Sreemukhi Behavior In Bigg Boss 10 Agnipariksha | అగ్నిపరీక్షలో శ్రీముఖి రూడ్ బిహేవియర్

'బిగ్ బాస్ అగ్నిపరీక్ష' సీజన్ 2 ఆడిషన్స్ వివాదాలకు నిలయంగా మారుతున్నాయి. ఇప్పటికే ఉప్పల్ బాలు పట్ల జడ్జీలు నవదీప్, బిందు మాధవి ప్రవర్తించిన తీరుపై విమర్శలు రావడమే కాకుండా, ఇప్పుడు హోస్ట్ శ్రీముఖి కూడా ప్రేక్షకుల నుంచి తీవ్ర వ్యతిరేకతను ఎదుర్కొంటోంది. సామాన్య కంటెస్టెంట్ల పట్ల శ్రీముఖి చాలా రూడ్‌గా, ఇగోతో వ్యవహరిస్తోందని ఆడియన్స్ మండిపడుతున్నారు.

ముఖ్యంగా కంటెస్టెంట్ రుచిత విషయంలో శ్రీముఖి ప్రవర్తించిన విధానం తీవ్ర చర్చనీయాంశమైంది. అగ్నిపరీక్షలో భాగంగా రుచిత రెండు కాళ్లను తాడుతో కట్టేసే టాస్క్ ఇచ్చారు. అంత టైట్‌గా కడితే ఎలా నడవాలని రుచిత ప్రశ్నించగా.. 'నడవడానికి రాకూడదనే కదా అలా కడుతున్నాం' అని శ్రీముఖి సమాధానమిచ్చింది. రుచిత సర్దిచెప్పుకోబోగా, శ్రీముఖి తీవ్ర అసహనానికి గురైంది. 'ఆమెకు కంఫర్ట్ కావాలంట.. నువ్వు వెళ్ళిపో. ఎవరికి ఆడాలని ఉందో వారు రండి' అంటూ వేరొకరిని పిలిచి రుచితను పక్కన పెట్టేసింది.

షోలో నవ్వించడం కోసం జడ్జీలను లేదా హోస్ట్‌ను రోస్ట్ చేసే ఆఫర్ ఇస్తున్నప్పటికీ, నిజంగా రోస్ట్ చేస్తే సెలబ్రిటీల ఇగో హర్ట్ అవుతోందనే విమర్శలు వినిపిస్తున్నాయి. తమను ప్రశ్నించిన వారిని లేదా ఎదురుచెప్పిన వారిని టార్గెట్ చేసి షో నుంచి బయటకు పంపుతున్నారని విశ్లేషకులు భావిస్తున్నారు. తన ఎనర్జిటిక్ యాంకరింగ్‌తో మెప్పించే శ్రీముఖి, ఈసారి కామన్ పబ్లిక్ పట్ల ఇలా ప్రవర్తించడం పట్ల వీక్షకులు విమర్శలు గుప్పిస్తున్నారు.