Realme 11X 5G: రూ.15 వేలలోపే 5జీ ఫోన్ లాంచ్ చేసిన రియల్‌మీ - 16 జీబీ వరకు ర్యామ్, భారీ డిస్‌ప్లే కూడా!

రియల్‌మీ 11ఎక్స్ 5జీ స్మార్ట్ ఫోన్ మనదేశంలో లాంచ్ అయింది. దీని ధర రూ.15 వేలలోపే ఉంది.

రియల్‌మీ 11ఎక్స్ 5జీ స్మార్ట్ ఫోన్ మనదేశంలో లాంచ్ అయింది.

Source : Realme

Realme 11X 5G Features: రియల్‌మీ తన కొత్త బడ్జెట్ 5జీ ఫోన్‌ను మనదేశంలో లాంచ్ చేసింది. అదే రియల్‌మీ 11ఎక్స్ 5జీ. రూ.15 వేలలోపు ధరతోనే ఈ ఫోన్ మార్కెట్లోకి వచ్చింది. ఆండ్రాయిడ్ 13 ఆపరేటింగ్ సిస్టంను ఈ ఫోన్‌లో అందించారు. ఇందులో 64 మెగాపిక్సెల్ కెమెరా అందుబాటులో ఉంది.

రియల్‌మీ 11ఎక్స్ 5జీ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.14,999గా నిర్ణయించారు. టాప్ ఎండ్ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,999గా ఉంది. మిడ్‌నైట్ బ్లాక్, పర్పుల్ డాన్ కలర్ ఆప్షన్లలో దీన్ని కొనుగోలు చేయవచ్చు. ఆగస్టు 30వ తేదీ నుంచి దీని సేల్ ప్రారంభం కానుంది. ఫ్లిప్‌కార్ట్, రియల్‌మీ, కొన్ని లీడింగ్ ఆఫ్‌లైన్ రిటైల్ స్టోర్లలో ఈ ఫోన్ కొనుగోలు చేయవచ్చు. ఎస్‌బీఐ, హెచ్‌డీఎఫ్‌సీ క్రెడిట్ కార్డులతో ఈ ఫోన్ కొనుగోలు చేస్తే ప్రారంభ ఆఫర్ కింద రూ.1,500 తగ్గింపు లభించనుంది.

రియల్‌మీ 11ఎక్స్ 5జీ స్పెసిఫికేషన్లు, ఫీచర్లు
ఆండ్రాయిడ్ 13 ఆధారిత రియల్‌మీ యూఐ 4.0 ఆపరేటింగ్ సిస్టంపై రియల్‌మీ 11ఎక్స్ 5జీ పని చేయనుంది. ఈ ఫోన్‌లో 6.72 అంగుళాల ఫుల్ హెచ్‌డీ+ శాంసంగ్ అమోఎల్ఈడీ డిస్‌ప్లేను అందించారు. స్క్రీన్ రిఫ్రెష్ రేట్ 120 హెర్ట్జ్ కాగా, టచ్ శాంప్లింగ్ రేట్ 240 హెర్ట్జ్‌గా ఉంది.

రియల్‌మీ 11ఎక్స్ 5జీలో 8 జీబీ ర్యామ్ అందుబాటులో ఉంది. డైనమిక్ ర్యామ్ ఎక్స్‌ప్యాన్షన్ ఫీచర్ ద్వారా ర్యామ్‌ను మరింత పెంచుకునే అవకాశం ఈ ఫోన్‌లో కూడా ఉంది. ఈ ఫీచర్ ద్వారా ర్యామ్‌ను 16 జీబీ వరకు పెంచుకోవచ్చు. ఆక్టాకోర్ 6ఎన్ఎం మీడియాటెక్ డైమెన్సిటీ 6100 ప్లస్ ప్రాసెసర్‌పై ఈ ఫోన్‌ పని చేయనుంది.

ఈ ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 2 మెగాపిక్సెల్ సెకండరీ సెన్సార్ అందుబాటులో ఉంది. సెల్ఫీలు, వీడియో కాల్స్ కోసం ఈ ఫోన్ ముందువైపు 16 మెగాపిక్సెల్ కెమెరా అందించారు.

రియల్‌మీ 11ఎక్స్ 5జీలో 128 జీబీ వరకు స్టోరేజ్ అందుబాటులో ఉంది. ఫింగర్ ప్రింట్ సెన్సార్‌ను మొబైల్ పక్కభాగంలో అందించారు. 5జీ, 4జీ ఎల్టీఈ, వైఫై, బ్లూటూత్ వీ5.2, జీపీఎస్, ఏ-జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఉన్నాయి. ఈ మొబైల్ బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ ఛార్జింగ్‌ను సపోర్ట్ చేయనుంది. దీని మందం 0.78 సెంటీమీటర్లు కాగా, బరువు 190 గ్రాములుగా ఉంది. రియల్‌మీ 11ఎక్స్ 5జీ స్మార్ట్ ఫోన్‌తో పాటు రియల్‌మీ 11 5జీ మొబైల్ కూడా లాంచ్ అయింది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial