IPL 2026 RR VS MI Result | రాజ‌స్థాన్ రాయ‌ల్స్ హ్యాట్రిక్ విజయం | ABP Desam

ఐపీఎల్ 2026 సీజ‌న్ లో రాజ‌స్థాన్ రాయ‌ల్స్ జోరు చూపిస్తోంది. వ‌రుస‌గా మూడో విజ‌యం సాధించి, హ్యాట్రిక్ గెలుపు సాధించింది. గువాహ‌టిలో జ‌రిగిన మ్యాచ్ లో ఐదుసార్లు చాంపియ‌న్ ముంబై ఇండియ‌న్స్ పై 27 ప‌రుగుల‌తో ఘ‌న‌విజయం సాధించింది. వ‌ర్షం ఆటంకం క‌లిగించ‌డంతో చాలా లేటుగా మ్యాచ్ ప్రారంభ‌మైంది. 11 ఓవ‌ర్ల‌కు కుదించిన ఈ మ్యాచ్ లో టాస్ ఓడి ఫ‌స్ట్ బ్యాటింగ్ చేసిన రాజ‌స్థాన్ నిర్ణీత ఓవ‌ర్ల‌లో 3 వికెట్ల‌కు స‌రిగ్గా 150 ప‌రుగులు చేసింది. 

ఇక టాస్ ఓడి ఫ‌స్ట్ బ్యాటింగ్ చేసిన రాజ‌స్థాన్ కు ఓపెనర్లు జైస్వాల్, వైభ‌వ్ సూర్య‌వంశీ 14 బంతుల్లో 39 పరుగులు చేసి అద్భుత ఆరంభాన్నిచ్చారు. దీప‌క్ చాహ‌ర్ వేసిన తొలి ఓవ‌ర్లోనే సిక్స‌ర్లు, బౌండ‌రీల‌తో విరుచుకుప‌డిన జైస్వాల్.. ఆ త‌ర్వాత అదే జోరును కొన‌సాగించాడు. మ‌రోవైపు వైభ‌వ్ కేవ‌లం సిక్స‌ర్ల‌తోనే డీల్ చేయ‌డంతో 3.2 ఓవ‌ర్ల ప‌వ‌ర్ ప్లేలో రాజ‌స్థాన్ 59 ప‌రుగుల‌ను అందుకుంది. చివ‌ర్లో కెప్టెన్ రియాగ్ ప‌రాగ్ కూడా ధాటిగా ఆడ‌టంతో రాజ‌స్థాన్ భారీ స్కోరు సాధించింది. 

భారీ టార్గెట్ తో బ‌రిలోకి దిగిన ముంబైని బ్యాట‌ర్ల వైఫ‌ల్యం కొంప‌ముంచింది. మంచి సిక్స‌ర్ కొట్టిన ర్యాన్ రికెల్ట‌న్ ను జోఫ్రా ఆర్చ‌ర్ బోల్తా కొట్టించాడు. రోహిత్ శ‌ర్మ, సూర్య కుమార్ యాద‌వ్ కూడా త్వ‌ర‌గా ఔట‌వ‌డంతో ముంబై పీక‌ల్లోతూ క‌ష్టాల్లోప‌డింది. ప‌వ‌ర్ ప్లేలో కేవ‌లం 30 ప‌రుగులు మాత్ర‌మే సాధించింది. తిల‌క్ వ‌ర్మతో స‌హా మిగతా బ్యాట‌ర్లు ఇలా వ‌చ్చి అలా వెనుదిర‌గ‌డంతో ముంబై ఛేజింగ్ సాఫీగా సాగ‌లేదు. చివ‌ర్లో న‌మ‌న్, రూథ‌ర్ ఫ‌ర్డ్ కాసేపు పోరాడి ప‌రుగుల అంత‌రాన్ని త‌గ్గించారు. ఆడిన మూడు మ్యాచ్ ల్లో ఒక విజ‌యం, రెండు ప‌రాజ‌యాల‌తో ముంబై ఏడోస్థానంలో నిలిచింది.