Lava Storm: బడ్జెట్ 5జీ ఫోన్ కొనాలనుకుంటున్నారా? త్వరలో సూపర్ 5జీ ఫోన్ లాంచ్ చేయనున్న లావా!
లావా కొత్త ఫోన్ మనదేశంలో లాంచ్ కానుంది. అదే లావా స్టార్మ్, స్టార్మ్ ప్రో 5జీ.
లావా స్టార్మ్, లావా స్టార్మ్ ప్రో 5జీ స్మార్ట్ ఫోన్లను కంపెనీ రూపొందిస్తుంది. ఇది త్వరలో మనదేశంలో కూడా లాంచ్ కానుంది. మీడియాటెక్ హీలియో చిప్సెట్లతో ఈ ఫోన్లు రానున్నాయి. దీనికి సంబంధించిన స్పెసిఫికేషన్లు కూడా లీకయ్యాయి. లావా బ్లేజ్ 5జీ స్మార్ట్ ఫోన్ ఇటీవలే మనదేశంలో లాంచ్ అయింది. మీడియాటెక్ డైమెన్సిటీ 700 ప్రాసెసర్ను ఈ ఫోన్లో అందించారు. దీని ధర రూ.10 వేలలోనే ఉండే అవకాశం ఉంది.
లావా స్టార్మ్, లావా స్టార్మ్ ప్రో 5జీ స్పెసిఫికేషన్లు (అంచనా)
ప్రైస్ బాబా కథనం ప్రకారం లావా స్టార్మ్, లావా స్టార్మ్ ప్రో 5జీ స్మార్ట్ ఫోన్లు నవంబర్, డిసెంబర్లో లాంచ్ కానున్నాయి. వీటిలో లావా స్టార్మ్ 4జీ మొబైల్ కాగా, లావా స్టార్మ్ ప్రో అనేది 5జీ స్మార్ట్ ఫోన్. మీడియాటెక్ హీలియో చిప్సెట్లతోనే ఈ రెండు ఫోన్లూ రానున్నాయి. ఇందులో 50 మెగాపిక్సెల్ కెమెరా ఉండనుంది. 18W ఫాస్ట్ చార్జింగ్ను ఈ ఫోన్ సపోర్ట్ చేయనుంది. లావా స్టార్మ్ ప్రో 5జీలో 33W ఫాస్ట్ చార్జింగ్ను అందించనున్నారు.
లావా బ్లేజ్ 5జీ ఇటీవలే మనదేశంలో లాంచ్ అయింది. దీని ధరను లావా ఇంతవరకు వెల్లడించలేదు. అయితే రూ.10 వేలకు కాస్త అటూఇటుగా ఉంటుందని లావా ప్రెస్ నోట్ ద్వారా తెలిపింది. కాబట్టి దేశంలో అత్యంత చవకైన 5జీ ఫోన్ ఇదే కానుంది. దీనికి సంబంధించిన ప్రీ-ఆర్డర్లు దీపావళి నుంచి ప్రారంభం కానున్నాయి.
లావా బ్లేజ్ 5జీ స్పెసిఫికేషన్లు, ఫీచర్లు
ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.51 అంగుళాల హెచ్డీ+ ఐపీఎస్ డిస్ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్గా ఉంది. వైడ్వైన్ ఎల్1 సపోర్ట్ కూడా ఈ ఫోన్లో ఉంది. 4 జీబీ ర్యామ్ను ఇందులో అందించారు. వర్చువల్ ర్యామ్ ఆప్షన్ ద్వారా మరో 3 జీబీని స్టోరేజ్ నుంచి ర్యామ్గా మార్చుకోవచ్చు.
ఇక కెమెరాల విషయానికి వస్తే... లావా బ్లేజ్ 5జీ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు రెండు ఏఐ లెన్స్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది. 128 జీబీ వరకు స్టోరేజ్ ఈ ఫోన్లో ఉండనుంది. ఫింగర్ ప్రింట్ సెన్సార్ను ఫోన్ పక్కభాగంలో అందించారు. దీని బ్యాటరీ సామర్థ్యం 5000 ఎంఏహెచ్ కాగా, ఫాస్ట్ చార్జింగ్ను ఈ ఫోన్ సపోర్ట్ చేయనుంది.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
