Redmi K60 Series: యాపిల్ ఫీచర్ను కాపీ కొట్టిన షావోమీ - త్వరలో రానున్న రెడ్మీ ఫ్లాగ్షిప్ ఫోన్లు!
ప్రముఖ స్మార్ట్ ఫోన్ బ్రాండ్ షావోమీ తన రెడ్మీ కే60 సిరీస్ను త్వరలో లాంచ్ చేయనున్నట్లు తెలుస్తోంది.
రెడ్మీ కే60 సిరీస్ను షావోమీ రూపొందిస్తున్నట్లు వార్తలు వస్తున్నాయి. ప్రముఖ చైనీస్ టిప్స్టర్ దీనికి సంబంధించిన ఫీచర్లను ఆన్లైన్లో టీజ్ చేశారు. ఇందులో క్వాల్కాం స్నాప్డ్రాగన్ 8 సిరీస్ ప్రాసెసర్ ఉండనుందని సమాచారం. ఈ ఫోన్ రెండు చార్జింగ్ ఆప్షన్లలో అందుబాటులో ఉండనుంది. 67W వైర్డ్ చార్జింగ్ + 30W వైర్లెస్ చార్జింగ్, 120W వైర్డ్ చార్జింగ్ + 30W వైర్లెస్ చార్జింగ్ ఆప్షన్లలో ఈ ఫోన్ లాంచ్ కానుంది. 2కే రిజల్యూషన్ ఉన్న డిస్ప్లేలను ఈ ఫోన్లో అందించనున్నట్లు సమాచారం.
దీని స్పెసిఫికేషన్లను చైనా మైక్రోబ్లాగింగ్ సైట్ వీబోలో ఈ టిప్స్టర్ షేర్ చేశారు. క్వాల్కాం స్నాప్డ్రాగన్ 8 సిరీస్ ప్రాసెసర్పై ఈ సిరీస్ ఫోన్లు పని చేయనున్నాయి. రెండు వేరియంట్లు ఇందులో ఉండనున్నాయి. రెడ్మీ కే50 సిరీస్కు తర్వాతి వెర్షన్గా ఈ ఫోన్ లాంచ్ కానుంది. ఈ ఫోన్లు 100W ఫాస్ట్ చార్జింగ్ను సపోర్ట్ చేయనున్నాయి.
ఫోన్ వెనకవైపు 50 మెగాపిక్సెల్ కెమెరాను ప్రధాన సెన్సార్గా అందించనున్నారు. ఆథెంటికేషన్ కోసం ఇన్ డిస్ప్లే ఫింగర్ ప్రింట్ సెన్సార్ ఉండనుంది. రెడ్మీ కే60 మోడల్స్లో సోనీ ఐఎంఎక్స్766 కెమెరా ఉండనున్నట్లు వార్తలు వస్తున్నాయి. యాపిల్ ఐఫోన్ 14 సిరీస్లో అందించిన డైనమిక్ ఐల్యాండ్ తరహా ఫీచర్ ఈ ఫోన్లలో అందించనున్నట్లు తెలుస్తోంది. ఈ ఫోన్లను కంపెనీ ఇంకా అధికారికంగా వెల్లడించలేదు.
రెడ్మీ కే50ఐ 5జీ స్మార్ట్ ఫోన్ ఇటీవలే మనదేశంలో లాంచ్ అయింది. ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.25,999 కాగా, 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.28,999గా నిర్ణయించారు.
రెడ్మీ కే50ఐ 5జీ స్పెసిఫికేషన్లు
ఆండ్రాయిడ్ 12 ఆధారిత ఎంఐయూఐ 13 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.6 అంగుళాల ఫుల్ హెచ్డీ+ ఎల్సీడీ డిస్ప్లేను అందించారు. డాల్బీ విజన్ సర్టిఫికేషన్, హెచ్డీఆర్10 సపోర్ట్ కూడా ఇందులో ఉంది. 144 హెర్ట్జ్ డైనమిక్ రిఫ్రెష్ రేట్ ఫీచర్ ఇందులో అందించారు. టచ్ శాంప్లింగ్ రేట్ 270 హెర్ట్జ్గా ఉంది.
8 జీబీ వరకు ఎల్పీడీడీఆర్5 ర్యామ్, 256 జీబీ వరకు యూఎఫ్ఎస్ 3.1 స్టోరేజ్ ఇందులో ఉంది. ఆక్టాకోర్ మీడియాటెక్ డైమెన్సిటీ 8100 ప్రాసెసర్పై ఈ ఫోన్ పనిచేయనుంది. దీని మందం 0.88 సెంటీమీటర్లు కాగా, బరువు 200 గ్రాములుగా ఉంది.
ఇక కెమెరాల విషయానికి వస్తే.. ఫోన్ వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా.. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్లను అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది.
5జీ, 4జీ ఎల్టీఈ, వైఫై 6, బ్లూటూత్, జీపీఎస్, ఏ-జీపీఎస్, 3.5 ఎంఎం హెడ్ ఫోన్ జాక్, యూఎస్బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. దీని బ్యాటరీ సామర్థ్యం 5080 ఎంఏహెచ్గా ఉంది. 67W ఫాస్ట్ చార్జింగ్ను ఈ ఫోన్ సపోర్ట్ చేయనుంది. ఐపీ53 వాటర్, డస్ట్ రెసిస్టెన్స్ ఫీచర్ ఇందులో ఉంది.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
టాప్ హెడ్ లైన్స్
ట్రెండింగ్ వార్తలు
