Youtube Down: అమెరికా, యూకేతో పాటు పలు దేశాల్లో యూట్యూబ్ డౌన్.. భారత్లోనూ యూజర్లు గగ్గోలు
అమెరికాతో సహా ప్రపంచవ్యాప్తంగా అనేక దేశాలలో YouTube ఒక్కసారిగా డౌన్ అయింది. దాదాపు 3 లక్షల మంది DownDetectorలో యూట్యూబ్ డౌన్ అని రిపోర్ట్ చేశారు.
Is YouTube Down: అమెరికా సహా ప్రపంచంలోని పలు దేశాల్లో వీడియో స్ట్రీమింగ్ ప్లాట్ఫామ్ యూట్యూబ్ ఒక్కసారిగా డౌన్ అయింది. భారత్లోనూ కొందరు యూజర్లు యూట్యూబ్ డౌన్ అని రిపోర్ట్ చేస్తున్నారు. ఇంటర్నెట్ అవుటేజ్లపై నిఘా ఉంచే వెబ్సైట్ డౌన్డిటెక్టర్ ప్రకారం, మెజారిటీ వినియోగదారులు యాప్ డౌన్లోడ్ చేయడంలో ఇబ్బందులు ఎదుర్కొంటున్నట్లు కంప్లైంట్ చేస్తున్నారు. సుమారు 16 శాతం మంది యూజర్లు వీడియో స్ట్రీమింగ్ డౌన్ అయిందని, 10 శాతం మంది వెబ్సైట్లో సమస్యలు ఉన్నట్లు ఫిర్యాదు చేశారు. దీనిపై దాదాపు 3 లక్షల మందికి పైగా యూట్యూబ్ సర్వీస్ డౌన్ అయినట్లు రిపోర్ట్ చేశారు.
డౌన్ కావడానికి కారణం వెల్లడి కాలేదు
యూట్యూబ్ సర్వీస్ డౌన్ కావడానికి గల కారణం ఏంటన్నది ఇప్పటివరకు వెల్లడి కాలేదు. అయితే నెటిజన్లు, వినియోగదారులు కంపెనీ నుండి అప్డేట్ కోసం వెయిట్ చేస్తున్నారు. బుధవారం ఉదయం అమెరికాతో పాటు కెనడా, యునైటెడ్ కింగ్డమ్ (UK), ఇతర దేశాల్లో Youtube అవుటేజ్ ప్రభావం పడిందని పలు నివేదికలు స్పష్టం చేస్తున్నాయి. సోషల్ మీడియాలో లక్షలాది మంది నిరంతరం దీనిపై కంప్లైంట్ చేస్తున్నారు. భారత్లో కూడా కొన్నిచోట్ల యూట్యూబ్ డౌన్ అయినట్లు పలు నివేదికలు పేర్కొన్నాయి. యూట్యూబ్తో పాటు గూగుల్, AWS, క్లౌడ్ఫ్లేయర్ కూడా డౌన్ అయ్యాయని చాలా మంది వినియోగదారులు చెబుతున్నారు.
YouTube, you good bro? Sounds like a global outage right now. pic.twitter.com/LFEiw6BEwP
— Dave Sousa (@dave_sousa) February 18, 2026
సర్వీస్ డౌన్ అయినట్లు అంగీకరించిన యూట్యూబ్
తమ సర్వీస్ డౌన్ అయిన విషయాన్ని YouTube అంగీకరించింది. ఒక ప్రకటనలో, ‘సర్వీస్ డౌన్ అయినట్లు గుర్తించాం. ఈ సమస్యను పరిశీలిస్తున్నామం. ప్రస్తుతం మా వద్ద ఎలాంటి పరిష్కారం లేదు. అసలేం జరిగిందో పరిశీలిస్తున్నాం. మేం దీనిపై ఫోకస్ చేశాం. మా యూజర్లకు దీనిపై అప్డేట్ చేస్తూనే ఉంటాం’ అని పేర్కొంది.
మరోవైపు గూగుల్ సపోర్ట్ పేజీలో ‘యూట్యూబ్ హోమ్పేజీ, రికమెండేషన్స్, సెర్చ్లో వస్తున్న సమస్యల గురించి మాకు తెలుసు. సాధ్యమైనంత త్వరగా సమస్యలను పరిష్కరించడానికి తీవ్రంగా కృషి చేస్తున్నాం’ అని పేర్కొన్నారు. అయితే, ఈ సమస్యను పరిష్కరించడానికి ఎంత సమయం పడుతుందనేది కంపెనీ వెల్లడించలేదు.
दुनिया भर के कई देशों में #YouTubeDOWN हो गया है , ये जानकारी #twitter पर youtube द्वारा दी गई ।#Youtube #BreakingNews pic.twitter.com/GVfYkMVIFu
— गोपाल प्रसाद शर्मा 🇮🇳 (@Gopalprasad091) February 18, 2026
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
