BSNL New Plan: 2022 ప్లాన్ లాంచ్ చేసిన బీఎస్ఎన్ఎల్ - 300 రోజుల పాటు అన్‌లిమిటెడ్ కాలింగ్!

బీఎస్ఎన్ఎల్ కొత్త ప్రీపెయిడ్ ప్లాన్‌ను లాంచ్ చేసింది. అదే రూ.2,022 ప్లాన్.

బీఎస్ఎన్ఎల్ రూ.2,022 ప్లాన్ లాంచ్ అయింది.

కేంద్ర ప్రభుత్వ టెలికాం సంస్థ బీఎస్ఎన్ఎల్ కొత్త ప్రీపెయిడ్ ప్లాన్‌ను అందుబాటులోకి తీసుకువచ్చింది. అదే రూ.2,022 ప్లాన్. ఈ ప్లాన్ అన్‌లిమిటెడ్ వాయిస్ కాలింగ్‌ను అందించనుంది. దీని వ్యాలిడిటీ 300 రోజులుగా ఉంది. ఈ ప్లాన్ ద్వారా 75 జీబీ డేటాను అందించనున్నారు. దీంతోపాటు రోజుకు 100 ఎస్ఎంఎస్, అన్‌లిమిటెడ్ కాలింగ్ లాభాలు కూడా లభించనున్నాయి.

బీఎస్ఎన్ఎల్ ‘ఆజాదీ కా అమృత్ మహోత్సవ్ ప్లాన్ 2022’ అనే పేరుతో ఈ కొత్త ప్లాన్‌ను లాంచ్ చేసింది. బీఎస్ఎన్ఎల్ అందించే 75 జీబీ డేటా అయిపోతే నెట్ స్పీడ్ 40 కేబీపీఎస్‌కు తగ్గనుంది. అయితే హైస్పీడ్ డేటా వ్యాలిడిటీ కూడా 60 రోజులుగానే ఉంది. ఈ 60 రోజుల తర్వాత డేటా కావాలంటే వోచర్లతో రీచార్జ్ చేసుకోవాల్సి ఉంటుంది. అయితే ప్లాన్ వ్యాలిడిటీ 300 రోజులుగా ఉంది.

ఈ ప్లాన్ దేశం మొత్తం అందుబాటులో ఉంది. ఆగస్టు 31వ తేదీ వరకు దీంతో రీచార్జ్ చేసుకోవచ్చు. బీఎస్ఎన్ఎల్ రాబోయే 18 నుంచి 24 నెలల్లో 4జీ సర్వీసులను ప్రారంభించనుందని తెలుస్తోంది. 5జీ సర్వీసులు కూడా ఫైనల్ టెస్టింగ్ దశలో ఉన్నట్లు సమాచారం.

బీఎస్ఎన్ఎల్ రూ.398 ప్లాన్ ద్వారా అన్‌లిమిటెడ్ డేటాను అందిస్తుంది. దీంతోపాటు అన్‌లిమిటెడ్ వాయిస్ కాలింగ్, రోజుకు 100 ఎస్ఎంఎస్ కూడా లభించనున్నాయి. ఇంక మరే అదనపు లాభాలు ఈ ప్లాన్ ద్వారా అందించారు. ప్రస్తుతం రూ.400లోపు అన్‌లిమిటెడ్ డేటాను అందించే ప్రత్యేకమైన ప్లాన్ మార్కెట్లో ఇదొక్కటే ఉంది. దీంతోపాటు ఎన్నో ప్రత్యేకమైన ప్లాన్లు బీఎస్ఎన్ఎల్‌లో ఉన్నాయి. అయితే 4జీ లేకపోవడం బీఎస్ఎన్ఎల్‌కు పెద్ద మైనస్‌గా మారింది. 2021లో ప్లాన్ టారిఫ్‌లు పెంచని ఏకైక టెలికాం సంస్థ బీఎస్ఎన్ఎలే.

2023లో 5జీ లాంచ్ చేయాలని బీఎస్ఎన్ఎల్ లక్ష్యంగా పెట్టుకుంది. ఒకవేళ అన్నీ ప్లాన్‌కు తగ్గట్లు జరిగితే బీఎస్ఎన్ఎల్ త్వరలో 4జీ సర్వీసులను కూడా అందించనుంది. అప్పుడు ప్రైవేట్ కంపెనీలకు దీటుగా బీఎస్‌ఎన్ఎల్ పోటీలోకి రాగలదు. ప్రస్తుతం 5జీ సొల్యూషన్స్ కోసం జియో, ఎయిర్‌టెల్ కూడా ఎదురుచూస్తున్నాయి. మీరు నివసించే ప్రాంతంలో బీఎస్ఎన్ఎల్ ఇంటర్నెట్ స్పీడ్ బాగుంటే ఇది మీకు బెస్ట్ ప్లాన్ అవుతుంది.

బీఎస్ఎన్ఎల్ రూ.299 ప్లాన్ ద్వారా రోజుకు 3 జీబీ డేటాను అందించనుంది. ఈ ప్లాన్ వ్యాలిడిటీ 30 రోజులుగా ఉంది. అంటే మొత్తంగా 90 జీబీ డేటాను ఈ ప్లాన్‌తో అందించనున్నారన్న మాట. ఎఫ్‌యూపీ లిమిట్ అయిపోయాక డేటా స్పీడ్ 80 కేబీపీఎస్‌కు తగ్గిపోనుంది.

ఇంటర్నెట్ లాభాలతో పాటు అన్‌లిమిటెడ్ వాయిస్ కాలింగ్, రోజుకు 100 ఎస్ఎంఎస్ కూడా ఈ ప్లాన్ ద్వారా లభించనున్నాయి. ఈ ధరలో ప్రైవేట్ టెల్కోలు అందించే ప్లాన్లతో పోలిస్తే ఈ ప్లాన్ దాదాపు రెట్టింపు లాభాలను అందిస్తుంది. కానీ బీఎస్ఎన్ఎల్‌కు 4జీ లేకపోవడం ఒక్కటే మైనస్.

రూ.299లో ఎయిర్ టెల్, వొడాఫోన్ ప్లాన్లు ఇవే...
రూ.299 ధరలో ఎయిర్‌టెల్, వొడాఫోన్ ప్లాన్లు  కూడా అందుబాటులో ఉన్నాయి. అయితే ఇవి కేవలం రోజుకు 1.5 జీబీ డేటాను మాత్రమే అందించనున్నాయి. అంటే బీఎస్ఎన్ఎల్ అందించే డేటాలో సగం అన్నమాట. వీటి వ్యాలిడిటీ కూడా కేవలం 28 రోజులు మాత్రమే. అన్‌లిమిటెడ్ వాయిస్ కాలింగ్, రోజుకు 100 ఎస్ఎంఎస్‌లు మాత్రం ఎయిర్ టెల్, వొడాఫోన్ కూడా అందిస్తున్నాయి.