IPL 2026 KKR VS LSG Highlights | లక్నో సూపర్ విక్టరీ.. కేకేఆర్ కు నిరాశ

ల‌క్నో సూప‌ర్ జెయింట్స్.. కేకేఆర్  పై 3 వికెట్ల తేడాతో  థ్రిల్లింగ్ విక్టరీ సాధించింది. ఓడిపోతున్న టీమ్ ను ఒంటిచేత్తో గెలిపించాడు లక్నో  ప్లేయర్ ముకుల్ చౌధరీ. ఏడు సిక్సర్లతో కేకేఆర్ బౌలర్లకు చుక్కలు చూపించాడు. దీంతో లక్నో వరుసగా రెండో విజయాన్ని సాధించింది. మరోవైపు కోల్ క‌తా నైట్ రైడ‌ర్స్ తొలి విజయం సాధించాలనే కల చెదిరి పోయింది.  

ఈ మ్యాచ్ లో టాస్ ఓడి ఫ‌స్ట్ బ్యాటింగ్ చేసిన కేకేఆర్ 20 ఓవ‌ర్ల‌లో 4 వికెట్ల‌కు 181 ప‌రుగులు సాధించింది. సూప‌ర్ ఫామ్ లో ఉన్న అంగ్ క్రిష్ ర‌ఘువంశీ 33 బంతుల్లో 45 పరుగులు చేసాడు. అనంత‌రం చేజింగ్ లో 7 వికెట్ల‌కు 182 ప‌రుగులు చేసి బంపర్ విక్టరీ ఖాయం చేసుకుంది లక్నో. 

ల‌క్నో ఓపెన‌ర్లు మిషెల్ మార్ష్, ఐడెన్ మార్క్ర‌మ్ మంచి ఆరంభాన్ని ఇచ్చారు. ఓవ‌ర్ కు ప‌ది ప‌రుగుల‌కు పైగా ర‌న్ రేట్ తో ప‌రుగులు సాధించారు. వికెట్స్ పడడంతో ల‌క్నో ప‌రుగుల వేగం కాస్త తగ్గింది. కెప్టెన్ రిష‌భ్ పంత్ త్వ‌ర‌గా ఔట్ కావ‌డం ఆ జ‌ట్టు విజ‌యావ‌కాశాల‌ను దెబ్బ తీసింది. ఇక వ‌రుస‌గా వికెట్లు ప‌డుతున్నా ఆయుష్ బదోనీ త‌న క్లాస్ ను చూపించాడు. బౌండ‌రీల‌తో ప్ర‌త్య‌ర్థి బౌల‌ర్ల‌పై ఒత్తిడి తేస్తూ ప‌రుగులు సాధించాడు. ముఖ్యంగా క‌ళ్లు చెదిరే రెండు సిక్స‌ర్ల‌ను త‌న ఖాతాలో వేసుకున్నాడు. మ‌రో ఎండ్ లో నికోల‌స్ పూరన్ అబ్దుల్ స‌మ‌ద్ విఫ‌లమైనా త‌ను ధాటిగా ఆడాడు. చివ‌ర్లో ముకుల్ చౌద‌రీ  జ‌ట్టును బంప‌ర్ హిట్టింగ్ తో సూప‌ర్బ్ విక్ట‌రీని అందించాడు.