iQoo Neo 7: 512 జీబీ స్టోరేజ్‌తో ఐకూ కొత్త ఫోన్ - ధర రూ.30 వేలలోనే!

ప్రముఖ స్మార్ట్ ఫోన్ బ్రాండ్ ఐకూ తన నియో 7 స్మార్ట్ ఫోన్‌ను చైనాలో లాంచ్ చేసింది.

ఐకూ నియో 7 స్మార్ట్ ఫోన్ గ్లోబల్ మార్కెట్లో లాంచ్ అయింది.

ఐకూ నియో 7 స్మార్ట్ ఫోన్ చైనాలో లాంచ్ అయింది. ఇది కంపెనీ లాంచ్ చేసిన తాజా ఫ్లాగ్‌షిప్ స్మార్ట్ ఫోన్. ఈ కొత్త స్మార్ట్ ఫోన్‌లో 4 ఎన్ఎం మీడియాటెక్ డైమెన్సిటీ 9000+ ప్రాసెసర్‌ను అందించారు. 120 హెర్ట్జ్ రిఫ్రెష్ రేట్ ఉన్న హోల్ పంచ్ డిస్‌ప్లే కూడా ఈ ఫోన్‌లో ఉంది. వెనకవైపు మూడు కెమెరాలు అందించారు. 12 జీబీ వరకు ర్యామ్, 512 జీబీ వరకు స్టోరేజ్ కూడా ఈ ఫోన్‌లో అందించారు. దీని బ్యాటరీ సామర్థ్యం 5000 ఎంఏహెచ్ కాగా, 120W ఫ్లాష్ చార్జింగ్‌ను ఈ ఫోన్ సపోర్ట్ చేయనుంది.

ఐకూ నియో 7 ధర
ఇందులో మొత్తం నాలుగు వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధరను 2,699 యువాన్లుగా (సుమారు రూ.30,800) నిర్ణయించారు. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర 2,799 యువాన్లుగానూ (సుమారు రూ.32,000), 12 జీబీ ర్యామ్ + 256 జీబీ స్టోరేజ్ వేరియంట్ 2,999 యువాన్లుగానూ (సుమారు రూ.34,000) ఉంది. టాప్ ఎండ్ వేరియంట్ అయిన 12 జీబీ ర్యామ్ + 512 జీబీ వేరియంట్ ధర 3,299 యువాన్లుగా (సుమారు రూ.37,700) నిర్ణయించారు. జియోమెట్రిక్ బ్లాక్, ఇంప్రెషన్ బ్లూ, టాప్ ఆరెంజ్ కలర్ ఆప్షన్లలో దీన్ని కొనుగోలు చేయవచ్చు. ఈ ఫోన్ త్వరలో మనదేశంలో కూడా లాంచ్ కానుంది.

ఐకూ నియో 7 స్పెసిఫికేషన్లు
ఆండ్రాయిడ్ 13 ఆధారిత ఆరిజిన్ఓఎస్ ఓషన్ ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.78 అంగుళాల ఫుల్ హెచ్‌డీ+ శాంసంగ్ ఈ5 అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, స్క్రీన్ టు బాడీ రేషియో 20:8గా ఉంది. స్మూత్ గేమింగ్ కోసం ఈ డిస్‌ప్లే హెచ్‌డీఆర్ సపోర్ట్‌ను కూడా అందించనుంది. దీని పీక్ బ్రైట్‌నెస్ 1500 నిట్స్ కాగా, స్క్రీన్ టు బాడీ రేషియో 93.11 శాతంగా ఉంది.

12 జీబీ వరకు ఎల్పీడీడీఆర్5 ర్యామ్, 512 జీబీ వరకు యూఎఫ్ఎస్ 3.1 స్టోరేజ్ కూడా ఇందులో ఉంది. మీడియాటెక్ డైమెన్సిటీ 9000+ ప్రాసెసర్‌పై ఐకూ నియో 7 పని చేయనుంది. దీని మందం 0.85 సెంటీమీటర్లుగా ఉంది. దీని బరువు 197 గ్రాములుగా ఉంది.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ ఉన్నాయి. సెల్పీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 5000 ఎంఏహెచ్ కాగా, 120W ఫ్లాష్ చార్జింగ్‌ను ఈ ఫోన్ సపోర్ట్ చేయనుంది. ఇది ఏకంగా 506 గంటల స్టాండ్‌బై టైంను అందించనుంది. 5జీ, 4జీ, వైఫై, బ్లూటూత్ వీ5.3, ఓటీజీ, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు కూడా ఉన్నాయి.