Vaibhav Suryavanshi Skips 10th Board Exams | వైభవ్ సూర్యవంశీ షాకింగ్ నిర్ణయం

భారత అండర్-19 ప్రపంచకప్ 2026 ( Under-19 World Cup 2026 ) విజయంలో కీలక పాత్ర పోషించిన 14 ఏళ్ల వైభవ్ సూర్యవంశీ ( Vaibhav Suryavanshi ) 10th క్లాస్ ఎగ్జామ్స్ పై చర్చ జరుగుతుంది. ఈ టీనేజ్ క్రికెటర్ తన పదో తరగతి బోర్డు పరీక్షలకు హాజరు కావడం లేదని తెలుస్తోంది. ఫిబ్రవరి 17 నుంచి పరీక్షలు ప్రారంభం కావాల్సి ఉండగా, వైభవ్ ఈ ఏడాది ఎగ్జామ్స్ రాయడం లేదని అతని తండ్రి స్పష్టం చేశారట. 

బీసీసీఐ (BCCI) అండర్-19 జట్టు బిజీ షెడ్యూల్ కారణంగానే వైభవ్ ఈ నిర్ణయం తీసుకున్నాడు. వాస్తవానికి పరీక్షలు రాసేందుకు అనుమతి ఇవ్వాలని వైభవ్ బీసీసీఐని కోరినట్లు వార్తలు వచ్చాయి. అయితే, మ్యాచ్‌లకు అందుబాటులో ఉండటం, ప్రాక్టీస్ షెడ్యూల్స్ వల్ల పరీక్షలకు హాజరు కాలేకపోతున్నాడని తెలుస్తుంది. ఇప్పటికే వైభవ్‌కు అడ్మిట్ కార్డ్ కూడా జారీ అయ్యింది.

వైభవ్ క్రేజ్ దృష్ట్యా పరీక్షా కేంద్రం వద్ద ప్రత్యేక భద్రత కల్పించాలని అధికారులు భావించారు. అయితే, వైభవ్ పరీక్షకు రావడం లేదని స్పష్టమవడంతో ఆ ఏర్పాట్లపై సందిగ్ధత తొలగిపోయింది. 14 ఏళ్ల వయసులోనే ప్రపంచకప్ సాధించిన వైభవ్, ప్రస్తుతానికి చదువు కంటే దేశం తరపున క్రికెట్ ఆడేందుకే మొగ్గు చూపుతున్నాడు. వచ్చే ఏడాది అతను తన బోర్డు పరీక్షలను పూర్తి చేసే అవకాశం ఉంది.