వన్‌ప్లస్ కొత్త ఫోన్ వచ్చేసింది - 10ఆర్‌లోనే అదిరిపోయే కొత్త మోడల్!
వన్‌ప్లస్ 10ఆర్ 5జీ ప్రైమ్ బ్లూ ఎడిషన్ స్మార్ట్ ఫోన్ మనదేశంలో లాంచ్ అయింది.
వన్‌ప్లస్ 10ఆర్ 5జీ ప్రైమ్ బ్లూ ఎడిషన్ మనదేశంలో లాంచ్ అయింది. వన్‌ప్లస్ 10ఆర్ 5జీ ఇప్పటికే మనదేశంలో లాంచ్ అయింది. ఇప్పుడు ఇందులో ప్రైమ్ ఎడిషన్‌ను కూడా లాంచ్ చేశారు. ఈ ప్రైమ్ ఎడిషన్‌లో వన్‌ప్లస్ 10ఆర్ 5జీ తరహా ఫీచర్లే ఉన్నాయి. మీడియాటెక్ డైమెన్సిటీ 8100 మ్యాక్స్ ప్రాసెసర్‌పై ఈ ఫోన్ పని చేయనుంది.
వన్‌ప్లస్ 10ఆర్ 5జీ ప్రైమ్ బ్లూ ఎడిషన్ ధర
దీని ధర మనదేశంలో రూ.38,999గా ఉంది. అయితే ప్రస్తుతం అమెజాన్‌లో రూ.32,999 ధరతోనే ఈ ఫోన్ లిస్ట్ అయింది. ఎస్‌బీఐ కార్డుల ద్వారా కొనుగోలు చేస్తే అదనంగా మరో రూ.1,500 తగ్గింపు లభించనుంది. అయితే ఈ ఆఫర్ గ్రేట్ ఇండియన్ ఫెస్టివల్ వరకు మాత్రమే ఉంటుందా? తర్వాత కూడా ఈ ధరకే విక్రయిస్తారా అన్నది తెలియాల్సి ఉంది.
వన్‌ప్లస్ 10ఆర్ 5జీ ప్రైమ్ బ్లూ ఎడిషన్ ఫీచర్లు
ఆండ్రాయిడ్ 12 ఆధారిత ఆక్సిజన్ఓఎస్ 12.1 ఆపరేటింగ్ సిస్టంపై ఈ ఫోన్ పనిచేయనుంది. 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను ఈ స్మార్ట్ ఫోన్‌లో అందించారు. దీని డిస్‌ప్లే యాస్పెక్ట్ రేషియో 20:9 కాగా... స్క్రీన్ రిఫ్రెష్ రేట్ 120 హెర్ట్జ్‌గా ఉంది. డిస్‌ప్లే ప్రొటెక్షన్ కోసం 2.5డీ కర్వ్‌డ్ కార్నింగ్ గొరిల్లా గ్లాస్ 5 ప్రొటెక్షన్ కూడా వన్‌ప్లస్ 10ఆర్‌లో అందించారు.
4500 ఎంఏహెచ్ బ్యాటరీ, 80W ఫాస్ట్ చార్జింగ్ ఉన్న ఆప్షన్, 5000 ఎంఏహెచ్, 150W ఫాస్ట్ చార్జింగ్ ఉన్న ఆప్షన్లు ఈ స్మార్ట్ ఫోన్‌లో ఉన్నాయి. ఆక్టాకోర్ మీడియాటెక్ డైమెన్సిటీ 8100 మ్యాక్స్ ప్రాసెసర్‌పై వన్‌ప్లస్ 10ఆర్ పనిచేయనుంది.
ఇక కెమెరాల విషయానికి వస్తే... వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో లెన్స్ కూడా ఉన్నాయి. ముందువైపు సెల్ఫీలు, వీడియో కాల్స్ కోసం 16 మెగాపిక్సెల్ శాంసంగ్ ఐసోసెల్ ఎస్5కే3పీ9 సెన్సార్‌ను అందించారు.
5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్లు కూడా వన్‌ప్లస్ 10ఆర్‌లో అందించారు. ఈ స్మార్ట్ ఫోన్ మందం 0.82 సెంటీమీటర్లు కాగా... బరువు 186 గ్రాములుగా ఉంది.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
View this post on Instagram
టాప్ హెడ్ లైన్స్
ట్రెండింగ్ వార్తలు
