Viral Video: విమానంలో విసనకర్రలు - ఉక్కపోతతో ప్రయాణికుల ఇబ్బందులు

Spicejet Paseengers: స్పైస్ జెట్ విమానంలో గంటకు పైగా ఏసీ పనిచేయక ప్రయాణికులు తీవ్ర ఇబ్బందులు పడ్డారు. తమ బాధలను వీడియో తీసి నెట్టింట ఫోస్ట్ చేయగా వైరల్‌గా మారాయి.

స్పైస్ జెట్ విమానంలో ఉక్కపోతతో ప్రయాణికుల అవస్థలు (Image Source: ANI Twitter)

Spicejet Passengers Feeling Unwell Without Airconditioning: సాధారణంగా పల్లె వెలుగు, సాధారణ బస్సుల్లో ఎండ వేడిమి, ఉక్కపోతతో ప్రయాణికులు ఇబ్బందులు పడడం చూసుంటాం. తాజాగా, స్పైస్ జెట్ విమానంలోనే ప్రయాణికులు ఏసీ లేక ఉక్కపోతతో అవస్థలు పడ్డారు. దీనికి సంబంధించిన వీడియోలు నెట్టింట వైరల్‌గా మారాయి. ఢిల్లీ నుంచి దర్బంగాకు ప్రయాణించిన స్పైస్ జెట్ విమానం (SG 486)లో గంటకు పైగా ఏసీ పని చేయలేదు. దీంతో ప్రయాణికులు ఉక్కపోతతో అల్లాడారు. కొందరు వేడిగాలులతో అస్వస్థతకు గురయ్యారు. గాలి కోసం తమ చేతిలో ఉన్న వస్తువులతో విసురుకుంటూ కనబడ్డారు. పిల్లలు వృద్ధులు అవస్థలు పడ్డారు. తమ బాధలను కొందరు మొబైల్‌లో వీడియోలు తీసి సోషల్ మీడియాలో పోస్ట్ చేశారు. దీనికి సంబంధించిన వీడియోలు నెట్టింట వైరల్‌గా మారాయి. ఇక ప్రయాణికులకు కలిగిన అసౌకర్యానికి సదరు సంస్థ క్షమాపణ చెప్పింది. సాంకేతిక సమస్యతో ఇలా జరిగిందని.. అసౌకర్యానికి చింతిస్తున్నామని చెప్పింది. 

#WATCH | SpiceJet passengers travelling from Delhi to Darbhanga (SG 486) had to wait inside an aircraft without air conditioning (AC) for over an hour amid the ongoing heatwave, with several feeling unwell. pic.twitter.com/6f5Oij7yho

— ANI (@ANI) June 19, 2024

Also Read: Viral Video: ఇదేందిరా అయ్యా! పామును హోం డెలివరీ చేసిన అమెజాన్!