Thailand Open 2022: అకానె యమగూచికి షాకిచ్చిన సింధు - ఒలింపిక్‌ విజేతతో తర్వాతి పోరు!

Thailand Open 2022: పీవీ సింధు థాయ్‌ల్యాండ్‌ ఓపెన్‌ 2022లో సెమీ ఫైనల్‌ చేరుకుంది. క్వార్టర్‌ ఫైనల్లో అకానె యమగూచి (జపాన్‌)పై అద్భుత విజయం అందుకుంది.

పీవీ సింధు

Thailand Open 2022: PV Sindhu storms into semi-finals, defeats Japan's Akane Yamaguchi : రెండుసార్లు ఒలింపిక్‌ పతక విజేత, భారత అగ్రశ్రేణి బ్యాడ్మింటన్‌ క్రీడాకారిణి పీవీ సింధు థాయ్‌ల్యాండ్‌ ఓపెన్‌ 2022లో సెమీ ఫైనల్‌ చేరుకుంది. థాయ్‌ల్యాండ్‌లో జరిగిన క్వార్టర్‌ ఫైనల్లో కఠిన ప్రత్యర్థి అకానె యమగూచి (జపాన్‌)పై అద్భుత విజయం అందుకుంది. 21-15, 20-22, 21-13 తేడాతో ప్రత్యర్థిని మట్టికరిపించింది.

SUPER SINDHU 🙇‍♂️👑@Pvsindhu1 enters semifinals of #ThailandOpen2022 in style after defeating reigning world champion 🇯🇵's Akane Yamaguchi 21-15, 20-22, 21-13 in the quarter finals 😍

Well done champ! 👏#BWFWorldTour#IndiaontheRise#Badminton pic.twitter.com/084Y0lp9NU

— BAI Media (@BAI_Media) May 20, 2022

మొదటి గేమ్‌లో సింధు 21-15తో ఆధిపత్యం చెలాయించింది. కానీ రెండో గేమ్‌లో యమగూచి పుంజుకుంది. 20-22తో సింధును వెనక్కి నెట్టేసింది. దాంతో నిర్ణయాత్మక మూడో గేమ్‌లో తెలుగు తేజం అద్భుతంగా ఆడింది. బలమైన క్రాస్ కోర్టు షాట్లు, స్మాష్‌లతో విరుచుకుపడింది. 21-15 తేడాతో గేమ్‌తో పాటు మ్యాచును గెలిచేసింది. సెమీ ఫైనల్లో సింధు మరో కఠిన ప్రత్యర్థిని ఎదుర్కోవాల్సి ఉంది. ఒలింపిక్‌ స్వర్ణ పతక విజేత చెన్‌ యూఫీతో తలపడాల్సి ఉంది.

అంతకు ముందు గురువారం దక్షిణ కొరియాకు షట్లర్‌ యూ జిన్‌ సిమ్‌ను సింధు ఓడించింది. కాగా భారత మరో షట్లర్‌ మాలవిక బన్సోడ్‌ 16-21, 21-14, 21-14 తేడాతో ఓటమి చవిచూసింది. డెన్మార్క్‌ అమ్మాయి క్రిస్టోఫెర్సెన్‌ ఆమెపై గెలిచింది.

SINDHU DEFEATS YAMAGUCHI

Star shuttler @Pvsindhu1 has entered SemiFinals courtesy to the three game win against Yamaguchi.

💥Akane 🇯🇵 is World Number 1
💥Sindhu scored 14th victory over her
💥Meets Yu Fei Chen 🇨🇳 Next

👉She is the only Indian hope left in #ThailandOpen2022 pic.twitter.com/vsLgeaK7tb

— IndiaSportsHub (@IndiaSportsHub) May 20, 2022