారా వైభవ్ ఈ మైలురాయిని క్రాస్ చేశాడు.

హాఫ్ సెంచరీ తర్వాత కూడా వైభవ్ అస్సలు తగ్గలేదు. లంక బౌలర్లు షార్ట్ లెంగ్త్, స్పిన్ వేసినా ప్రతీ బాల్ ను బౌండరీ లైన్ దాటించడమే టార్గెట్‌గా ఆడి కేవలం 29 బంతుల్లోనే 10 ఫోర్లు, 8 సిక్సర్లతో 94 రన్స్ చేసి అవుట్ అయ్యాడు. 242 స్ట్రైక్ రేట్‌తో ఆడిన వైభవ్, సెంచరీ మిస్ అయి పెవిలియన్ వైపు నడుస్తున్నప్పుడు లంక ప్లేయర్స్ కూడా లేచి నిలబడి చప్పట్లతో అభినందించడం విశేషం.