దేవరలో జూనియర్ ఎన్టీఆర్ డ్యూయల్ రోల్... అఫీషియల్‌గా చెప్పిన టీమ్!

జూనియర్ ఎన్టీఆర్ హీరోగా నటిస్తున్న లేటెస్ట్ పాన్ ఇండియా సినిమా ‘దేవర’. ఈ సినిమాలో ఎన్టీఆర్ డ్యూయల్ రోల్ చేయనున్నాడని ఎప్పట్నుంచో వార్తలు వస్తున్నాయి. కానీ దానిపై ఇంతవరకు అధికారికంగా టీమ్ ఎక్కడా మాట్లాడలేదు. కానీ రిలీజ్‌కు ఇంకా నెల రోజులు మాత్రమే ఉండటంతో సినిమాకు సంబంధించిన విషయాలను టీమ్ రివీల్ చేయడం ప్రారంభించింది. ఇందులో భాగంగానే సినిమాలో ఎన్టీఆర్ డ్యూయల్ రోల్ చేయనున్నాడనే విషయాన్ని ఒక పోస్టర్ ద్వారా రివీల్ చేశారు.

‘ది ఫేసెస్ ఆఫ్ ఫియర్’ అనే క్యాప్షన్‌తో రిలీజ్ చేసిన ఈ పోస్టర్‌లో రెండు వేర్వేరు లుక్‌ల్లో జూనియర్ ఎన్టీఆర్‌ను చూడవచ్చు. తండ్రి దేవర, కొడుకు వరగా జూనియర్ ఎన్టీఆర్ కనిపించనున్నాడని ఇంటర్నెట్‌లో ఎప్పట్నుంచో వార్తలు చక్కర్లు కొడుతున్నాయి. కానీ క్యారెక్టర్ నేమ్స్ మాత్రం ఇంకా రివీల్ అవ్వలేదు. సినిమాకు సంబంధించిన ఇప్పటి వరకు రిలీజ్ అయిన ప్రతి కంటెంట్‌కు ఆడియన్స్ నుంచి సూపర్బ్ రెస్పాన్స్ వచ్చింది.