Irfan pathan on ACA Restrictions | ఐపీఎల్ పై అజమాయిషీనా..సొంత జట్టు ప్రయోజనాల కోసమా.? | ABP Desam

 ఇప్పుడు ఓ ప్లేయర్ ను వేలంలో పాడుకుంటే ఆ ప్లేయర్ కి ఉన్న అన్ని ఎబిలిటీస్ ను వాడుకోవాలనే. కానీ అదేంటో ఆస్ట్రేలియన్ క్రికెట్ బోర్డు మాత్రం ఐపీఎల్ అంటే చాలు వింత రూల్స్ పెడుతోంది. ఓ ఆటగాడిని ఆక్షన్ లో కొనుక్కోవచ్చు అంట కానీ అతను బ్యాటింగ్ ఆడాలో వద్దో బౌలింగ్ చేయాలో వద్దో ఆ బోర్డు డిసైడ్ చేస్తుందంట. ఇప్పుడు ఈ ఇష్యూపైనే ఇర్ఫాన్ పఠాన్ లాంటి మాజీ క్రికెటర్లు మండిపడుతున్నారు. రీజన్ ఈ ఐపీఎల్ లోనే రెండు కేస్ లు చూపిస్తున్నాడు ఇర్ఫాన్ పఠాన్. కేస్ 1. కేమరూన్ గ్రీన్. ఆస్ట్రేలియన్ ఆల్ రౌండర్. ఐపీఎల్ చరిత్రలోనే అత్యంత ఎక్కువ ధర పలికిన విదేశీ ఆటగాడిగా నిలిచాడు కేమరూన్ గ్రీన్. గతేడాది జరిగిన మినీ ఆక్షన్ లో ఏకంగా  25 కోట్ల 20 లక్షల రూపాయలకు కోల్ కతా నైట్ రైడర్స్ గ్రీన్ ను సొంతం చేసుకుంది. గతేడాది వరకూ ఆర్సీబీకి ఆడిన గ్రీన్...ఆల్ రౌండర్ గా అదరగొట్టాడు. బౌలింగ్ లో 10 వికెట్లు తీశాడు ఆర్సీబీ తరపున. కానీ మొన్న కేకేఆర్ కి ముంబైకి జరిగిన మ్యాచ్ లో గ్రీన్ బౌలింగ్ చేయలేదు. ఎందుకు అని కెప్టెన్ రహానేని అడిగితే..అది ఆస్ట్రేలియా క్రికెట్ బోర్డ్ ని అడగండి అని అసహనం వ్యక్తం చేశాడు. అంటే గ్రీన్ బౌలింగ్ చేయటానికి తన మదర్ క్రికెట్ బోర్డ్ పర్మిషన్ ఇవ్వలేదు అన్నమాట. రెండో కేస్ నిన్న కూపర్ కాన్లే. తను కూడా మంచి ఆల్ రౌండర్. 22 ఏళ్ల ఈ కుర్రాడు నిన్న సూపర్ హాఫ్ సెంచరీతో గుజరాత్ టైటాన్స్ పై పంజాబ్ కి సూపర్ విక్టరీ అందించాడు. 3కోట్లు పెట్టి ఆక్షన్ లో కొనుక్కున్న పంజాబ్ కు స్పిన్ బౌలింగ్ చేయగలిగిన కాన్లే తో బౌలింగ్ చేయించటానికి పర్మిషన్ లేదంట. గతేడాది బీబీఎల్ లో 7 ఎకానమీ లో బౌలింగ్ చేసి ఐదు వికెట్లు తీసిన కాన్లే..ఆస్ట్రేలియా డొమెస్టిక్ లో 37 మ్యాచుల్లో 30 వికెట్లు తీశాడు మళ్లీ ఎకానమీ 7.46. టీ20 ల్లో 7 ఎకానమీ చాలా మంచి ఎకానమీ. కానీ తన బౌలింగ్ సేవలను వినియోగించుకునేందుకు అనుమతి పంజాబ్ కు లేదంట. అసలు ఈ వింత రూల్స్ ఏంటి అని ప్రశ్నిస్తున్నారు పఠాన్ లాంటి మాజీలు. ఐపీఎల్ అంటే అన్ని దేశాల నుంచి వచ్చే ఆటగాళ్లతో నడిచే లీగ్ కాబట్టి వీళ్ల బౌలింగ్ అలవాటు పడకూడదు అని ఆస్ట్రేలియా క్రికెట్ బోర్డ్ కోరుకుంటోందా..లేదా మా బోర్డ్ మా రూల్స్ మా ప్లేయర్లు కావాలంటే మా రూల్స్ పాటించాల్సిందే అని ఐపీఎల్ పై జెలసీ చూపిస్తోందా. లేదంటే పాతికకోట్లు పెట్టి కొనుక్కున్న ప్లేయర్లపైనా ఈ రిస్ట్రిక్షన్స్ ఏంటి అనేది అసలు ప్రశ్న.