CM KCR Tour: తమిళనాడు పర్యటనలో సీఎం కేసీఆర్.. రేపు స్టాలిన్ తో భేటీ

సీఎం కేసీఆర్ సోమవారం కుటుంబ సమేతంగా తమిళనాడు పర్యటకు వెళ్లారు. శ్రీరంగంలోని రంగనాథస్వామి వారిని దర్శించుకున్నారు.  

త‌మిళ‌నాడు తిరుచిరాప‌ల్లి జిల్లా శ్రీరంగంలోని రంగ‌నాథ‌స్వామి ఆలయంలో సీఎం కేసీఆర్ ప్రత్యేక పూజలు చేశారు.  కుటుంబ స‌భ్యుల‌తో క‌లిసి స్వామి వారికి దర్శించుకున్నారు. స్వామివారికి మొక్కులు చెల్లించుకున్నారు సీఎం కేసీఆర్. వేద మంత్రాల‌తో రంగ‌నాథ స్వామి ఆల‌య పండితులు ముఖ్యమంత్రి, ఆయన కుటుంబ సభ్యులకు పూర్ణ కుంభంతో స్వాగతం ప‌లికారు. ఆలయంలోకి రావడంతోనే స్వామివారి వాహనం అయిన గ‌జ‌రాజు సీఎం కేసీఆర్‌కు ఆశీర్వాదం అందించింది. అంత‌కుముందు తిరుచ్చి క‌లెక్టర్ శివ‌రాసు, త‌మిళ‌నాడు మంత్రి అరుణ్ నెహ్రూ కేసీఆర్‌కు స్వాగతం ప‌లికి ఆల‌యంలోకి తీసుకెళ్లారు.

రంగ‌నాథ‌స్వామిని ద‌ర్శించుకోవ‌డం సంతోషంగా ఉంద‌ని సీఎం కేసీఆర్ పేర్కొన్నారు. స్వామి వారి ద‌ర్శ‌న అనంత‌రం కేసీఆర్ మీడియాతో మాట్లాడారు. శ్రీరంగం ఆల‌య ద‌ర్శ‌నానికి రావ‌డం ఇది రెండోసారి అని..  డీఎంకే ప్ర‌భుత్వం ఏర్పాటైన త‌ర్వాత రంగ‌నాథ‌స్వామిని ద‌ర్శించుకోవ‌డంతో ఇదే తొలిసారి అని చెప్పారు. రేపు సాయంత్రం త‌మిళ‌నాడు సీఎం స్టాలిన్‌తో స‌మావేశం అవుతాన‌ని కేసీఆర్ ప్ర‌క‌టించారు.

అనంతరం సీఎం కుటుంబ సభ్యులతో చెన్నైకి వెళ్లారు. రాత్రికి ఐటీసీ హోటల్లో వారు బస చేస్తారు. మంగళవారం(రేపు) తమిళనాడు సీఎం ఎంకే స్టాలిన్‌తో భేటీ కానున్నారు. ఈ మేరకు సమావేశం ఖరారైంది. మంగళవారం తిరుత్తణిలో ఓ కార్యక్రమంలో పాల్గొన్న అనంత‌రం ఇద్దరు ముఖ్యమంత్రులు భేటీ అవుతారు. ఆళ్వార్ పేటలోని స్టాలిన్ నివాశం సమావేశం జరగనుంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి