Realme 9 4G India Launch: రియల్మీ 108 మెగాపిక్సెల్ ఫోన్ వచ్చేసింది - కేవలం రూ.16 వేలలోపే - మిగతా ఫీచర్లు ఎలా ఉన్నాయంటే?
ప్రముఖ స్మార్ట్ ఫోన్ బ్రాండ్ రియల్మీ తన కొత్త స్మార్ట్ ఫోన్ను మనదేశంలో లాంచ్ చేసింది. అదే రియల్మీ 9 4జీ.
రియల్మీ 9 4జీ స్మార్ట్ ఫోన్ మనదేశంలో లాంచ్ అయింది. ఇందులో క్వాల్కాం స్నాప్డ్రాగన్ 680 ప్రాసెసర్ను అందించారు. 108 మెగాపిక్సెల్ కెమెరాను ఇందులో రియల్మీ అందించింది. 5000 ఎంఏహెచ్ బ్యాటరీ కూడా ఇందులో అందించారు. ప్రస్తుతం మనదేశంలో అందుబాటులో ఉన్న 108 మెగాపిక్సెల్ కెమెరా ఫోన్లలో అత్యంత చవకైనది ఇదే.
రియల్మీ 9 4జీ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధరను రూ.17,999గా నిర్ణయించారు. ఇక 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.18,999గా ఉంది. మీటియోర్ బ్లాక్, స్టార్గేజ్ వైట్, సన్బర్స్ట్ గోల్డ్ కలర్ ఆప్షన్లలో ఈ ఫోన్ కొనుగోలు చేయవచ్చు. ఏప్రిల్ 12వ తేదీన దీని సేల్ ఫ్లిప్కార్ట్, రియల్మీ.కాంల్లో ఈ ఫోన్ కొనుగోలు చేయవచ్చు.
వీటిపై ప్రారంభ ఆఫర్లు కూడా అందుబాటులో ఉన్నాయి. 6 జీబీ ర్యామ్ వేరియంట్ను రూ.15,999కు, 8 జీబీ ర్యామ్ వేరియంట్ను రూ.16,999కు కొనుగోలు చేయవచ్చు. హెచ్డీఎఫ్సీ బ్యాంకు కార్డులు, ఈఎంఐ ఆప్షన్ల ద్వారా కొనుగోలు చేస్తే రూ.2,000 ఇన్స్టంట్ డిస్కౌంట్ లభించనుంది.
రియల్మీ 9 4జీ స్పెసిఫికేషన్లు
ఆండ్రాయిడ్ 12 ఆధారిత రియల్మీ యూఐ 3.0 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.4 ఇంచుల ఫుల్ హెచ్డీ+ సూపర్ అమోఎల్ఈడీ డిస్ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్గా ఉంది. 8 జీబీ వరకు ర్యామ్ ఇందులో ఉంది. ర్యామ్ను డైనమిక్ ర్యామ్ ఎక్స్ప్యాన్షన్ ద్వారా మరో 5 జీబీ పెంచుకోవచ్చు. అంటే మొత్తంగా 13 జీబీ వరకు ర్యామ్ను పెంచుకునే అవకాశం ఉందన్న మాట.
128 జీబీ వరకు స్టోరేజ్ కూడా ఇందులో అందించారు. స్టోరేజ్ను మైక్రో ఎస్డీ కార్డు ద్వారా పెంచుకునే అవకాశం ఉంది. క్వాల్కాం స్నాప్డ్రాగన్ 680 ప్రాసెసర్పై ఈ ఫోన్ పనిచేయనుంది. ఇన్డిస్ప్లే ఫింగర్ ప్రింట్ సెన్సార్ను ఇందులో అందించారు.
ఇక కెమెరాల విషయానికి వస్తే ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరాగా 108 మెగాపిక్సెల్ శాంసంగ్ ఐసోసెల్ హెచ్ఎం6 సెన్సార్ను అందించారు. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో కెమెరాలు కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
4జీ ఎల్టీఈ, వైఫై, బ్లూటూత్ వీ5.1, యూఎస్బీ టైప్-సీ పోర్టు వంటి కనెక్టివిటీ ఫీచర్లు ఇందులో అందించారు. దీని బ్యాటరీ సామర్థ్యం 5000 ఎంఏహెచ్ కాగా... 33W డార్ట్ చార్జ్ ఫాస్ట్ చార్జింగ్ టెక్నాలజీని ఇది సపోర్ట్ చేయనుంది. దీని మందం 0.79 సెంటీమీటర్లు కాగా... బరువు 178 గ్రాములుగా ఉంది.
టాప్ హెడ్ లైన్స్
ట్రెండింగ్ వార్తలు
