Volcano Eruption: సముద్ర గర్భంలో పేలిన అగ్నిపర్వతం

పసిఫిక్ మహా సముద్రంలోని తోంగా దీవుల సమీపంలో సముద్ర గర్భంలో ఉన్న అగ్నిపర్వతం పేలింది. ఆ అగ్నిపర్వతానికి సమీపంలో ఉన్న తొంగాపై సునామీ విరుచుకుపడింది. ఆ దేశ రాజధాని నగరం.. నుకుఅలోఫా (Nuku'alofa)లో భారీ ఎత్తున అలలు ఎగిసిపడ్డాయి. స్థానిక చర్చితోపాటు.. కొన్ని ఇళ్లు నీటిలో చిక్కుకున్న వీడియోలు సోషల్ మీడియాలో చక్కర్లు కొడుతున్నాయి. ఈ అగ్నిపర్వతం సముద్ర గర్భంలో ఉండటం వల్ల దాని ఉనికిని కనిపెట్టలేకపోయారు. ప్రమాద దృశ్యాలు శాటిలైట్ లోనూ రికార్డయ్యాయి. అవి సోషల్ మీడియాలో వైరలయ్యాయి.