IPL, 2022 | Match 68 | Brabourne Stadium, Mumbai - 20 May, 07:30 pm IST
(Match Yet To Begin)
RR
RR
VS
CSK
CSK
IPL, 2022 | Match 69 | Wankhede Stadium, Mumbai - 21 May, 07:30 pm IST
(Match Yet To Begin)
MI
MI
VS
DC
DC

Breaking News Live: కేంద్ర విదేశాంగ శాఖ మంత్రి జయశంకర్ కు ముఖ్యమంత్రి జగన్ లేఖ

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ పేజీ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

FOLLOW US: 
కేంద్ర విదేశాంగ శాఖ మంత్రి జయశంకర్ కు ముఖ్యమంత్రి జగన్ లేఖ


కేంద్ర విదేశాంగ శాఖ మంత్రి జయశంకర్ కు ముఖ్యమంత్రి జగన్ లేఖ

ఉక్రెయిన్ లోని పలు కళాశాలల్లో ఏపీకి చెందిన విద్యార్థులు చిక్కుకుని పోయిన విషయాన్ని వివరించిన సీఎం

ఉక్రెయిన్ లో యుద్ధ వాతావరణం కారణంగా ఉక్రెయిన్ లోని భారతీయులను వెనక్కి రావాలని ప్రకటించిన కేంద్రం

ఈ పరిస్థితుల్లో రాష్ట్రానికి చెందిన విద్యార్థులు వెనక్కి రప్పించేందుకు రాష్ట్ర ప్రభుత్వం కేంద్రానికి అన్ని విధాలుగా సహకరిస్తుందని లేఖలో పేర్కొన్న సీఎం జగన్

ఢిల్లీలోని ఏపీ భవన్ రెసిడెంట్ కమిషనర్ ను లేదా సీఎంఓను  విదేశాంగ శాఖ అధికారులు సంప్రదించాలని లేఖలో సీఎం వినతి

Hyderabad Traffic Police: ట్రాఫిక్‌ ఉల్లంఘనులకు హైదరాబాద్‌ పోలీసుల భారీ ఆఫర్, ఛలానాలపై 50 శాతం రాయితీ

పెరిగిపోతున్న పెండింగ్‌ ట్రాఫిక్‌ ఛలాన్ల క్రియరెన్స్‌ కోసం హైదరాబాద్‌ ట్రాఫిక్ పోలీసులు బంపర్‌ ఆఫర్‌ ఇచ్చారు. మార్చి ఒకటి నుంచి భారీ రాయితీతో చలాన్లు కట్టే అవకాశాన్ని ఇచ్చారు. ద్విచక్ర వాహనదారులకు 75 శాతం రాయితీ ప్రకటించారు. కార్లకు 50 శాతం, బస్సులకు 30 శాతం రాయితీ ఇచ్చారు. మార్చి ఒకటి నుంచి ఆన్ లైన్, ఈ సేవ ద్వారా చెల్లించేందుకు ఛాన్స్‌ ఇచ్చారు. 

Vivek Murder Case: వైఎస్‌ వివేకా హత్య దర్యాప్తు అధికారిపై ఏపీలో కేసు, స్టే ఇచ్చిన హైకోర్టు

మాజీ మంత్రి వైఎస్ వివేకా హత్య కేసులో సీబీఐ దర్యాప్తు అధికారి రామ్‍సింగ్‍పై నమోదు చేసిన కేసులో స్టే ఇచ్చిన ఏపీ హైకోర్టు. నిన్న కడప కోర్టు ఆదేశాల మేరకు సీబీఐ దర్యాప్తు అధికారి రామ్‍సింగ్‍పై కేసు నమోదు చేసిన ఏపీ పోలీసులు. బుధవారం హైకోర్టును ఆశ్రయించిన సీబీఐ.
దర్యాప్తు అధికారిపై కేసు నమోదు చేయడం పట్ల అభ్యంతరం వ్యక్తం చేసిన సీబీఐ న్యాయవాది. వాదనలు విన్న తర్వాత ఈ కేసులో తదనంతర చర్యలు అన్నింటిపై స్టే ఇచ్చిన హైకోర్టు. ఎటువంటి చర్యలు చేపట్టవద్దని పోలీసులకు ఆదేశాలు.

