Apple iPhone 17 Pro Offer: ఐఫోన్ 17 ప్రోపై భారీ ఆఫర్.. రూ. 69,990కే మీ సొంతం!

Apple iPhone 17 Pro Offer: యాపిల్ కొత్త ఐఫోన్ 18 ప్రో భారీగా ఖర్చు చేయక్కర్లేకుండానే ప్రో సిరీస్ ఫోన్‌ను తక్కువకే సొంతం చేసుకోవచ్చు. ఐఫోన్ 17 ప్రో పై క్రోమా స్టోర్ బెస్ట్ ఆఫర్ తెచ్చింది.

ఐఫోన్ 17 ప్రోపై భారీ ఆఫర్.. రూ. 69,990కే మీ సొంతం!

Source : Twitter

Show Quick Read

Key points generated by AI, verified by newsroom

• కొత్త ఐఫోన్ 18 విడుదలైనా, క్రోమా 17 ప్రోపై ఆఫరిచ్చింది.
• పాత ఫోన్ మార్పిడితో ఐఫోన్ 17 ప్రో ₹69,990కే లభిస్తుంది.
• ఎక్స్ఛేంజ్ బోనస్, బ్యాంకు క్యాష్‌బ్యాక్ వంటివి అదనపు లాభాలు.
• తుది ధర పాత ఫోన్ ఎక్స్ఛేంజ్ విలువపై ఆధారపడుతుంది.

Apple iPhone 17 Pro Offer: యాపిల్ నుంచి ఇటీవల కొత్త సిరీస్ ఐఫోన్ 18 ప్రో విడుదలైంది. కొత్త ఫోన్ లాంచ్‌తో పాత మోడల్ ధరలు తగ్గుతాయని కస్టమర్లు ఆశగా ఎదురుచూశారు. సాధారణంగా, కొత్త ఐఫోన్ వచ్చిన తర్వాత పాత మోడళ్ల ధరలు తగ్గుతుంటాయి. కానీ ఈసారి పరిస్థితి కాస్త భిన్నంగా ఉంది. యాపిల్ ఐఫోన్ 17 సిరీస్ ధరలు తగ్గించలేదు. అయితే రిటైలర్ క్రోమా.. ఐఫోన్ 17 ప్రోపై భారీ ఆఫర్‌ను ప్రకటించింది. ఐఫోన్ 17 ప్రో ధరను రూ.69,990కి తగ్గించింది. అంటే, మీ దగ్గర పాత ఫోన్ ఉన్నట్లయితే, ఈ డీల్ మరింత ప్రయోజనకరంగా ఉంటుంది.

పాత మోడల్‌తో పోలిస్తే  

కొత్త ఐఫోన్ సిరీస్ విడుదలైన తర్వాత, కస్టమర్లు తరచుగా పాత మోడల్ ధర తగ్గే వరకు వేచి చూస్తారు. ఐఫోన్ 17 ప్రో విషయంలో క్రోమా ఆ ఛాన్స్ ఇచ్చింది. ఐఫోన్ 17 ప్రో 256GB మోడల్‌ను క్రోమా వివిధ ఆఫర్లతో తక్కువ ధరకు అందిస్తోంది. అంటే, యాపిల్ ప్రో మోడల్ కావాలనుకునే వాళ్లు, ఐఫోన్ 18 ప్రో(రూ.1.65 లక్షలు) వద్దనుకునేవాళ్లకి, పాత సిరీస్ ఫోన్ ఒక బెటర్ ఆప్షన్ కావచ్చు. 

ఐఫోన్ 17 ప్రో రూ. 69,990 ధరకే  

క్రోమా డీల్ ప్రకారం ఐఫోన్ 17 ప్రో 256 GB రూ.69,990లకే లభిస్తుంది. అయితే మీ పాత ఫోన్‌ను ఎక్స్ఛేంజ్ చేయాల్సి ఉంటుంది. కొన్ని పాత ఐఫోన్ మోడళ్లకు రూ.44,500 వరకు ఎక్స్ఛేంజ్ ఆఫర్ ఉంది. దీనికి అదనంగా, మీరు రూ.12,000 వరకు ఎక్స్ఛేంజ్ బోనస్, కొన్ని కార్డులపై రూ.4,000 వరకు బ్యాంకు క్యాష్‌బ్యాక్ కూడా లభిస్తుంది. ఈ ప్రయోజనాలన్నీ కలిపితే ఐఫోన్ 17 ప్రో ధర భారీగా తగ్గుతుంది. అయితే, మీ పాత ఫోన్ మోడల్, పరిస్థితి, ఎక్స్ఛేంజ్ వ్యాల్యూను బట్టి ఫైనల్ ప్రైస్ మారవచ్చు.

ఐఫోన్ 17 ప్రో 

ఐఫోన్ లేటెస్ట్ మోడల్ మీ ఆప్షన్ కాకపోతే.. ఐఫోన్ 17 ప్రో ఇప్పటికీ బెటర్ ఆప్షన్ అవుతుంది. ఇది ప్రో సిరీస్ ప్రీమియం హార్డ్‌వేర్, కెమెరా సెటప్‌ను కలిగి ఉంది. అందువల్ల, యాపిల్ ప్రో ఫోన్ కావాలనుకునేవారు కొత్త మోడల్‌పై భారీగా ఖర్చు చేయనక్కర్లేకుండా కాస్త తక్కువ ధరకే బెటర్ ఫోన్‌ను పొందవచ్చు. సరికొత్త చిప్‌సెట్, కెమెరా బెటర్‌మెంట్, కొత్త ఫీచర్ల కోసం చూస్తుంటే ఐఫోన్ 18 ప్రో బెటర్ ఆప్షన్ కావచ్చు. యాపిల్ ఐఫోన్ 18 ప్రోలో A20 ప్రో చిప్, కొత్త వేపర్ ఛాంబర్ ఉన్నాయి.

ఐఫోన్ 17 ప్రో పై డీల్ తీసుకునే ముందు మీ పాత ఫోన్ ఎక్స్ఛేంజ్ వ్యాల్యూను చెక్ చేయండి. ఆ తర్వాత, మీ కార్డుపై బ్యాంకు క్యాష్‌బ్యాక్ వర్తిస్తుందో లేదో, ఎక్స్ఛేంజ్ బోనస్ రూల్స్ తనిఖీ చేయండి. ఈ ప్రయోజనాలన్నీ ఉంటే ధర మీ బడ్జెట్‌లో ఉంటేనే ఇది మంచి ఎంపిక అవుతుంది. మీ దగ్గర ఎక్స్‌ఛేంజ్‌కు ఐఫోన్ లేకపోతే, రూ.69,990 ఆఫర్ వర్తించదు.  

మరిన్ని చదవండి

యాపిల్ షాకింగ్ నిర్ణయం.. ఐఫోన్ 17 సహా ఓల్డ్ మోడళ్ల ధరలు భారీగా పెంపు