Vivo T1x Sale: వివో కొత్త ఫోన్ సేల్ నేడే - రూ.12 వేలలోపే సూపర్ ఫీచర్లు!

ప్రముఖ స్మార్ట్ ఫోన్ బ్రాండ్ వివో ఇటీవలే తన కొత్త ఫోన్ టీ1ఎక్స్‌ను లాంచ్ చేసిన సంగతి తెలిసిందే. దీని సేల్ ఫ్లిప్‌కార్ట్‌లో ప్రారంభం అయింది.

వివొ టీ1ఎక్స్ సేల్ మనదేశంలో ప్రారంభం అయింది.

వివో టీ1ఎక్స్ సేల్ మనదేశంలో ప్రారంభం అయింది. ఫ్లిప్‌కార్ట్‌లో ఈ స్మార్ట్ ఫోన్ కొనుగోలు చేయవచ్చు. వివో టీ1ఎక్స్ క్వాల్‌కాం స్నాప్‌డ్రాగన్ 680 ప్రాసెసర్‌పై పని చేయనుంది. అలాగే ఫోన్ వెనకవైపు 50 మెగాపిక్సెల్ కెమెరా, ఆండ్రాయిడ్ 12 ఆపరేటింగ్ సిస్టం, 5000 ఎంఏహెచ్ బ్యాటరీ, ఫోన్ పక్కభాగంలో ఫింగర్ ప్రింట్ సెన్సార్ కూడా అందించారు.

వివో టీ1ఎక్స్ ధర
ఈ స్మార్ట్ ఫోన్‌లో రెండు వేరియంట్లు అందుబాటులో ఉన్నాయి. 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,999 కాగా, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.14,999గా నిర్ణయించారు. గ్రావిటీ బ్లాక్, స్పేస్ బ్లూ రంగుల్లో వివో టీ1ఎక్స్ లాంచ్ అయింది. ఫ్లిప్‌కార్ట్‌లో జులై 27వ తేదీ నుంచి ఈ ఫోన్ సేల్ ప్రారంభం కానుంది.

వివో టీ1ఎక్స్ స్పెసిఫికేషన్లు, ఫీచర్లు
ఈ స్మార్ట్ ఫోన్‌లో 6.58 అంగుళాల ఫుల్ హెచ్‌డీ+ ఐపీఎస్ ఎల్సీడీ డిస్‌ప్లే అందించారు. 90 హెర్ట్జ్ స్క్రీన్ రిఫ్రెష్ రేట్ ఫీచర్ కూడా ఉంది. దీని స్క్రీన్ టు బాడీ రేషియో 90.6 శాతం కాగా, ఎన్టీఎస్సీ కలర్ గాముట్ 96 శాతంగా ఉంది. 6 జీబీ వరకు ర్యామ్, 128 జీబీ వరకు స్టోరేజ్ ఈ స్మార్ట్ ఫోన్‌లో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకునే అవకాశం ఉంది.

క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ఫోన్ పనిచేయనుంది. ఇందులో 5000 ఎంఏహెచ్ బ్యాటరీని అందించారు. 44W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఫింగర్ ప్రింట్ సెన్సార్ ఫోన్ పక్కభాగంలో ఉంది. ఫేస్ అన్‌లాక్‌ను కూడా వివో టీ1ఎక్స్ సపోర్ట్ చేయనుంది.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ కెమెరా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది. ఆండ్రాయిడ్ 12 ఆధారిత ఫన్‌టచ్ ఆపరేటింగ్ సిస్టంను ఇందులో అందించారు.