Infinix Hot 40i Sale: ఇన్‌ఫీనిక్స్ హాట్ 40ఐ సేల్ ప్రారంభం - 256 జీబీ స్టోరేజ్, 50 మెగాపిక్సెల్ కెమెరా ఫోన్ రూ.10 వేలలోపే!
Infinix Hot 40i: ఇన్‌ఫీనిక్స్ హాట్ 40ఐ సేల్ ఫ్లిప్‌కార్ట్‌లో ప్రారంభం అయింది.
Infinix Hot 40i Flipkart Sale: ఇన్‌ఫీనిక్స్ హాట్ 40ఐ స్మార్ట్ ఫోన్ ఇటీవలే మనదేశంలో లాంచ్ అయిన సంగతి తెలిసిందే. దీనికి సంబంధించిన సేల్ ఇప్పటికే ఫ్లిప్‌కార్ట్‌లో ప్రారంభం అయింది. ఈ ఫోన్‌లో 8 జీబీ వరకు ర్యామ్ అందుబాటులో ఉంది. 256 జీబీ వరకు స్టోరేజ్ కూడా అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది.
ఇన్‌ఫీనిక్స్ హాట్ 40ఐ ధర (Infinix Hot 40i Price in India)
ఈ ఫోన్ రెండు వేరియంట్లలో అందుబాటులో ఉంది. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.8,999గా ఉంది. 8 జీబీ ర్యామ్ + 256 జీబీ స్టోరేజ్ వేరియంట్ రూ.9,999గా నిర్ణయించారు. ఫ్లిప్‌కార్ట్‌లో ఈ ఫోన్ కొనుగోలు చేయవచ్చు. హారిజన్ గోల్డ్, పామ్ బ్లూ, స్టార్‌లిట్ బ్లాక్, స్టార్‌ఫాల్ గ్రీన్ కలర్ ఆప్షన్లలో ఇన్‌ఫీనిక్స్ హాట్ 40ఐని కొనుగోలు చేయవచ్చు.
ఇన్‌ఫీనిక్స్ హాట్ 40ఐ స్పెసిఫికేషన్లు, ఫీచర్లు (Infinix Hot 40i Specifications)
ఇన్‌ఫీనిక్స్ హాట్ 40ఐలో 6.5 అంగుళాల హెచ్‌డీ+ ఐపీఎస్ ఎల్సీడీ ప్యానెల్‌ను అందించారు. ఈ ఫోన్ స్క్రీన్ రిఫ్రెష్ రేట్ 90 హెర్ట్జ్ కాగా, పీక్ బ్రైట్‌నెస్ 480 నిట్స్‌గానూ, స్క్రీన్ టు బాడీ రేషియో 89.7 శాతంగానూ ఉంది. ఆక్టాకోర్ యూనిసోక్ టీ606 ప్రాసెసర్‌పై ఇన్‌ఫీనిక్స్ హాట్ 40ఐ రన్ కానుంది. 8 జీబీ వరకు ర్యామ్ ఉంది. ర్యామ్‌ను వర్చువల్‌గా 16 జీబీ వరకు పెంచుకోవచ్చు. ఆండ్రాయిడ్ 13 ఆధారిత ఎక్స్ఓఎస్ 13.0 ఆపరేటింగ్ సిస్టంపై ఇన్‌ఫీనిక్స్ హాట్ 40ఐ పని చేయనుంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు ఏఐ ఆధారిత సెన్సార్ కూడా చూడవచ్చు. క్వాడ్ ఎల్ఈడీ రింగ్ ఫ్లాష్ అందించడం విశేషం. ముందువైపు సెల్పీలు, వీడియో కాల్స్ కోసం 32 మెగాపిక్సెల్ సెన్సార్ ఉంది.
యాపిల్ డైనమిక్ ఐల్యాండ్ తరహాలో మ్యాజిక్ రింగ్ ఫీచర్‌ను ఇందులో అందించారు. ఇన్‌ఫీనిక్స్ హాట్ 40ఐ బ్యాటరీ సామర్థ్యం 5000 ఎంఏహెచ్ కాగా, 18W వైర్డ్ ఛార్జింగ్‌ను కూడా సపోర్ట్ చేయనుంది. 256 జీబీ వరకు స్టోరేజ్ అందుబాటులో ఉంది. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. వైఫై, బ్లూటూత్ వీ5.0, యూఎస్‌బీ టైప్-సీ, జీపీఎస్, ఎఫ్ఎం, ఎన్ఎఫ్‌సీ కనెక్టివిటీ వంటి ఫీచర్లను కూడా ఇది సపోర్ట్ చేయనుంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఈ ఫోన్ మందం 0.83 సెంటీమీటర్లు కాగా, బరువు 190 గ్రాములుగా ఉంది.
ఇన్‌ఫీనిక్స్ స్మార్ట్ 8 ప్రో స్మార్ట్ ఫోన్‌ను కంపెనీ ఇటీవలే అధికారికంగా లాంచ్ చేసింది. ఈ ఫోన్ వెనకవైపు 50 మెగాపిక్సెల్ కెమెరా అందించారు. 6.6 అంగుళాల ఐపీఎస్ ఎల్సీడీ స్క్రీన్‌ను కూడా ఈ ఫోన్‌లో ఉంది. దీని స్క్రీన్ రిఫ్రెష్ రేట్ 90 హెర్ట్జ్ కాగా, పీక్ బ్రైట్‌నెస్ 500 నిట్స్‌గా ఉండటం విశేషం. మీడియాటెక్ హీలియో జీ36 ప్రాసెసర్‌పై ఇన్‌ఫీనిక్స్ స్మార్ట్ 8 ప్రో పని చేయనుంది.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?
టాప్ హెడ్ లైన్స్
ట్రెండింగ్ వార్తలు