అల్లం పద్మకు మావోయిస్టుల నివాళులు

గత కొద్ది రోజులుగా కిడ్నీ సమస్యతో బాధ పడుతూ ఫిబ్రవరి 22వ తేదీన తుది శ్వాస విడిచిన అల్లం పద్మకు భారత కమ్యూనిస్టు పార్టీ (మావోయిస్టు) తెలంగాణ రాష్ట్ర కమిటీ అధికార ప్రతినిధి జగన్ నివాళులు తెలిపారు. ఆమె మృతికి  పార్టీ తీవ్ర సంతాపాన్ని తెలియజేస్తున్నదని ప్రకటన విడుదల చేశారు. ప్రజాస్వామిక ప్రత్యేక తెలంగాణ ఉద్యమంలో అల్లం పద్మ తన వంతు భాద్యత వహించిందన్నారు. ప్రజాస్వామిక తెలంగాణ కోసం ఎంతో పరితపించి శక్తి వంచన లేకుండా శ్రమించిందని మావోయిస్ట్ అధికార ప్రతినిధి జగన్ తెలిపారు. పోరాడుతున్న ఉద్యమకారులుకు మద్దతునందించి స్ఫూర్తిని, ధైర్యాన్ని నింపిందన్నారు. తాను ఇచ్చిన స్ఫూర్తితో ఉద్యమకారులు ఉత్సహాంగా విరోచితంగా పోరాడారని తెలిపారు. విరామం ఎరుగక పోరాడిన పోరాట శ్రేణులకు అలసట లేకుండా ఎంతో ఓపికతో భోజనాలు ఏర్పాటు చేసి ఎన్నో సేవలందించిందని చెప్పారు. అందరికి అప్యాయతలు పంచిన అల్లం పద్మ తెలంగాణ అమ్మగా గుర్తింపు పొందిందని వివరించారు. తల్లి పాత్ర పోషించి, స్ఫూర్తిని నింపిన అల్లం పద్మను తెలంగాణ సమాజం, ముఖ్యంగా ప్రజాస్వామిక తెలంగాణ నినాదంతో పోరాడిన ఉద్యమ శక్తులు ఎన్నటికి మరిచి పోవని చెప్పారు. అల్లం పద్మ మరణం మావోయిస్ట్ పార్టీని తీవ్రంగా కలతకు, భాదకు గురి చేసిందన్నారు. అందరిలో ఎంతో గుర్తింపున పొందిన పద్మ భౌతికంగా తెలంగాణ సమాజంలో లేదనడానికి చింతిస్తున్నామని చెప్పారు.

BJP Leaders: అసమ్మతి నేతల సమావేశం అనేది దుష్ప్రచారం: బీజేపీ నేత

బీజేపీ అసమ్మతి నేతల సమావేశం జరిగినట్టుగా మీడియాలో ప్రసారం చేస్తున్నారని, ఇది సరికాదని పార్టీ లీడర్ వెంకటరమణ అన్నారు. బీజేపీలో సమ్మతి అసమ్మతి అనే వాటికి అవకాశం లేదు. ఈ విధమైన కథనాలు అన్నీ మీడియా వారి సృష్టేనని వ్యాఖ్యానించారు. అందరం పార్టీ అభివృద్ధి కోసం పనిచేసే క్రియాశీల కార్యకర్తలమే. అసత్య ప్రచారంతో కార్యకర్తలను మరియు ప్రజలను తప్పుదోవ పట్టించే ప్రయత్నాలు మానుకోవాలని ఓ ప్రకటనలో పేర్కొన్నారు.

