యునాని వైద్యాన్ని కాపాడాలంటూ నిరాహార దీక్ష - స్పృహ కోల్పోయిన ముగ్గురు వైద్యులు!

Nizamia Tibbi College: యునాని వైద్యాన్ని కాపాడాలని కోరుతూ నిజామియా టిబ్బి విద్యార్థులు, వైద్యులు నిరాహార దీక్ష చేస్తున్నారు. అయితే ఈ దీక్షలో ముగ్గురు హౌస్ సర్జన్లు స్పృహ కోల్పోయారు. 

యునాని వైద్యాన్ని కాపాడాలంటూ నిరాహార దీక్ష - స్పృహ కోల్పోయిన ముగ్గురు వైద్యులు!

Nizamia Tibbi College: యునాని వైద్యాన్ని కాపాడాలని కోరుతూ.. నిజామియా టిబ్బి విద్యార్థులు, వైద్యులు నిరాహార దీక్ష చేస్తున్నారు. ఈ క్రమంలోనే ముగ్గురు హౌస్ సర్జన్లు స్పృహ తప్పి పడిపోయారు. ఆయుష్‌లో యునాని, హోమియోపతి, నేచురోపతిని చెల్లుబాటు అయ్యే వైద్య విభాగాలను తొలగించడాన్ని వ్యతిరేకిస్తూ నిరవధిక నిరాహార దీక్ష చేపట్టారు. యునాని, హోమియోపతి, నేచురోపతి మందులను తొలగిస్తూ సెప్టెంబర్ 16న విడుదల చేసిన చివరి నోటిఫికేషన్‌ను ప్రభుత్వం ఉపసంహరించుకునే వరకు ఆందోళన ఆపేది లేదని తెలిపారు. యునానీ, హోమియోపతి, యోగా చదివిన అభ్యర్థులు మిడ్‌లెవల్ హెల్త్ ప్రొఫెషనల్స్ (ఎంఎల్‌హెచ్‌పీ) పోస్టులకు దరఖాస్తు చేసుకోవడానికి అర్హులు కాదని ప్రభుత్వ ఉత్తర్వుల్లో పేర్కొంది. అదే అర్హతలు కలిగిన ప్రస్తుత ఎంఎల్ హెచ్ పీలను వారి పదవీకాలం ముగిసిన తర్వాత విధుల నుంచి తొలగించాలని కూడా పేర్కొంది.

చాలా మందికి ఉపాధి లేకుండా పోతుంది..

అయితే ఈ క్రమంలోనే విద్యార్థులు, వైద్యులు నిరాహార దీక్షను కొనసాగిస్తున్నారు. ఆయుర్వేదాన్ని ప్రోత్సహించడానికి, ఇతర ప్రత్యామ్నాయ విభాగాలను ఏకకాలంలో లాగడానికి ఈ చర్య చేస్తున్నారని ఆరోపించారు. సాంప్రదాయ విభాగాల్లో వృత్తిని అభ్యసిస్తున్న చాలా మంది జీవితాలకు ఇది ముగింపు పలకబోతోందని, వారికి ఉపాధి లేకుండా పోతుందని వైద్య నిపుణులు, విద్యార్థులు ఆరోపిస్తున్నారు. ప్రభుత్వ నిజామియా టిబ్బి కళాశాలలో చివరి సంవత్సరం యునానీ విద్యార్థిని హజ్రా ఫాతిమా మీడియాతో మాట్లాడుతూ.. "మేము పోటీ పరీక్షల ద్వారా ఇక్కడకు వచ్చాము. ఇక్కడికి రావాలని నీట్ రాశాము కానీ ఇప్పుడు మమ్మల్ని పక్కదారి పట్టిస్తున్నారు అని తెలిపారు. 

ఆయుష్ లో అర్హత లేనివారుగా పేర్కొంటున్నారు..

హౌస్ సర్జన్ అయిన డాక్టర్ జుబైర్ ఆలం... మేము జాతీయ ఆరోగ్య మంత్రిత్వ శాఖ (NHM) పథకానికి వ్యతిరేకంగా నిరసన చేస్తున్నాము. ఇప్పటి వరకు 'ఆయుష్', 'అల్లోపతి'లకు ఒకే ప్రాధాన్యత ఇచ్చి విద్యార్థులను సమానంగా నియమించుకున్నారని, అయితే ఈ ఏడాది యునాని, హోమియోపతి, నేచురోపతి తదితర కోర్సులు చదివిన వారిని ఆయుష్‌లో 'అర్హత లేనివారు'గా పేర్కొంటున్నారని ఆయన అన్నారు. ఈ రంగాలకు సంబంధించిన ఉద్యోగాలు రద్దు చేస్తామని చెప్పారు. ప్రత్యామ్నాయ వైద్యం ఇతర విధానాలను రద్దు చేయడం, ‘ఆయుష్’ కింద ఆయుర్వేధాన్ని మాత్రమే కొనసాగించడం వివక్ష తప్ప మరొకటి కాదు అని డాక్టర్ జుబైర్ వ్యాఖ్యానించారు.