Samsung Galaxy A23 Launch: రూ.20 వేలలోపే శాంసంగ్ కొత్త ఫోన్ - ఫీచర్లు ఎలా ఉన్నాయంటే?

శాంసంగ్ తన గెలాక్సీ ఏ23 స్మార్ట్ ఫోన్‌ను మనదేశంలో లాంచ్ చేసింది. దీని ధర రూ.19,499 నుంచి ప్రారంభం కానుంది.

శాంసంగ్ గెలాక్సీ ఏ23 స్మార్ట్ ఫోన్ మనదేశంలో లాంచ్ అయింది.

ప్రముఖ స్మార్ట్ ఫోన్ బ్రాండ్ శాంసంగ్ తన గెలాక్సీ ఏ23 స్మార్ట్ ఫోన్‌ను మనదేశంలో లాంచ్ చేసింది. క్వాల్‌కాం స్నాప్‌డ్రాగన్ 680 ప్రాసెసర్‌ను ఈ ఫోన్‌లో అందించారు. ఫోన్ వెనకవైపు నాలుగు కెమెరాలు ఉన్నాయి. వీటిలో 50 మెగాపిక్సెల్ కెమెరాను ప్రధాన సెన్సార్‌గా అందించారు.

శాంసంగ్ గెలాక్సీ ఏ23 ధర
ఇందులో మూడు వేరియంట్లు ఉండనున్నాయి. వీటిలో 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.14,999 కాగా... 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,999గానూ, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.17,499గా నిర్ణయించారు. బ్లాక్, బ్లూ, లైట్ బ్లూ, పీచ్ రంగుల్లో ఈ ఫోన్ కొనుగోలు చేయవచ్చు.

శాంసంగ్ గెలాక్సీ ఏ23 స్పెసిఫికేషన్లు
శాంసంగ్ గెలాక్సీ ఏ23లో 6.6 అంగుళాల ఫుల్ హెచ్‌డీ+ డిస్‌ప్లే ఉండనుంది. క్వాల్‌కాం స్నాప్‌డ్రాగన్ 680 ప్రాసెసర్‌పై శాంసంగ్ గెలాక్సీ ఏ23 పనిచేయనుంది. ఇందులో 5000 ఎంఏహెచ్ బ్యాటరీ ఉండనుంది. 25W ఫాస్ట్ చార్జింగ్‌ను ఇది సపోర్ట్ చేయనుంది. ఆండ్రాయిడ్ 12 ఆధారిత వన్‌యూఐ 4.1 ఆపరేటింగ్ సిస్టంపై ఈ ఫోన్ పనిచేయనుంది. 8 జీబీ వరకు ర్యామ్, 128 జీబీ వరకు స్టోరేజ్ ఇందులో ఉండనుంది.

ఇక కెమెరాల విషయానికి వస్తే... ఇందులో వెనకవైపు నాలుగు కెమెరాల సెటప్ ఉండనుంది. దీంతోపాటు 50 మెగాపిక్సెల్ కెమెరాను ప్రధాన సెన్సార్‌గా అందించారు. దీంతోపాటు 5 మెగాపిక్సెల్ అల్ట్రా వైడ్ యాంగిల్ సెన్సార్, మరో రెండు 2 మెగాపిక్సెల్ కెమెరాలు ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది. దీని మందం 0.84 సెంటీమీటర్లుగానూ... బరువు 194 గ్రాములుగానూ ఉండే అవకాశం ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Tech Gallon (@tech_gallon)