Elon Musk: వాట్సాప్‌నకు పోటీగా ఎలాన్ మస్క్ XChat యాప్- ఇక ఈజీ చాటింగ్, ఫోన్ నెంబర్ లేకుండా కాల్స్
Elon Musk XChat app | వాట్సాప్‌కు పోటీగా ఎలాన్ మస్క్ XChat యాప్ వచ్చేస్తోంది. ఫోన్ నెంబర్ అవసరం లేకుండానే కాల్స్ చేసే అవకాశం కల్పించనున్నారు. త్వరలో ఇది అందుబాటులోకి రానుందని మస్క్ తెలిపారు.
XChat is Competition for whatsapp | టెక్నాలజీ ప్రపంచంలో మరో సంచలనం సృష్టించేందుకు సిద్ధంగా ఉన్నారు బిజినెస్ మ్యాన్ ఎలాన్ మస్క్. తన X ప్లాట్‌ఫామ్‌లో కొత్త మెసేజింగ్ ఫీచర్ XChat Appని ప్రారంభిస్తున్నారు. ఈ కొత్త చాటింగ్ విధానం ద్వారా వినియోగదారులు మరింత ఎక్కువ ప్రైవసీతో పాటు డేటా సెక్యూరిటీ, చాలా సులభమైన ఇంటర్‌ఫేస్‌ను పొందనున్నారు.
XChat అంటే ఏమిటి?
XChat అనేది X ప్లాట్‌ఫామ్ సంబంధిత కొత్త చాటింగ్ ఫీచర్. ఇది ప్రస్తుతం సబ్‌స్క్రిప్షన్ పద్ధతిలో కొందరికి అందుబాటులో ఉంది. ఇందులో వినియోగదారుల చాటింగ్, వీడియో కంటెంట్ ఎండ్-టు-ఎండ్ ఎన్‌క్రిప్షన్‌తో అందుబాటులో ఉంటుంది. కొంత సమయం తర్వాత అదృశ్యమయ్యే(Disappear) సందేశాలను పంపేందుకు సైతం అవకాశం కల్పించారు.
అత్యంత ముఖ్యమైన విషయం ఏమిటంటే.. ఎక్స్‌చాట్ ద్వారా మీరు ఆడియో, వీడియో కాల్స్ చేయడానికి ఇకపై ఎలాంటి ఫోన్ నంబర్ అవసరం లేదు. అంటే, ఇప్పుడు చాటింగ్, కాలింగ్ రెండూ కేవలం ఒక X ఖాతా ద్వారానే చేయవచ్చు. ఈ ఫీచర్ అన్ని రకాల డివైజ్‌లలో పనిచేస్తుంది.
బలమైన ఎన్‌క్రిప్షన్, డేటా సెక్యూరిటీ, ప్రైవసీ
XChatని కొత్త ఎన్‌క్రిప్షన్ ఆర్కిటెక్చర్‌పై రూపొందించినట్లు టెస్లా సీఈవో ఎలాన్ మస్క్ పేర్కొన్నారు ఇది రస్ట్ ఆధారితమని... దీనిని 'బిట్‌కాయిన్ స్టైల్ ఎన్‌క్రిప్షన్' అన్నారు. ఇది యూజర్ల సెక్యూరిటీ విషయంలో రాజీ పడలేదని స్పష్టం చేశారు. వినియోగదారులు తమ చాటింగ్, డేటాను సురక్షితంగా ఉంచుకోవడానికి 4 అంకెల పిన్ కోడ్‌ను సెట్ చేసుకునే అవకాశం ఉంటుంది. మీ చాటింగ్ గతంలోని చాటింగ్, మెసేజింగ్ యాప్‌ల కంటే మరింత సురక్షితం కానుంది.
మరిన్ని ఫీచర్లు ఏమిటి?
XChat ఇంకా బీటా వెర్షన్‌లో ఉది. నివేదికల ప్రకారం, ఇందులో గ్రూప్ చాట్ ఫీచర్ కూడా రానుంది. దీంతో పాటు మీరు కోరుకుంటే, ఏదైనా చాట్‌ను చదవకుండానే వదిలిపెట్టే ఛాన్స్ ఉంది. అంటే "చదవనిది" (Unread) ఉంచే అవకాశం కూడా ఉంటుంది. ఫైల్ షేరింగ్ ఇప్పుడు మరింత సులభం అవుతుంది. ఎందుకంటే XChat ఏదైనా రకమైన ఫైల్‌ను పంపేలా డిజైన్ చేశారు.
అందరికీ ఎప్పుడు అందుబాటులోకి..
ప్రస్తుతం, XChat ప్రారంభ వెర్షన్ కొన్ని ఎంపిక చేసిన చెల్లింపు వినియోగదారులకు మాత్రమే అందుబాటులో ఉంది. ఇది త్వరలో అన్ని X వినియోగదారులకు అందుబాటులోకి వస్తుందని సంస్థ చెబుతోంది.
ఎలాన్ మస్క్ 'ఎవ్రీథింగ్ యాప్' విజన్
XChatని మస్క్ దీని పెద్ద ప్లాన్‌తో లాంచ్ చేయనున్నారు. మొదట చాటింగ్ యాప్, వీడియో, ఆడియో కాలింగ్ గా తీసుకురానున్న యాప్ తరువాత అన్ని రకాల సేవలు అందించేలా డిజైన్ చేస్తున్నారు. Xని ఒక ‘ఎవ్రీథింగ్ యాప్’ అంటే ప్రతి పని కోసం వాడే ఒకే యాప్‌గా మార్చాలనుకుంటున్నారు. సోషల్ మీడియా నుండి పేమెంట్స్, కాలింగ్, చాటింగ్ ద్వారా మల్టీ ఫంక్షన్ ప్లాట్‌ఫామ్‌గా మారుతోంది.
XChat ద్వారా ఎలాన్ మస్క్ Xని కేవలం ఒక సోషల్ నెట్‌వర్క్‌గా కాకుండా, ఆల్ ఇన్ వన్ డిజిటల్ ప్లాట్‌ఫామ్‌గా చూస్తున్నారు. కొత్త టెక్నాలజీ, ప్రైవసీపై ఫోకస్ చేయడంతో XChat చాటింగ్‌కు ఒక కొత్త రూపాన్ని ఇవ్వనుంది. మీరు టెక్నాలజీ కొత్త ఫేజ్‌లో భాగం కావాలనుకుంటే, XChat కోసం సిద్ధంగా ఉండండి, గతంలో కంటే ఈజీ చాటింగ్, డేటా సేఫ్, ప్రైవసీ ఉంటుందని చెబుతున్నారు.
టాప్ హెడ్ లైన్స్
ట్రెండింగ్ వార్తలు
