256 జీబీ స్టోరేజ్ ఉన్న 5జీ ఫోన్ రూ.14 వేలలోపే - హానర్ కొత్త ఫోన్ వచ్చేసింది!
ప్రముఖ స్మార్ట్ ఫోన్ బ్రాండ్ హానర్ తన కొత్త ఫోన్ చైనాలో లాంచ్ చేసింది. అదే హానర్ ప్లే 40 ప్లస్.
హానర్ ప్లే 40 ప్లస్ స్మార్ట్ ఫోన్ చైనాలో లాంచ్ అయింది. కంపెనీ తాజాగా లాంచ్ చేసిన బడ్జెట్ స్మార్ట్ ఫోన్ ఇదే. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. నాలుగు కలర్ ఆప్షన్లలో ఈ ఫోన్ లాంచ్ అయింది. వెనకవైపు రెండు కెమెరాలు ఉన్నాయి. దీని బ్యాటరీ సామర్థ్యం 6000 ఎంఏహెచ్‌గా ఉంది.
హానర్ ప్లే 40 ప్లస్ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 256 జీబీ స్టోరేజ్ వేరియంట్ ధర 1,199 యువాన్లుగా (సుమారు రూ.13,700) నిర్ణయించారు. ప్రస్తుతానికి హానర్ మాల్ వెబ్‌సైట్లో ఈ ఫోన్ అందుబాటులో ఉంది. చార్మ్ సీ బ్లూ, మ్యాజిక్ నైట్ బ్లాక్, టైటానియం ఎంప్టీ సిల్వర్, పర్పుల్ కలర్ ఆప్షన్లలో హానర్ ప్లే 40 ప్లస్‌ను కొనుగోలు చేయవచ్చు.
హానర్ ప్లే 40 ప్లస్ స్పెసిఫికేషన్లు, ఫీచర్లు
ఆండ్రాయిడ్ 12 ఆధారిత మ్యాజిక్ యూఐ 6.1 ఆపరేటింగ్ సిస్టంపై ఈ ఫోన్ పని చేయనుంది. 6.74 అంగుళాల ఫుల్ హెచ్‌డీ+ ఐపీఎస్ డిస్‌ప్లేను ఇందులో అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. 8 జీబీ ర్యామ్, 256 జీబీ స్టోరేజ్‌లు ఇందులో ఉన్నాయి.
దీని బ్యాటరీ సామర్థ్యం 6000 ఎంఏహెచ్ కాగా, 22.5W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. 23 గంటల వీడియో ప్లేబ్యాక్ టైంను ఈ బ్యాటరీ అందించనుంది. ఆక్టాకోర్ మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పని చేయనుంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందించారు.
5జీ, బ్లూటూత్ వీ5.1, వైఫై, ఎన్ఎఫ్‌సీ, యూఎస్‌బీ ఓటీజీ, జీపీఎస్ వంటి కనెక్టివిటీ ఫీచర్లు ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని మందం 0.82 సెంటీమీటర్లు కాగా, బరువు 196 గ్రాములుగా ఉంది.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
