News
News
X

Nizamabad Congress : నిజామాబాద్ కాంగ్రెస్ లో వర్గ పోరు, మధుయాష్కీపై క్రమశిక్షణ చర్యలకు డిమాండ్!

Nizamabad Congress : నిజామాబాద్ కాంగ్రెస్ లో వర్గపోరు ముదురుతోంది. మధుయాష్కీపై క్రమశిక్షణ చర్యలు తీసుకోవాలని జిల్లా కాంగ్రెస్ లో తీర్మానం చేయడంతో వివాదానికి దారితీసింది.

FOLLOW US: 

Nizamabad Congress : నిజామాబాద్ జిల్లా కాంగ్రెస్ పార్టీలో వర్గ పోరు రచ్చకెక్కింది. ఇప్పటికే పార్టీ వైభవం కోల్పోయి చతికిల పడుతుంటే నేతల వర్గ పోరు కాంగ్రెస్ క్యాడర్ ను మరింత కుంగదీస్తోంది. పీసీసీ ప్రచార కమిటీ ఛైర్మన్ మధుయాష్కీపై క్రమ శిక్షణ చర్యలు తీసుకోవాలని జిల్లా కాంగ్రెస్ లో తీర్మానం చేయటం ప్రస్తుతం రాష్ట్రంలోనే హాట్ టాపిక్ గా మారింది. ఉత్తరాధిలో 5 రాష్ట్రాల ఎన్నికల ఫలితాలు కాంగ్రెస్ పార్టీని కుంగదీస్తుంటే   తెలంగాణలో రాష్ట్ర కాంగ్రెస్ వర్గపోరు పార్టీ శ్రేణులను మరింత ఆందోళనకు గురిచేస్తున్నాయి.

మధుయాష్కీపై క్రమశిక్షణ చర్యలు తీసుకోవాలని తీర్మానం

నిజామాబాద్ జిల్లా కేంద్రంలో జరిగిన కాంగ్రెస్ పార్టీ సభ్యత్వ సమీక్షా సమావేశంలో ముఖ్య అథితిగా పాల్గొన్న టీపీసీసీ వర్కింగ్ ప్రెసిడెంట్ అంజన్ కుమార్ యాదవ్ సమక్షంలోనే ప్రచార కమిటీ ఛైర్మన్ మధుయాష్కీపై మాజీ ప్రభుత్వ విప్ ఈరవత్రి అనిల్ ఫైర్ అయ్యారు. ఇటీవల టీపీసీసీ అధ్యక్షుడు రేవంత్ రెడ్డిపై మధు యాష్కీ చేసిన వ్యాఖ్యలే ఈరవత్రి అనిల్ ఆగ్రహానికి కారణమయ్యాయి. రేవంత్ రెడ్డిపై మధుయాష్కీ వ్యతిరేక వ్యాఖ్యలు చేసినందుకు పార్టీ క్రమశిక్షణ చర్యలు తీసుకోవాలని జిల్లా కాంగ్రెస్ పార్టీ సభ్యత్వ నమోదు సమీక్షా సమావేశంలో తీర్మానం ఆమోదం చేయటం రచ్చకు దారితీసింది. మధుయాష్కీ వర్గం ఈ తీర్మానాన్ని వ్యతిరేకించటం రచ్చకు దారితీసింది. 

రేవంత్ రెడ్డి నియామకంతో జోష్

అసలే జిల్లాలో పార్టీ పరిస్థితి అంతంత మాత్రంగా ఉంటే వీరి వర్గ పోరు పార్టీని మరింత డ్యామేజ్ చేస్తోందన్న భావన కార్యకర్తల్లో మొదలైంది. ఒకప్పుడు కాంగ్రెస్ పార్టీకి జిల్లా కంచుకోటగా ఉండేది. మారిన రాజకీయ పరిస్థితులకు అనుగుణంగా జిల్లా పొలిటికల్ స్ట్రీట్ లో పార్టీ ఉనికినే కోల్పోయే స్థాయికి వచ్చింది. అయితే పీసీసీ అధ్యక్షుడిగా రేవంత్ రెడ్డి నియామకం తర్వాత జిల్లా కాంగ్రెస్ పార్టీలో కాస్త జోష్ వచ్చింది. ఇతర పార్టీలవైపు చూసే నాయకులు ఆగిపోయారు. కానీ ప్రస్తుతం జిల్లాలో నేతల మధ్య తలెత్తుతున్న వర్గ పోరుకు సెకండ్ క్యాడర్ కు ఏం చేయాలో తోచటం లేదు.