KCR At Mallanna Sagar: మల్లన్నసాగర్ ప్రాజెక్టును ప్రారంభించిన కేసీఆర్

కాళేశ్వరం ప్రాజెక్టులో భాగమైన మల్లన్న సాగర్ ప్రాజెక్టును ముఖ్యమంత్రి కేసీఆర్ ప్రారంభించారు. మోటార్ స్విచ్ ఆన్ చేసి నీటిని జలాశయంలోకి వదిలారు. 50 టీఎంసీల సామర్థ్యంతో నిర్మించిన ఈ రిజర్వాయర్‌ను ముఖ్యమంత్రి జాతికి అంకితం చేశారు. ఈ కార్యక్రమంలో మంత్రి హరీశ్ రావు కూడా పాల్గొన్నారు.

Kaleshwaram Inaguration: మల్లన్న సాగర్ ప్రాజెక్టును నేడు ప్రారంభించనున్న సీఎం

కాళేశ్వరం ప్రాజెక్టులో భాగంగా సిద్దిపేట జిల్లాలో నిర్మించిన మల్లన్నసాగర్‌ను సీఎం కేసీఆర్‌ నేడు ప్రారంభించనున్నారు. ఆ ప్రాజెక్టును జాతికి అంకింతం చేయనున్నారు. ఈ 50 టీఎంసీల సామర్థ్యం ఉన్న భారీ జలాశయంలోకి లాంఛనంగా నీటిని విడుదల చేయనున్నారు. ఇందుకోసం అన్ని ఏర్పాట్లు పూర్తయ్యాయి. నిర్వాసితుల త్యాగాల వల్లే మలన్న సాగర్‌ పూర్తి అయిందని హరీశ్‌ రావు పేర్కొన్నారు.

CM Jagan Reaches to Mekapati Cremation: మేకపాటి అంత్యక్రియల్లో పాల్గొన్న సీఎం జగన్

ఉదయగిరి మేకపాటి రాజమోహన్ రెడ్డి కళాశాల సమీపంలో జరుగుతున్న మంత్రి మేకపాటి గౌతమ్ రెడ్డి అంత్యక్రియల్లో ముఖ్యమంత్రి జగన్మోహన్ రెడ్డి పాల్గొన్నారు. గన్నవరం నుంచి ప్రత్యేక విమానంలో బయలుదేరి వెళ్లారు. ఆంధ్రప్రదేశ్ ప్రభుత్వ లాంఛనాలతో అంత్యక్రియలు జరుగుతున్నాయి.

Mekapati Cremation Starts: మంత్రి మేకపాటి అంత్యక్రియలు ప్రారంభం

హఠాన్మరణం చెందిన మంత్రి మేకపాటి గౌతమ్ రెడ్డి అంత్యక్రియలు ప్రారంభం అయ్యాయి. ఉదయగిరిలోని మేకపాటి రాజమోహన్ రెడ్డి కళాశాల ప్రాంగణంలో మంత్రి భౌతిక కాయాన్ని దహనం చేస్తున్నారు. 

Mekapati Funeral: ఉదయగిరికి చేరిన మేకపాటి అంతిమయాత్ర, కాసేపట్లోనే అంత్యక్రియలు

నెల్లూరులోని ఆయన నివాసం నుంచి ప్రారంభమైన గౌతమ్‌ రెడ్డి అంతిమయాత్ర జొన్నవాడ, బుచ్చి, సంగం, నెల్లూరుపాలెం, మర్రిపాడు, బ్రహ్మణపల్లి, నందిపాడు మీదుగా ఉదయగిరకి చేరుకుంది. ఈ యాత్రలో ఆయన బంధువులు, అభిమానులు, పార్టీ కార్యకర్తలు పెద్ద సంఖ్యలో పాల్గొన్నారు. యాత్ర పొడవునా ప్రజలు, అభిమానులు కన్నీటితో వీడ్కోలు పలికారు. ఉదయగిరిలోని మేకపాటి ఇంజినీరింగ్‌ కళాశాల సమీపంలో గౌతమ్‌రెడ్డి అంత్యక్రియలు జరుగుతున్నాయి.

