BSNL New Plans: జియో, ఎయిర్‌టెల్‌లకు బీఎస్ఎన్ఎల్ మాస్టర్ స్ట్రోక్ - ఆ మూడు ప్లాన్లతో మరిన్ని బెనిఫిట్స్!

BSNL Updates: ప్రభుత్వ టెలికాం కంపెనీ బీఎస్ఎన్ఎల్ ప్లాన్ల విషయంలో అగ్రెసివ్‌గా దూసుకుపోతుంది. దీంతో క్రమంగా మిగతా మూడు నెట్‌వర్క్‌ల నుంచి బీఎస్ఎన్ఎల్‌కు పోర్ట్ అయ్యే యూజర్లు ఎక్కువయ్యారు.

ప్రతీకాత్మక చిత్రం

Source : ABP LIVE

BSNL Best Plan: ప్రైవేట్ టెలికాం కంపెనీలు ఎయిర్‌టెల్, జియో, వొడాఫోన్ ఐడియాల తలనొప్పిని బీఎస్‌ఎన్‌ఎల్ మళ్లీ పెంచింది. ప్రభుత్వ టెలికాం కంపెనీ బీఎస్ఎన్ఎల్ తన మూడు బ్రాడ్‌బ్యాండ్ ప్లాన్‌ల ధరలను మరింత తగ్గించింది. భారత్ సంచార్ నిగమ్ లిమిటెడ్ ఇంటర్నెట్ ఎక్కువగా ఉపయోగించే వినియోగదారులకు ప్రయోజనాలను అందించింది. గత నెలలో ప్రైవేట్ టెలికాం కంపెనీలు రీఛార్జ్ ప్లాన్‌ను 15 శాతం వరకు పెంచాయి. ఆ తర్వాత యూజర్లు తమ నంబర్లను పోర్ట్ అవుతూనే ఉన్నారు.

మూడు ప్లాన్ల లాభాలు పెంచిన బీఎస్ఎన్ఎల్
బీఎస్ఎన్ఎల్ మూడు ప్రారంభ బ్రాడ్‌బ్యాండ్ ప్లాన్ల రేట్ల లాభాలను పెంచింది. ఈ మూడు ప్లాన్‌లలో యూజర్లు మునుపటి కంటే ఎక్కువ వేగంతో ఇంటర్నెట్‌ యాక్సెస్ పొందుతారు. కంపెనీ ఇప్పుడు నెలకు రూ. 249, రూ. 299, రూ. 329 చవక బ్రాడ్‌బ్యాండ్ ప్లాన్లకు సంబంధించి ఇంటర్నెట్ వేగాన్ని 25 ఎంబీపీఎస్‌కు పెంచారు. ఇంతకుముందు వినియోగదారులు ఈ ప్లాన్ల ద్వారా 10 ఎంబీపీఎస్ నుంచి 20 ఎంబీపీఎస్ వరకు వేగం పొందేవారు.

ఇప్పుడు వచ్చే ప్రయోజనాలు ఇలా...
బీఎస్ఎన్ఎల్ తీసుకువచ్చిన ఈ మూడు బ్రాడ్‌బ్యాండ్ ప్లాన్‌లు FUP అంటే ఫెయిర్ యూసేజ్ పాలసీపై ఆధారపడి ఉంటాయి. రూ. 249 ప్లాన్‌లో వినియోగదారులకు నెల మొత్తానికి 10 జీబీ డేటా అందిస్తారు. ఈ 10 జీబీ డేటా అయిపోయిన తర్వాత ఇంటర్నెట్ వేగం 2 ఎంబీపీఎస్‌కు తగ్గుతుంది. దీని తర్వాత రూ.299 ప్లాన్ ఎఫ్‌యూపీ లిమిట్ 20 జీబీ కాగా, రూ.329 ప్లాన్‌లో ఎఫ్‌యూపీ లిమిట్ 1000 జీబీ వరకు ఉంది. అదే సమయంలో డేటా అయిపోయిన తర్వాత 4 ఎంబీపీఎస్ స్పీడ్‌తో అన్‌లిమిటెడ్ డేటా అందిస్తున్నారు.

బీఎస్ఎన్ఎల్ తీసుకొచ్చిన రూ. 249, రూ. 299 ప్లాన్‌లు కొత్త వినియోగదారుల కోసం మాత్రమే అందుబాటులో ఉన్నాయి. అయితే రూ. 329 ప్లాన్ వినియోగదారులందరికీ అందుబాటులో ఉంది. హై స్పీడ్‌తో ఇంటర్నెట్‌ను యాక్సెస్ చేయడంతో పాటు ఈ మూడు ప్లాన్‌ల ద్వారా ఏ నంబర్‌కైనా కాల్ చేసే సౌకర్యాన్ని కూడా పొందవచ్చు.