West Bengal Bypoll Results BJP Landslide Victory | బెంగాల్ పోరులో బీజేపీ క్లీన్ స్వీప్ - ముస్లిం ఓటు బ్యాంక్లో కమలం సంచలనం
పశ్చిమ బెంగాల్ రాజకీయాల్లో బీజేపీ మరోసారి తన పట్టు నిరూపించుకుంది. నందిగ్రామ్, రెజీనగర్ శాసనసభ ఉపఎన్నికల ఫలితాల్లో భారతీయ జనతా పార్టీ ఘన విజయం సాధించింది. మే నెలలో రాష్ట్రంలో అధికారంలోకి వచ్చిన తర్వాత ఎదుర్కొన్న తొలి ఎన్నికల పరీక్షలోనే బీజేపీ తన ఆధిపత్యాన్ని తిరుగులేని రీతిలో నిరూపించుకుంది.
సీఎం సువేందు అధికారికి అత్యంత కీలకమైన నందిగ్రామ్తో పాటు, ముస్లిం జనాభా అధికంగా ఉండే ముర్షిదాబాద్ జిల్లాలోని రెజీనగర్ నియోజకవర్గంలోనూ బీజేపీ అభ్యర్థులు ల్యాండ్స్లైడ్ మెజారిటీలతో విజయం సాధించి బెంగాల్ రాజకీయ వర్గాల్లో ప్రకంపనలు సృష్టించారు.
నందిగ్రామ్లో బీజేపీ అభ్యర్థి హాసిరాణి రథ్ ఏకంగా లక్షా 20 వేలకు పైగా భారీ ఓట్ల మెజారిటీతో కాంగ్రెస్ అభ్యర్థిని చిత్తు చేశారు. మాజీ ముఖ్యమంత్రి మమతా బెనర్జీ కాంగ్రెస్ అభ్యర్థి మిలన్ ప్రధాన్కు మద్దతు ఇచ్చినా ఓటర్లు ఏమాత్రం పట్టించుకోలేదు. ఫలితంగా టీఎంసీ మద్దతు పొందిన అభ్యర్థికి కేవలం 30 వేల చిల్లర ఓట్లే రాగా.. బీజేపీ అభ్యర్థి లక్షా 43 వేలకుపైగా ఓట్లు సాధించారు.
ఈ ఎన్నికల్లో అత్యంత ఆశ్చర్యకరమైన పరిణామం రెజీనగర్ ఫలితం! దాదాపు 70 శాతానికి పైగా ముస్లిం జనాభా ఉన్న ముర్షిదాబాద్ జిల్లాలోని రెజీనగర్ నియోజకవర్గంలో బీజేపీ అభ్యర్థి శంఖరావ్ సర్కార్ ఏకంగా 34,000 ఓట్లకు పైగా ఆధిక్యంతో సంచలన విజయం నమోదు చేశారు. ముస్లిం ఓటర్లు కేవలం టీఎంసీ , కాంగ్రెస్, ఏజేయూపీ లకే ఓటేస్తారనే పాత సమీకరణాలను బెంగాల్ ఓటర్లు తిరగరాశారు. మైనారిటీలు సైతం తమ అభివృద్ధి, సంక్షేమాన్ని కోరుకుంటూ బీజేపీ వైపు పెద్ద ఎత్తున మొగ్గు చూపారని, 70 శాతం పైగా ముస్లిం సమాజం బీజేపీకే ఓటు వేసిందని ఫలితాలు స్పష్టం చేస్తున్నాయి.
రెజీనగర్లో టీఎంసీ అభ్యర్థి రబిఉల్ ఆలం చౌదరికి కేవలం 2,500 పైచిలుకు ఓట్లు వచ్చాయి. డిపాజిట్ గల్లంతు అయింది. బీజేపీకి వ్యతిరేకంగా మైనారిటీలను రెచ్చగొట్టి ఓటు బ్యాంకు రాజకీయాలు చేసే మమతా బెనర్జీ వ్యూహం ఈసారి ముర్షిదాబాద్లోనే బూమరాంగ్ అయింది. మైనారిటీలు కూడా అభివృద్ధి వైపే నిలిచారని ఈ విజయం రుజువు చేసింది.
టాప్ హెడ్ లైన్స్
ట్రెండింగ్ వార్తలు





















