Google Pixel 6A Sale: గూగుల్ పిక్సెల్ 6ఏ సేల్ ప్రారంభం - ప్యూర్ ఆండ్రాయిడ్ ఫోన్!

టెక్ దిగ్గజం గూగుల్ తన పిక్సెల్ 6ఏ స్మార్ట్ ఫోన్ సేల్‌ను మనదేశంలో ప్రారంభించింది.

గూగుల్ పిక్సెల్ 6ఏ సేల్ మనదేశంలో ప్రారంభం అయింది.

గూగుల్ పిక్సెల్ 6ఏ స్మార్ట్ ఫోన్ సేల్ మనదేశంలో ప్రారంభం అయింది. ఫ్లిప్‌కార్ట్‌లో దీన్ని కొనుగోలు చేయవచ్చు. గతంలో లాంచ్ అయిన గూగుల్ పిక్సెల్ 6, గూగుల్ పిక్సెల్ 6 ప్రోలకు టోన్డ్ డౌన్ వెర్షన్‌గా గూగుల్ పిక్సెల్ 6ఏ లాంచ్ అయింది. ఈ స్మార్ట్ ఫోన్‌లో 6.1 అంగుళాల డిస్‌ప్లే అందించారు.

గూగుల్ పిక్సెల్ 6ఏ ధర
ఈ స్మార్ట్ ఫోన్ ధరను మనదేశంలో రూ.43,999గా నిర్ణయించారు. ఫ్లిప్‌కార్ట్‌లో ఈ స్మార్ట్ ఫోన్ కొనుగోలు చేయవచ్చు. జులై 28వ తేదీ నుంచి గూగుల్ పిక్సెల్ 6ఏ సేల్ ప్రారంభం కానుంది. చాక్, చార్‌కోల్, సేజ్ కలర్ ఆప్షన్లలో గూగుల్ పిక్సెల్ 6ఏ లాంచ్ అయింది. యాక్సిస్ బ్యాంకు కార్డుల ద్వారా కొనుగోలు చేస్తే రూ.4,000 తగ్గింపు లభించనుంది.

గూగుల్ పిక్సెల్ 6ఏ స్పెసిఫికేషన్లు
ఆండ్రాయిడ్ 12 ఆపరేటింగ్ సిస్టంపై గూగుల్ పిక్సెల్ 6ఏ పనిచేయనుంది. ఈ స్మార్ట్ ఫోన్‌లో 6.1 అంగుళాల ఫుల్ హెచ్‌డీ+ ఓఎల్ఈడీ డిస్‌ప్లేను అందించారు. దీని యాస్పెక్ట్ రేషియో 20:9గా ఉంది. కార్నింగ్ గొరిల్లా గ్లాస్ 3 ప్రొటెక్షన్, 60 హెర్ట్జ్ రిఫ్రెష్ రేట్ వంటి ఫీచర్లు ఇందులో ఉన్నాయి. ఆక్టాకోర్ గూగుల్ టెన్సార్ చిప్‌సెట్, టైటాన్ ఎం2 సెక్యూరిటీ కోప్రాసెసర్లను గూగుల్ తన పిక్సెల్ 6ఏ ఫోన్‌లో అందించింది.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 12.2 మెగాపిక్సెల్ కాగా... 12 మెగాపిక్సెల్ అల్ట్రా వైడ్ యాంగిల్ కెమెరా కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

6 జీబీ ర్యామ్, 128 జీబీ స్టోరేజ్ ఈ స్మార్ట్ ఫోన్‌లో ఉన్నాయి. 5జీ, 4జీ ఎల్టీఈ, వైఫై 6ఈ, బ్లూటూత్ వీ5.2, యూఎస్‌బీ టైప్-సీ పోర్టు వంటి కనెక్టివిటీ ఫీచర్లతో ఈ ఫోన్ లాంచ్ అయింది. యాక్సెలరోమీటర్, యాంబియంట్ లైట్ సెన్సార్, బారో మీటర్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్లు కూడా అందించారు. ఇన్‌డిస్‌ప్లే ఫింగర్ ప్రింట్ సెన్సార్ ఉంది. దీని బ్యాటరీ సామర్థ్యం 4410 ఎంఏహెచ్ కాగా... ఫాస్ట్ చార్జింగ్‌ను ఇది సపోర్ట్ చేయనుంది.