Realme Pad 2: రూ.20 వేలలోపే 11.5 అంగుళాల ట్యాబ్లెట్ - లాంచ్ చేసిన రియల్‌మీ!

రియల్‌మీ ప్యాడ్ 2 ట్యాబ్లెట్ మనదేశంలో లాంచ్ అయింది. దీని ధర రూ.19,999 నుంచి ప్రారంభం అయింది.

రియల్‌మీ ప్యాడ్ 2 ట్యాబ్ మనదేశంలోలాంచ్ అయింది.

Source : Realme Twitter

Realme Pad 2: రియల్‌మీ ప్యాడ్ 2 ట్యాబ్లెట్‌ను కంపెనీ మనదేశంలో లాంచ్ చేసింది. దీని బ్యాటరీ సామర్థ్యం 8360 ఎంఏహెచ్‌గా ఉంది. 33W ఫాస్ట్ ఛార్జింగ్‌ను రియల్‌మీ ప్యాడ్ 2 సపోర్ట్ చేయనుంది. 8 జీబీ వరకు ర్యామ్, 256 జీబీ వరకు స్టోరేజ్ ఇందులో అందించారు. ర్యామ్‌ను 16 జీబీ వరకు పెంచుకునే అవకాశం ఉంది. దీనికి సంబంధించిన సేల్ ఆగస్టు మొదటి వారంలో జరగనుంది.

రియల్‌మీ ప్యాడ్ 2 ధర
ఈ ట్యాబ్‌లో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధరను రూ.19,999గా నిర్ణయించారు. టాప్ ఎండ్ మోడల్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.22,999గా ఉంది. దీనికి సంబంధించిన ప్రీ-ఆర్డర్లు జులై 26వ తేదీ నుంచి ప్రారంభం కానుంది. ఆగస్టు 1వ తేదీ నుంచి ఫ్లిప్‌కార్ట్, రియల్‌మీ.కాం వెబ్ సైట్లలో వీటి సేల్ మొదలవుతుంది. ఇన్‌స్పిరేషన్ గ్రీన్, ఇమాజినేషన్ గ్రే కలర్ ఆప్షన్లలో ఈ ట్యాబ్ కొనుగోలు చేయవచ్చు.

రియల్‌మీ ప్యాడ్ 2 స్పెసిఫికేషన్లు, ఫీచర్లు
ఆండ్రాయిడ్ ఆధారిత రియల్‌మీ యూఐ ఆపరేటింగ్ సిస్టంపై రియల్‌మీ ప్యాడ్ 2 ట్యాబ్ పని చేయనుంది. ఇందులో 11.5 అంగుళాల డిస్‌ప్లేను అందించారు. దీని స్క్రీన్ టు బాడీ రేషియో 85.2 శాతం కాగా, రిఫ్రెష్ రేట్ 120 హెర్ట్జ్‌గా ఉండనుంది. మీడియాటెక్ హీలియో జీ99 ప్రాసెసర్‌ను ఇందులో అందించినట్లు కంపెనీ పేర్కొంది.

8 జీబీ వరకు ర్యామ్ అందుబాటులో ఉంది. డైనమిక్ ర్యామ్ ఫీచర్ ద్వారా ఏకంగా 16 జీబీ వరకు పెంచుకోవచ్చు. ఇక కెమెరాల విషయానికి వస్తే... ట్యాబ్ వెనకవైపు 8 మెగాపిక్సెల్ కెమెరా అందించారు. 256 జీబీ వరకు స్టోరేజ్ ఈ ట్యాబ్‌లో అందుబాటులో ఉంది.

ఇందులో 8360 ఎంఏహెచ్ బ్యాటరీని అందించారు. 33W ఫాస్ట్ ఛార్జింగ్‌ను ఈ ట్యాబ్ సపోర్ట్ చేయనుంది. ఒక్కసారి పూర్తిగా ఛార్జ్ చేస్తే 17 గంటల వీడియో ప్లేబ్యాబక్ టైమ్, 190 గంటల మ్యూజిక్ ప్లేబ్యాక్‌ను ఈ ట్యాబ్ అందించనుంది. డాల్బీ అట్మాస్ టెక్నాలజీని సపోర్ట్ చేసే డ్యూయల్ స్టీరియో స్పీకర్లు కూడా ఉన్నాయి.

మల్టీ స్క్రీన్ కొలాబరేషన్, స్క్రీన్ మిర్రరింగ్, డ్యూయల్ విండోస్, స్ప్లిట్ స్క్రీన్, స్మార్ట్ సైడ్ బార్ వంటి ఫీచర్లు కూడా రియల్‌మీ ఈ ట్యాబ్‌లో అందించింది. దీని మందం కేవలం 0.72 సెంటీమీటర్లు మాత్రమే. బరువును మాత్రం కంపెనీ ఇంకా వెల్లడించలేదు. 

And the Champion performers are here!

The #realmeC53 and #realmePad2 are ready to take provide you with an experience, unlike anything you've experienced. Keep an eye on your calendars to bring the next-gen entertainers home.

Know more: https://t.co/3bT5lGeX03 pic.twitter.com/9en0dCyDcl

— realme (@realmeIndia) July 19, 2023

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial