రూ.15 వేలలోనే వన్ప్లస్ ఫోన్ - లాంచ్ చేసిన కంపెనీ!
ప్రముఖ స్మార్ట్ ఫోన్ బ్రాండ్ వన్ప్లస్ తన అత్యంత చవకైన ఫోన్ లాంచ్ చేసింది. అదే వన్ప్లస్ నార్డ్ ఎన్20 ఎస్ఈ.
వన్ప్లస్ నార్డ్ ఎన్20 ఎస్ఈ స్మార్ట్ ఫోన్ను కంపెనీ చైనాలో లాంచ్ చేసింది. 5000 ఎంఏహెచ్ బ్యాటరీ, 33W ఫాస్ట్ చార్జింగ్ సపోర్ట్ కూడా ఉన్నాయి. ఈ స్మార్ట్ ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరాగా 50 మెగాపిక్సెల్ సెన్సార్ను అందించారు.
వన్ప్లస్ నార్డ్ ఎన్20 ఎస్ఈ ధర
ఈ స్మార్ట్ ఫోన్ ధరను 199 డాలర్లుగా (సుమారు రూ.15,800) నిర్ణయించారు. బ్లూ ఒయాసిస్, సెలస్టియల్ బ్లాక్ రంగుల్లో ఈ ఫోన్ కొనుగోలు చేయవచ్చు. దీనికి సంబంధించిన సేల్ చైనా ఆగస్టు 8వ తేదీ నుంచి ప్రారంభం కానుంది. మనదేశంలో కూడా ఈ ఫోన్ త్వరలో లాంచ్ అయ్యే అవకాశం ఉంది.
వన్ప్లస్ నార్డ్ ఎన్20 ఎస్ఈ స్పెసిఫికేషన్లు
ఆండ్రాయిడ్ 12 ఆధారిత ఆక్సిజన్ఓఎస్ 12.1 ఆపరేటింగ్ సిస్టంపై వన్ప్లస్ నార్డ్ ఎన్20 ఎస్ఈ పని చేయనుంది. ఇందులో 6.56 అంగుళాల డిస్ప్లేను అందించారు. 2డీ స్లిమ్ బాడీతో ఈ ఫోన్ మార్కెట్లోకి ఎంట్రీ ఇచ్చింది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో కెమెరా కూడా ఉంది. సెల్ఫీలు, వీడియో కాల్స్ కోసం ముందువైపు కూడా కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్గా ఉంది. 33W సూపర్వూక్ వైర్డ్ చార్జింగ్ను ఇది సపోర్ట్ చేయనుంది. ఈ ఫోన్ 50 శాతం చార్జ్ అవ్వడానికి కేవలం 30 నిమిషాల సమయం మాత్రమే పట్టనుందని కంపెనీ తెలిపింది. గతంలో లాంచ్ అయిన ఒప్పో ఏ57 4జీకి రీబ్రాండెడ్ వెర్షన్గా ఈ ఫోన్ లాంచ్ అయినట్లు తెలుస్తోంది.
ఇటీవలే వన్ప్లస్ 10టీ కూడా మనదేశంలో లాంచ్ అయింది. దీని ధర రూ.46,999 నుంచి ప్రారంభం కానుంది. ఆగస్టు 6వ తేదీ నుంచి అమెజాన్లో దీన్ని కొనుగోలు చేయవచ్చు. క్వాల్కాం లేటెస్ట్ ప్రాసెసర్ స్నాప్డ్రాగన్ 8 ప్లస్ జెన్ 1 ప్రాసెసర్పై ఈ ఫోన్ పనిచేయనుంది. అలాగే ఫుల్ హెచ్డీ+ డిస్ప్లే, వెనకవైపు మూడు కెమెరాలు కూడా ఉన్నాయి.
Also Read: Samsung Galaxy Z Fold 4: 16 జీబీ ర్యామ్తో శాంసంగ్ కొత్త ఫోల్డబుల్ ఫోన్ - లాంచ్ త్వరలోనే!
Also Read: 200 మెగాపిక్సెల్ కెమెరాతో షావోమీ కొత్త ఫోన్ - ఫొటోలు అదిరిపోతాయ్!
టాప్ హెడ్ లైన్స్
ట్రెండింగ్ వార్తలు
