Happy Birthday PM Modi: 800 కేజీల తృణధాన్యాలతో ప్రధాని మోదీ చిత్రం - 13 ఏళ్ల చిన్నారి అరుదైన రికార్డు, వైరల్ వీడియో

Happy Birthday Narendra Modi | 13 ఏళ్ల చిన్నారి మిల్లెట్స్‌తో ప్రధాని మోదీ చిత్రాన్ని రూపొందించి ఆయనపై తనకున్న అభిమానాన్ని చాటుకుంది. ప్రధాని పుట్టినరోజు సందర్భంగా ప్రత్యేకంగా శుభాకాంక్షలు తెలిపింది.

మిల్లెట్స్‌తో ప్రధాని మోదీ చిత్రం

Source : ANI

Tamilnadu Girl Made PM Modi Picture With Millets: ప్రధాని మోదీపై (PM Modi) తమిళనాడుకు చెందిన 13 ఏళ్ల చిన్నారి తన అభిమానాన్ని చాటుకుంది. ఆయన పుట్టినరోజు సందర్భంగా 800 కేజీల తృణధాన్యాలతో ఆయన చిత్రాన్ని రూపొందించి అందరినీ అబ్బురపరిచింది. అంతేకాకుండా ప్రపంచ రికార్డు సాధించింది. వివరాల్లోకి వెళ్తే.. తమిళనాడు చెన్నైలోని (Chennai) కోల్పాక్కం ప్రాంతానికి చెందిన ప్రెస్లీ షెకీనా (13) స్థానికంగా ఓ ప్రైవేట్ స్కూల్లో 8 తరగతి చదువుతోంది. ఈ నెల 17న (మంగళవారం) ప్రధాని మోదీ బర్త్ డే సందర్భంగా మిల్లెట్స్‌తో ఆయన చిత్రాన్ని రూపొందించి ప్రత్యేకంగా శుభాకాంక్షలు తెలియజేయాలని భావించింది. 

800 కేజీల మిల్లెట్స్‌తో..

ఇందుకోసం 800 కేజీల మినుములతో 600 చదరపు అడుగుల విస్తీర్ణంలో ప్రధాని మోదీ భారీ చిత్రాన్ని గీసి అందరినీ అబ్బురపరిచింది ప్రెస్లీ షెకీనా. దాదాపు 12 గంటల పాటు శ్రమించి మోదీ చిత్రాన్ని రూపొందించి ఆయనపై తనకున్న అభిమానాన్ని చాటుకుంది. ఈ అరుదైన ఘనత సాధించిన షెకీనాకు వరల్డ్ రికార్డు సొంతమైంది. యూనికో వరల్డ్ రికార్డులో చోటు సంపాదించుకుంది. వరల్డ్ రికార్డ్స్ డైరెక్టర్ ఆర్ శివరామన్ ఆమెకు ప్రపంచ రికార్డు సర్టిఫికెట్, మెడల్ అందజేశారు. కాగా, మిల్లెట్స్‌తో మోదీ చిత్రాన్ని రూపొందించిన వీడియో సోషల్ మీడియాలో వైరల్‌గా మారింది.