Infinix Smart 8 Plus: రూ.7 వేలలోపే 6000 ఎంఏహెచ్ భారీ బ్యాటరీ ఫోన్ - ఇన్‌ఫీనిక్స్ స్మార్ట్ 8 ప్లస్ వచ్చేసింది!
Infinix New Phone: ఇన్‌ఫీనిక్స్ స్మార్ట్ 8 ప్లస్ స్మార్ట్ ఫోన్ భారతదేశంలో లాంచ్ అయింది. దీన్ని రూ.6,999కే కొనుగోలు చేయవచ్చు.
Infinix New Smartphone: ఇన్‌ఫీనిక్స్ స్మార్ట్ 8 ప్లస్ మొబైల్ మనదేశంలో లాంచ్ అయింది. ఇందులో ఆక్టాకోర్ మీడియాటెక్ డైమెన్సిటీ ప్రాసెసర్‌ను అందించారు. భారీ బ్యాటరీ కూడా ఉంది. ఏఐ ఆధారిత డ్యూయల్ కెమెరా సెటప్‌ను వెనకవైపు అందించారు. మ్యాజిక్ రింగ్ ఫీచర్ కూడా అందుబాటులో ఉంది. అంటే యాపిల్ డైనమిక్ ఐల్యాండ్ తరహా ఫీచర్ అన్నమాట. ఆండ్రాయిడ్ 13 ఆధారిత గో ఎడిషన్ ఆపరేటింగ్ సిస్టంపై ఈ ఫోన్ పని చేయనుంది. ఇన్‌ఫీనిక్స్ స్మార్ట్ 8 సిరీస్‌లో ఇప్పటికే రెండు ఫోన్లు లాంచ్ అయ్యాయి. ఇది మూడో ఫోన్.
ఇన్‌ఫీనిక్స్ స్మార్ట్ 8 ప్లస్ ధర
ఈ ఫోన్‌లో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను రూ.7,999గా నిర్ణయించారు. కానీ బ్యాంకు ఆఫర్ల ద్వారా రూ.6,999కే కొనుగోలు చేయవచ్చు. దీనికి సంబంధించిన సేల్ మార్చి 9వ తేదీ నుంచి ఫ్లిప్‌కార్ట్‌లో ప్రారంభం కానుంది.
ఇన్‌ఫీనిక్స్ స్మార్ట్ 8 ప్లస్ స్పెసిఫికేషన్లు, ఫీచర్లు
ఇందులో 6.6 అంగుళాల హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, టచ్ శాంప్లింగ్ రేట్ 180 హెర్ట్జ్‌గా ఉంది. 12 ఎన్ఎం మీడియాటెక్ హీలియో జీ36 ప్రాసెసర్‌పై ఈ ఫోన్ పని చేయనుంది. 4 జీబీ ఎల్పీడీడీఆర్4ఎక్స్ ర్యామ్, 128 జీబీ స్టోరేజ్ ఇందులో ఉన్నాయి. ర్యామ్‌ను వర్చువల్‌గా మరో 4 జీబీ వరకు పెంచుకోవచ్చు. స్టోరేజ్‌ను మైక్రో ఎస్‌డీ కార్డు ద్వారా 2 టీబీ వరకు పెంచుకోవచ్చు. ఆండ్రాయిడ్ 13 ఆధారిత ఎక్స్ఓఎస్ 13 ఆపరేటింగ్ సిస్టంపై ఇన్‌ఫీనిక్స్ స్మార్ట్ 8 ప్లస్ రన్ కానుంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు ఏఐ ఆధారిత సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందుబాటులో ఉంది. యాపిల్ డైనమిక్ ఐల్యాండ్ తరహాలో ఉండే ఇన్‌ఫీనిక్స్ మ్యాజిక్ రింగ్ ఫీచర్ అందించారు.
దీని బ్యాటరీ సామర్థ్యం 6000 ఎంఏహెచ్ కాగా, 18W వైర్డ్ ఫాస్ట్ ఛార్జింగ్‌ను సపోర్ట్ చేయనుంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. 4జీ వోల్టే, వైఫై, బ్లూటూత్ 5.0, జీపీఎస్, గ్లోనాస్, యూఎస్‌బీ టైప్-సీ కనెక్టివిటీ ఫీచర్లు ఉన్నాయి. దీని మందం 0.85 సెంటీమీటర్లు కాగా బరువు 189 గ్రాములుగా ఉంది.
ఇన్‌ఫీనిక్స్ హాట్ 40ఐ స్మార్ట్ ఫోన్ ఇటీవలే మనదేశంలో లాంచ్ అయింది. కొన్ని నెలల క్రితం ఈ ఫోన్ సౌదీ అరేబియా మార్కెట్లో ఎంట్రీ ఇచ్చింది. ఆక్టాకోర్ యూనిసోక్ ప్రాసెసర్‌పై ఇన్‌ఫీనిక్స్ హాట్ 40ఐ పని చేయనుంది. దీని వెనకవైపు రెండు కెమెరాలు ఉన్నాయి. ఇవి ఏఐని సపోర్ట్ చేయడం విశేషం. ఫోన్ ముందువైపు 32 మెగాపిక్సెల్ సెల్ఫీ కెమెరా అందించారు. నాలుగు కలర్ ఆప్షన్లలో ఇన్‌ఫీనిక్స్ హాట్ 40ఐని కొనుగోలు చేయవచ్చు.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?
టాప్ హెడ్ లైన్స్
ట్రెండింగ్ వార్తలు