Mekapati Gowtham Reddy Funeral: ప్రారంభమైన మంత్రి మేకపాటి అంతిమ యాత్ర

ఏపీ మంత్రి మేకపాటి గౌతమ్ రెడ్డి అంతిమయాత్ర నెల్లూరు నుంచి ప్రారంభం అయింది. నగరం నుంచి జొన్న‌వాడ‌, బుచ్చిరెడ్డిపాలెం, సంగం, వాసిలి, నెల్లూరు పాలెం, డీసీ ప‌ల్లి, మ‌ర్రిపాడు, బ్రాహ్న‌ణ‌ప‌ల్లి మీదుగా ఉద‌య‌గిరికి అంతిమ‌యాత్ర చేరుకోనుంది. ఉద‌య‌గిరిలో జ‌రిగే అంత్య‌క్రియ‌ల‌కు ముఖ్య‌మంత్రి వైఎస్ జ‌గ‌న్‌, మంత్రులు, ప్ర‌జాప్ర‌తినిధులు, అధికారులు పాల్గొన‌నున్నారు. కాగా, మేక‌పాటి గౌతం రెడ్డి అంతిమ యాత్ర‌లో ప్ర‌భుత్వ స‌ల‌హాదారుడు స‌జ్జ‌ల‌ రామ‌కృష్ణారెడ్డి, మంత్రి అనీల్ కుమార్ యాద‌వ్‌, ఎమ్మెల్యేలు గోవ‌ర్థ‌న్ రెడ్డి, సంజీవ‌య్య‌లు పాల్గొన్నారు.

Telangana BJP: ఢిల్లీకి పయనం అయిన తెలంగాణ బీజేపీ నేతలు

తెలంగాణ బీజేపీ నేతలు నేడు ఢిల్లీకి వెళ్లనున్నారు. టీఆర్ఎస్ నాయకుల తీరుపై కేంద్రానికి వీరు ఫిర్యాదు చేయనున్నారు. ఈ మేరకు బండి సంజయ్, డీకే అరుణ, ఈటల రాజేందర్ ఢిల్లీకి పయనం అయ్యారు. ఉన్నట్టుండి వీరు ఢిల్లీ పర్యటన వెళ్తుండడం ప్రాధాన్యం సంతరించుకుంది.

Electric Bus on Fire: మంటల్లో రూ.3 కోట్ల బస్సు, ఛార్జింగ్ పెడుతుండగా ప్రమాదం

ఆర్టీసీ ఎలక్ట్రిక్‌ బస్‌కు ఛార్జింగ్ పెడుతుండగా ఎమర్జెన్సీ స్విచ్‌ లో షార్ట్‌ సర్క్యూట్‌ కారణంగా ఒక్కసారిగా మంటలు చెలరేగాయి. చూస్తుండగానే మంటలు వ్యాపించాయి. దట్టమైన పొగ అలుముకోవడంతో డిపో సిబ్బంది ప్రాణభయంతో పరుగులు తీశారు. సమాచారం అందుకున్న అగ్నిమాపక సిబ్బంది అక్కడికి చేరుకుని సుమారు గంటసేపు శ్రమించి మంటలను అదుపులోకి తీసుకొచ్చారు. కాగా అగ్నిప్రమాదంలో కాలిపోయిన ఎలక్ర్టిక్‌ బస్సు విలువ సుమారు రూ.3 కోట్లు ఉంటుందని ఆర్టీసీ అధికారులు చెబుతున్నారు. సిబ్బంది వెంటనే అప్రమత్తమై పక్కనే ఉన్న మరికొన్ని బస్‌లను దూరంగా తరలించారని, దీంతో పెను ప్రమాదం తప్పినట్టైందని ఆర్టీసీ అధికారులు పేర్కొన్నారు.

Background

ఆంధ్రప్రదేశ్, తెలంగాణ రాష్ట్రాల్లో చలి ప్రభావం దాదాపుగా తగ్గిపోయింది. పొడి గాలులు వీచడంతో కనిష్ట ఉష్ణోగ్రతలు భారీగా పెరిగిపోతున్నాయని వాతావరణ కేంద్రం తెలిపింది. రాత్రులు చల్లగా ఉంటున్నప్పటికీ మధ్యాహ్నం మాత్రం వేడి, ఉక్కుపోత అధికంగా ఉంటున్నాయి. చాలా  ప్రాంతాలల్లో 20 డిగ్రీలకు పైగా కనిష్ట ఉష్ణోగ్రత నమోదు కావడం వాతావరణంలో మార్పులను సూచిస్తుంది. 

