Vivo T3 Pro 5G: వివో టీ3 ప్రో 5జీ వచ్చేసింది - ధర, ఫీచర్లు ఇవే!

Vivo New Phone: ప్రముఖ స్మార్ట్ ఫోన్ బ్రాండ్ వివో తన కొత్త ఫోన్ మనదేశంలో లాంచ్ చేసింది. అదే వివో టీ3 ప్రో 5జీ. దీని ధర మనదేశంలో రూ.24,999 నుంచి ప్రారంభం కానుంది.

వివో టీ3 ప్రో 5జీ

Source : Vivo

Vivo T3 Pro 5G Launched: వివో టీ3 ప్రో 5జీ స్మార్ట్ ఫోన్ మనదేశంలో లాంచ్ అయింది. క్వాల్‌కాం స్నాప్‌డ్రాగన్ 7 జెన్ 3 ప్రాసెసర్‌పై ఈ ఫోన్ రన్ కానుంది. ఇందులో 12 జీబీ వరకు ర్యామ్ అందించారు. ఈ ఫోన్‌లో వెనకవైపు 50 మెగాపిక్సెల్ డ్యూయల్ కెమెరా సెటప్‌ను అందించారు. దీని బ్యాటరీ సామర్థ్యం 5500 ఎంఏహెచ్‌గా ఉంది. వివో టీ3 ప్రో 5జీలో 6.77 అంగుళాల 3డీ కర్వ్‌డ్ అమోఎల్ఈడీ డిస్‌ప్లేను అందించారు. వివో టీ3 5జీ సిరీస్‌లో ఈ ఫోన్ మనదేశంలో లాంచ్ అయింది. ఈ సిరీస్‌లో ఇప్పటికే వివో టీ3 5జీ, వివో టీ3 లైట్ 5జీ, వివో టీ3ఎక్స్ 5జీ ఫోన్లు లాంచ్ అయ్యాయి.

వివో టీ3 ప్రో 5జీ ధర (Vivo T3 Pro 5G Price in India)
ఇందులో రెండు ఫోన్లు అందుబాటులో ఉన్నాయి. వీటిలో 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.24,999గా ఉంది. టాప్ ఎండ్ వేరియంట్ అయిన 8 జీబీ ర్యామ్ + 256 జీబీ స్టోరేజ్ మోడల్ ధరను రూ.26,999గా నిర్ణయించారు. సెప్టెంబర్ 3వ తేదీ నుంచి దీనికి సంబంధించిన సేల్ ప్రారంభం కానుంది. ఫ్లిప్‌కార్ట్, వివో ఇండియా వెబ్ సైట్లలో దీన్ని కొనుగోలు చేయవచ్చు. ఎమరాల్డ్ గ్రీన్, శాండ్ స్టోన్ ఆరెంజ్ కలర్ ఆప్షన్లలో వివో టీ3 ప్రో 5జీ అందుబాటులో ఉంది.

వివో టీ3 ప్రో 5జీ స్పెసిఫికేషన్లు, ఫీచర్లు (Vivo T3 Pro 5G Specifications)
వివో టీ3 ప్రో 5జీ స్మార్ట్ ఫోన్‌లో 6.77 అంగుళాల ఫుల్ హెచ్‌డీ+ 3డీ కర్వ్‌డ్ అమోఎల్ఈడీ డిస్‌ప్లేను అందించారు. ఈ స్మార్ట్ ఫోన్ స్క్రీన్ రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 7 జెన్ 3ప్రాసెసర్‌పై వివో టీ3 ప్రో 5జీ పని చేయనుంది. 8 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ వరకు యూఎఫ్ఎస్ 2.2 స్టోరేజ్ ఈ ఫోన్‌లో అందుబాటులో ఉంది. ఆండ్రాయిడ్ 14 ఆధారిత ఫన్‌టచ్ ఓఎస్ 14 ఆపరేటింగ్ సిస్టంపై వివో టీ3ప్రో 5జీ రన్ కానుంది.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. ఇందులో ప్రధాన కెమెరాగా 50 మెగాపిక్సెల్ సోనీ ఐఎంఎక్స్882 సెన్సార్‌ను అందించారు. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్ కూడా ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉంది.

ఈ స్మార్ట్ ఫోన్‌లో 5500 ఎంఏహెచ్ బ్యాటరీని అందించారు. ఇది 80W వైర్డ్ ఫాస్ట్ ఛార్జింగ్‌ను సపోర్ట్ చేయనుంది. 5జీ, 4జీ ఎల్టీఈ, వైఫై 6, బ్లూటూత్ వీ5.4, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు అందుబాటులో ఉన్నాయి. దీని మందం 0.74 సెంటీమీటర్లు కాగా, బరువు 184 గ్రాములుగా ఉంది.