Vivo T3x 5G: రూ.12 వేలలోపే 5జీ ఫోన్ లాంచ్ - వివో టీ3ఎక్స్ స్పెసిఫికేషన్లు చూశారా?

Vivo New Phone: ప్రముఖ స్మార్ట్ ఫోన్ బ్రాండ్ వివో తన బడ్జెట్ 5జీ స్మార్ట్ ఫోన్‌ను మనదేశంలో లాంచ్ చేసింది. అదే వివో టీ3ఎక్స్ 5జీ. దీని ధర రూ.13,499 నుంచి ప్రారంభం కానుంది.

వివో టీ3ఎక్స్ 5జీ మనదేశంలో లాంచ్ అయింది

Source : Vivo

Vivo T3x 5G Launched: వివో టీ3ఎక్స్ 5జీ స్మార్ట్ ఫోన్ మనదేశంలో బుధవారం లాంచ్ అయింది. ఇందులో ఫుల్ హెచ్‌డీ+ స్క్రీన్‌ను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 6 జెన్ 1 ప్రాసెసర్‌పై ఈ ఫోన్ పని చేయనుంది. రెండు కలర్ ఆప్షన్లలో దీన్ని కొనుగోలు చేయవచ్చు. వివో టీ3ఎక్స్ బ్యాటరీ సామర్థ్యం 6000 ఎంఏహెచ్ కాగా, 44W ఫాస్ట్ ఛార్జింగ్‌ను సపోర్ట్ చేయనుంది. ఆండ్రాయిడ్ 14 ఆపరేటింగ్ సిస్టంపై ఈ ఫోన్ పని చేయనుంది. దీనికి సంబంధించిన సేల్ త్వరలో ప్రారంభం కానుంది.

వివో టీ3ఎక్స్ ధర (Vivo T3x 5G Price in India)
ఈ ఫోన్ ధర మనదేశంలో రూ.13,499 నుంచి ప్రారంభం కానుంది. ఇది 4 జీబీ ర్యామ్ + 128 జీబీ స్టోరేజ్ వేరియంట్ ధర. ఇక 6 జీబీ ర్యామ్ + 128 జీబీ స్టోరేజ్ వేరియంట్ కొనాలంటే రూ.14,999 పెట్టాల్సిందే. టాప్ ఎండ్ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,499గా నిర్ణయించారు. సెలెస్టియల్ గ్రీన్, క్రిమ్సన్ బ్లిస్ కలర్ ఆప్షన్లలో దీన్ని కొనుగోలు చేయవచ్చు. ఈ ఫోన్‌కు సంబంధించిన సేల్ ఏప్రిల్ 24వ తేదీ నుంచి ప్రారంభం కానుంది. హెచ్‌డీఎఫ్‌సీ, ఎస్‌బీఐ కార్డుల ద్వారా కొనుగోలు చేస్తే రూ.1,500 డిస్కౌంట్ లభించనుంది. అంటే దీని బేస్ వేరియంట్‌ను రూ.11,999కే కొనుగోలు చేయవచ్చన్న మాట.

వివో టీ3ఎక్స్ స్పెసిఫికేషన్లు, ఫీచర్లు (Vivo T3x 5G Specifications)
ఆండ్రాయిడ్ 14 ఆధారిత ఫన్‌టచ్ ఓఎస్ 14 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.72 అంగుళాల ఫుల్ హెచ్‌డీ ఎల్సీడీ డిస్‌ప్లేను అందించారు. దీని పీక్ బ్రైట్‌నెస్ 1000 నిట్స్ కాగా, స్క్రీన్ రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 6 జెన్ 1 చిప్‌సెట్‌పై వివో టీ3ఎక్స్ రన్ కానుంది. 8 జీబీ వరకు ఎల్పీడీడీఆర్4ఎక్స్ ర్యామ్, 128 జీబీ యూఎఫ్ఎస్ 2.2 స్టోరేజ్ ఈ ఫోన్‌లో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. ఎక్స్‌టెండెడ్ ర్యామ్ ఫీచర్ ద్వారా ర్యామ్‌ను కూడా 8 జీబీ వరకు పెంచుకోవచ్చు.

వివో టీ3ఎక్స్‌లో ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. గతేడాది లాంచ్ అయిన వివో టీ2ఎక్స్ తరహాలోనే దీని కెమెరా ఫీచర్లు ఉన్నాయి.

5జీ, వైఫై, బ్లూటూత్ వీ5.1, జీపీఎస్, ఓటీజీ, బైదు, గ్లోనాస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు అందించారు. యాక్సెలరోమీటర్, యాంబియంట్ లైట్ సెన్సార్లు, కలర్ టెంపరేచర్ సెన్సార్, ఈ-కంపాస్, గైరోస్కోప్, ప్రాక్సిమిటీ సెన్సార్లు ఉన్నాయి. ఆథెంటికేషన్ కోసం ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఐపీ64 డస్ట్ వాటర్, రెసిస్టెన్స్ ఫీచర్లు ఉన్నాయి. డ్యూయల్ స్టీరియో స్పీకర్లు కూడా చూడవచ్చు.

44W ఫాస్ట్ ఛార్జింగ్‌ను సపోర్ట్ చేసే 6000 ఎంఏహెచ్ బ్యాటరీని ఇందులో అందించారు. ఒక్కసారి పూర్తిగా ఛార్జ్ చేస్తే 68 గంటల ఆన్‌లైన్ మ్యూజిక్ ప్లేబ్యాక్‌ను ఈ ఫోన్ డెలివర్ చేయనుంది. దీని మందం 0.79 సెంటీమీటర్లు కాగా, బరువు 199 గ్రాములుగా ఉంది.