ఏపీలో నేడు సైతం నైరుతి, దక్షిణ దిశల నుంచి వేగంగా గాలులు వీస్తున్నాయి. దాంతో ఏపీలో మరో మూడు రోజులపాటు వాతావరణం పొడిగా ఉంటుందని అమరావతి వాతావరణ కేంద్రం తెలిపింది. ఉత్తర కోస్తాంధ్ర, యానాంలో వాతావరణం పొడిగా ఉంటుందని, కనిష్ట ఉష్ణోగ్రతలు పెరగడంతో ఉక్కపోతగా ఉంటుందని అధికారులు పేర్కొన్నారు. విశాఖపట్నం, విజయనగరం, శ్రీకాకుళం జిల్లాల్లో వేడి గాలులు వీస్తాయి. వర్ష సూచన లేకపోవడంతో రాత్రి పూట కనిష్ట ఉష్ణోగ్రలు భారీగా పెరుగుతున్నాయి. వేటకు వెళ్లడానికి మత్స్యకారులకు ఏ ఇబ్బంది లేదు. అత్యల్పంగా జంగమేశ్వరపురంలో 18.2 డిగ్రీల కనిష్ట ఉష్ణోగ్రత నమోదైంది. బాపట్లలో 20.7 డిగ్రీలు, నందిగామలో 21.4 డిగ్రీలు, కళింగపట్నంలో 20.6 డిగ్రీలు, అమరావతిలో 21.8 డిగ్రీలు, విశాఖపట్నంలో 23.8 డిగ్రీల, నెల్లూరులో 24.5 డిగ్రీలు, ఒంగోలులో 24.5 డిగ్రీల మేర కనిష్ట ఉష్ణోగ్రతలు నమోదవుతున్నాయి.

దక్షిణ కోస్తాంధ్ర, రాయలసీమలో వాతావరణం పొడిగా ఉంటుంది. గుంటూరు, కృష్ణా, తూర్పు గోదావరి, పశ్చిమ గోదావరి జిల్లాల్లోని తెలంగాణ సరిహద్దు ప్రాంతాల్లో వేడిగా ఉంటుంది. ఈ ప్రాంతాల్లోనూ కనిష్ట ఉష్ణోగ్రతలు భారీగానే పెరిగాయి. ఆరోగ్యవరం, అనంతపురం లాంటి ప్రాంతాల్లో  కనిష్ట ఉష్ణోగ్రతలు 20కి చేరువలో ఉన్నాయని అమరావతి వాతావరణ కేంద్రం తెలిపింది. ఆరోగ్యవరంలో కనిష్ట ఉష్ణోగ్రత 19.5 డిగ్రీలు నమోదైంది. అనంతపురంలో 18.9 డిగ్రీలు, నంద్యాలలో 22.4 డిగ్రీలు, తిరుపతిలో 20.5 డిగ్రీలు, కర్నూలులో 22.1 డిగ్రీలు, కడపలో 24.2 డిగ్రీల మేర రాత్రిపూట కనిష్ట ఉష్ణోగ్రతలు నమోదయ్యాయి.