మూడేళ్లుగా జిల్లా కాంగ్రెస్ లో వర్గ పోరు...

జిల్లా కాంగ్రెస్ లో మూడేళ్ల క్రితం నుంచి వర్గ పోరు మొదలైంది. 2019 పార్లమెంట్ ఎన్నికల్లో కాంగ్రెస్ పార్టీ  నిజామాబాద్ ఎంపీ అభ్యర్థిగా మధుయాష్కీ పోటీ చేశారు. పార్లమెంట్ ఎన్నికల ఇంఛార్జ్ గా మాజీ మంత్రి సుదర్శన్ రెడ్డికి బాధ్యతలు అప్పగించారు. పసుపు బోర్డు కోసం రైతులు పార్లమెంట్ స్థానానికి పోటీలో ఉండటంతో  పార్లమెంట్ ఎన్నికల ఇంచార్చ్ బాధ్యతల నుంచి సుదర్శన్ రెడ్డి తప్పుకున్నాడు. ఆ ఎన్నికల్లో కాంగ్రెస్ పార్టీ ఎంపీ అభ్యర్థి మధుయాష్కీ డిపాజిట్ కోల్పోయాడు. దీంతో మధుయాష్కీ, సుదర్శన్ రెడ్డిల మధ్య వైరం స్టార్ట్ అయ్యింది. 2021లో టీపీసీసీ ప్రచార కమిటీ చైర్మన్ గా మధుయాష్కీ నియామకం నుంచి మాజీ మంత్రి సుదర్శన్ రెడ్డి, మధుయాష్కీలు ఎడముఖం పెడముఖంగా ఉంటున్నారు. జిల్లాలో ఏర్పాటు జరిగిన కాంగ్రెస్ సభలో మధుయాష్కీ పాల్గొనగా సుదర్శన్ రెడ్డి దూరంగా ఉన్నారు. సుదర్శన్ రెడ్డి నియోజకవర్గం అయిన బోధన్ లో కాంగ్రెస్ కార్యకర్తల సమావేశంలో మధుయాష్కీ పాల్గొనగా అందులోనూ సుదర్శన్ రెడ్డి అటెండ్ కాలేదు. తాజాగా జిల్లా కాంగ్రెస్ రివ్యూ మీటింగ్ లో మధుయాష్కీపై క్రమశిక్షణ చర్యలు తీసుకోవాలన్న తీర్మాణం వెనుక మాజీ మంత్రి సుదర్శన్ రెడ్డి హస్తం ఉన్నట్లు ప్రచారం జరుగుతోంది. 

జిల్లాలో వర్గపోరు 

అయితే జిల్లా కాంగ్రెస్ లో టీపీసీసీ ప్రెసిడెంట్ రేవంత్ రెడ్డి వర్గం, టీపీసీసీ ప్రచార కమిటీ చైర్మన్ మధుయాష్కీ వర్గాలుగా జిల్లా నాయకులు చీలిపోయారన్న గుసగుసలు వినిపిస్తున్నాయ్. రేవంత్ రెడ్డి బంధువైన మాజీ మంత్రి సుదర్శన్ రెడ్డి, ఈరవత్రి అనిల్, జిల్లా అధ్యక్షుడు మానాల మోహన్ రెడ్డి, తాహెర్ బిన్, గడుగు గంగాధర్ రేవంత్ రెడ్డి వర్గంగా చీలిపోయారన్న గుసగుసలు వినిపిస్తున్నాయ్. మరోవైపు మధుయాష్కీ వర్గంగా నగర అధ్యక్షుడు కేశ వేణు, మాజీ బీసీ సెల్ అధ్యక్షుడు శేఖర్ గౌడ్, కెప్టెన్ కరుణా కర్ రెడ్డి, మాజీ మంత్రి సంతోష్ రెడ్డి కోడుకు శ్రీనివాస్ రెడ్డి ఉన్నట్లు ప్రచారం జరుగుతోంది. జిల్లా నుంచే టీపీసీసీలో కీలక బాధ్యత నిర్వహిస్తున్న మరో నేత వర్కింగ్ ప్రెసిడెంట్ మహేష్ కుమార్ గౌడ్ తటస్థంగా ఉన్నారు. ఈ పరిణామాలు రాష్ట్ర కాంగ్రెస్ లో తీవ్ర దుమారం రేపుతోంది. ఈ వర్గ పోరు జిల్లాలో ఇలాగే కొనసాగితే....రాష్ట్రం కాంగ్రెస్ పైనా ప్రభావం చూపే అవకాశం ఉంటుందని రాజకీయ విశ్లేషకులు భావిస్తున్నారు. 

