Poco M5: రూ.15 వేలలోపు బెస్ట్ ఫోన్ - సెప్టెంబర్ 5న పోకో ఎం5 లాంచ్!

పోక్ ఎం5 స్మార్ట్ ఫోన్ గ్లోబల్ లాంచ్ సెప్టెంబర్ 5వ తేదీన జరగనుంది. ఈ స్మార్ట్ ఫోన్ మనదేశంలో కూడా అదే రోజున లాంచ్ కానుంది. దీనికి సంబంధించిన స్పెసిఫికేషన్లు కూడా ఆన్‌లైన్‌లో లీకయ్యాయి. మీడియాటెక్ హీలియో జీ99 ప్రాసెసర్‌పై ఈ ఫోన్ పనిచేయనుంది.

సెప్టెంబర్ 5వ తేదీన సాయంత్రం 5:30 గంటలకు ఈ ఫోన్ మార్కెట్లో లాంచ్ కానుంది. దీని కోసం కంపెనీ వర్చువల్ ఈవెంట్‌ను ఏర్పాటు చేయనుంది. దీన్ని కంపెనీ యూట్యూబ్ చానెల్, సోషల్ మీడియా హ్యాండిల్స్‌లో చూడవచ్చు.

ఇక డిజైన్ విషయానికి వస్తే... ఇందులో డ్యూయల్ టోన్ డిజైన్‌ను అందించారు. ఫోన్ వెనకవైపు కెమెరాలు నిలువుగా ఉన్నాయి. ముందువైపు వాటర్ డ్రాప్ తరహా నాచ్‌లో ఫ్రంట్ కెమెరాను అందించారు. అయితే వెనకవైపు కెమెరా మాడ్యూల్ మాత్రం ఫోన్ పైభాగంలో దాదాపు పావు భాగాన్ని ఆక్రమించింది.

పోకో ఎం5 స్పెసిఫికేషన్లు (అంచనా)
ఈ స్మార్ట్ ఫోన్‌లో 6.58 అంగుళాల ఫుల్ హెచ్‌డీ+ ఐపీఎస్ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. మీడియాటెక్ హీలియో జీ99 ప్రాసెసర్‌పై ఈ ఫోన్ పనిచేయనుంది. 4 జీబీ, 6 జీబీ ర్యామ్ ఆప్షన్లు ఇందులో ఉన్నాయి.

ఆండ్రాయిడ్ 12 ఆధారిత ఎంఐయూఐ 13 ఆపరేటింగ్ సిస్టంను ఈ ఫోన్‌లో అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. డ్యూయల్ సిమ్, వైఫై, బ్లూటూత్, జీపీఎస్, ఎన్ఎఫ్‌సీ, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు కూడా ఈ ఫోన్‌లో ఉన్నాయి.

పోకో ఎం5 ధర (అంచనా)
దీని ధర రూ.15 వేలలోపే ఉండనుంది. 4జీ ఫోన్ సరిపోతుంది అనుకునే వారికి ఇది మంచి ఆప్షన్ కానుంది. ఈ విభాగంలో రియల్‌మీ సీ-సిరీస్, నార్జో 50 సిరీస్ ఫోన్లతో పోకో ఎం5 పోటీ పడనుంది. దీంతోపాటు రెడ్‌మీ స్మార్ట్ ఫోన్ల నుంచి కూడా పోకో ఎం5కు మంచి కాంపిటీషన్ ఉంది. దీని ధర ఎంతో తెలియాలంటే మాత్రం సెప్టెంబర్ 5వ తేదీ వరకు ఆగాల్సిందే.

Also Read: Samsung Galaxy Z Fold 4: 16 జీబీ ర్యామ్‌తో శాంసంగ్ కొత్త ఫోల్డబుల్ ఫోన్ - లాంచ్ త్వరలోనే!

Also Read: 200 మెగాపిక్సెల్ కెమెరాతో షావోమీ కొత్త ఫోన్ - ఫొటోలు అదిరిపోతాయ్!

 

 

 

 

 

View this post on Instagram

 

 

 

 

 

 

 

 

 

 

 

A post shared by POCO India (@indiapoco)