తెలంగాణ మొదలైన వేడి..
తెలంగాణలో కనిష్ట ఉష్ణోగ్రతలు క్రమంగా పెరుగున్నాయి. కొన్ని చోట్ల మాత్రమే వాతావరణం పొడిగా ఉందని హైదరాబాద్ వాతావరణ కేంద్రం తెలిపింది. ఉదయం వేళ చలి గాలులతో ఇబ్బందులు తప్పవన్నారు. అత్యల్పంగా ఆదిలాబాద్ ఏజెన్సీలో 12 డిగ్రీల కనిష్ట ఉష్ణోగ్రత నమోదు కాగా ఇతర జిల్లాల్లో కనీసం 15 డిగ్రీల మేర ఉష్ణోగ్రతలు నమోదయ్యాయి. భద్రాచలంలో 20 డిగ్రీలు, నిజామాబాద్‌లో 17.9 డిగ్రీలు, రంగారెడ్డిలో 17 డిగ్రీలు, మెదక్‌లో 18.3 డిగ్రీల మేర కనిష్ట ఉష్ణోగ్రతలు నమోదయ్యాయి. రామగుండంలోనూ 14.6 డిగ్రీల మేర రెండో కనిష్ట ఉష్ణోగ్రత ఉన్నట్లు వాతావరణ కేంద్రం వెల్లడించింది. 

బంగారం, వెండి ధరలు
తెలుగు రాష్ట్రాల్లో బంగారం ధర నేడు బాగా పెరిగింది. గ్రాముకు రూ.35 చొప్పున ఎగబాకింది. కానీ, వెండి ధర నేడు నిలకడగా ఉంది. తాజాగా 22 క్యారెట్ల 10 గ్రాముల (తులం) బంగారం ధర, ఇవాళ హైదరాబాద్‌ మార్కెట్‌లో రూ.46,250 గా ఉంది. 24 క్యారెట్ల ప్యూర్ బంగారం ధర ప్రస్తుతం రూ.50,460 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో నేడు స్థిరంగా రూ.70,000 వద్ద ఉంది. రెండ్రోజులుగా వెండి ధర ఇలాగే ఉండగా.. నేడు కూడా అదే ధర ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి.

ఇక విశాఖపట్నం మార్కెట్‌లోనూ 22 క్యారెట్ల బంగారం ధర రూ.46,250 గా ఉండగా.. 24 క్యారెట్ల బంగారం ధర రూ.50,460గా ఉంది. ఇక్కడ వెండి ధర హైదరాబాద్ తరహాలోనే కిలో రూ.70,000 గా ఉంది. విజయవాడలోనూ పసిడి ధర పెరిగింది. 22 క్యారెట్ల ఆర్నమెంటు బంగారం ధర నేడు రూ.46,250 గా ఉంది. 24 క్యారెట్ల బిస్కెట్ బంగారం ధర రూ.50,460గా ఉంది. ఇక్కడ కిలో వెండి ధర రూ.70 వేలుగా ఉంది.

SHOPPING
Top Mobiles
LAPTOP AND ACCESORIES
Best Deals

టాప్ స్టోరీస్

Chandrababu Kurnool Tour: భూలోకంలో ఎక్క‌డ దాక్కున్నా లాక్కొచ్చి లోప‌లేయిస్తా: చంద్ర‌బాబు సంచలన వ్యాఖ్యలు

Chandrababu Kurnool Tour: భూలోకంలో ఎక్క‌డ దాక్కున్నా లాక్కొచ్చి లోప‌లేయిస్తా: చంద్ర‌బాబు సంచలన వ్యాఖ్యలు

RCB Vs GT Highlights: ఫాంలోకి వచ్చిన కింగ్ కోహ్లీ - గుజరాత్‌పై బెంగళూరు ఘనవిజయం!

RCB Vs GT Highlights: ఫాంలోకి వచ్చిన కింగ్ కోహ్లీ - గుజరాత్‌పై బెంగళూరు ఘనవిజయం!

NTR30: ఎన్టీఆర్30 టెరిఫిక్ అప్డేట్ - ఫ్యాన్స్ కు పూనకాలే!

NTR30: ఎన్టీఆర్30 టెరిఫిక్ అప్డేట్ - ఫ్యాన్స్ కు పూనకాలే!

Nikhat Zareen: తెలంగాణ బంగారు కొండ - ప్రపంచ చాంపియన్‌గా నిఖత్ జరీన్!

Nikhat Zareen: తెలంగాణ బంగారు కొండ - ప్రపంచ చాంపియన్‌గా నిఖత్ జరీన్!