Published at : 11 Mar 2022 09:47 PM (IST) Tags: CONGRESS revanth reddy nizamabad TS News Madhuyashti Goud

సంబంధిత కథనాలు

Weather Updates: అల్పపీడనం ఎఫెక్ట్ - ఏపీ, తెలంగాణలో 3 రోజులపాటు  వర్షాలు: IMD

Weather Updates: అల్పపీడనం ఎఫెక్ట్ - ఏపీ, తెలంగాణలో 3 రోజులపాటు వర్షాలు: IMD

Nizamabad News: తమకిష్టంలేని పెళ్లి చేసుకుందని గర్భిణీని బలవంతంగా లాక్కెళ్లిన కుటుంబ సభ్యులు

Nizamabad News: తమకిష్టంలేని పెళ్లి చేసుకుందని గర్భిణీని బలవంతంగా లాక్కెళ్లిన కుటుంబ సభ్యులు

బుల్లెట్ బైక్‌లే టార్గెట్‌గా చోరీలు, 2 నెలల్లో 100కు పైగా మాయం - మిస్టరీగా మారిన కేసు

బుల్లెట్ బైక్‌లే టార్గెట్‌గా చోరీలు, 2 నెలల్లో 100కు పైగా మాయం - మిస్టరీగా మారిన కేసు

Weather Updates: బలపడుతోన్న అల్పపీడనం - అక్కడ మోస్తరు నుంచి భారీ వర్షాలు, IMD ఎల్లో అలర్ట్ జారీ

Weather Updates: బలపడుతోన్న అల్పపీడనం - అక్కడ మోస్తరు నుంచి భారీ వర్షాలు, IMD ఎల్లో అలర్ట్ జారీ

Nizamabad News : కోతులు వెంటబడడంతో చెరువులో దూకిన నలుగురు చిన్నారులు, ఇద్దరు మృతి!

Nizamabad News : కోతులు వెంటబడడంతో చెరువులో దూకిన నలుగురు చిన్నారులు, ఇద్దరు మృతి!

టాప్ స్టోరీస్

Amaravati Vs Three Capitals : అమరావతికి పోటీగా మూడు రాజధానులపై విస్తృత ప్రచారం - వైఎస్ఆర్‌సీపీ స్ట్రాటజీ ప్రజల్లోకి వెళ్తుందా ? ప్రజల్ని కన్విన్స్ చేయగలుగుతారా ?

Amaravati Vs Three Capitals :  అమరావతికి పోటీగా మూడు రాజధానులపై విస్తృత ప్రచారం - వైఎస్ఆర్‌సీపీ స్ట్రాటజీ ప్రజల్లోకి వెళ్తుందా ? ప్రజల్ని కన్విన్స్ చేయగలుగుతారా ?

KCR National Party : జాతీయ పార్టీ ప్రకటనకు సర్వం సిద్ధం, హైదరాబాద్ చేరుకుంటున్న నేతలు

KCR National Party : జాతీయ పార్టీ ప్రకటనకు సర్వం సిద్ధం, హైదరాబాద్ చేరుకుంటున్న నేతలు

Sri Rajarajeshwari Ashtakam: సకల విజయాలను అందించే అష్టకం, దసరా రోజు చదువుకుంటే మంచిది

Sri Rajarajeshwari Ashtakam: సకల విజయాలను అందించే అష్టకం, దసరా రోజు చదువుకుంటే మంచిది

Somu Veerraju On Daspalla Lands : ప్రతిపక్షంలో పోరాటం అధికారంలోకి రాగానే ప్రైవేట్ పరమా?, సీఎం జగన్ కు సోము వీర్రాజు లేఖ

Somu Veerraju On Daspalla Lands : ప్రతిపక్షంలో పోరాటం అధికారంలోకి రాగానే ప్రైవేట్ పరమా?, సీఎం జగన్ కు సోము వీర్రాజు లేఖ