RR vs PBKS: సూపర్ ఫ్లాప్ అయిన రాజస్తాన్ ప్లాన్ - సున్నాకే అవుట్ అయిన కొత్త ఓపెనర్!
ఐపీఎల్‌లో రవిచంద్రన్ అశ్విన్‌ను ఓపెనింగ్‌కు పంపించి రాజస్తాన్ చేసిన ప్రయోగం ఫలించలేదు.
Ravichandran Ashwin RR vs PBKS: రవిచంద్రన్ అశ్విన్ ఇన్నింగ్స్ ఓపెనింగ్ చేయడం మీరు ఎప్పుడైనా చూశారా? ఐపీఎల్ ప్రస్తుత సీజన్‌లో రాజస్థాన్ రాయల్స్ కెప్టెన్ సంజూ శామ్సన్ పంజాబ్ కింగ్స్‌పై ఓపెనింగ్ చేయడానికి రవిచంద్రన్ అశ్విన్‌ను పంపాడు. రాజస్థాన్ రాయల్స్ తీసుకున్న ఈ నిర్ణయం క్రికెట్ అభిమానులందరినీ ఆశ్చర్యపరిచింది.
రవిచంద్రన్ అశ్విన్‌కి బ్యాటింగ్ ఎలా చేయాలో తెలుసు. అతను టెస్ట్ క్రికెట్‌లో సెంచరీలు కూడా చేశాడు. అయితే అతన్ని ఇంతకు ముందు ఇన్నింగ్స్ ఓపెన్ చేయడానికి ఏ కెప్టెన్ కూడా పంపలేదు. యశస్వి జైస్వాల్‌తో పాటు రవిచంద్రన్ అశ్విన్‌ను ఓపెనర్‌గా మైదానంలోకి పంపడం ఇదే మొదటిసారి జరిగింది.
అయితే అశ్విన్ ఒక్క పరుగు కూడా చేయలేకపోవడంతో రాజస్థాన్ రాయల్స్ పన్నిన ఈ కొత్త వ్యూహం ఫలించలేదు. ఓపెనింగ్‌లో రవిచంద్రన్ అశ్విన్ నాలుగు బంతులు మాత్రమే ఎదుర్కొని ఖాతా తెరవకుండానే పెవిలియన్‌కు చేరుకున్నాడు. మరి ఇలాంటి పరిస్థితుల్లో రాజస్థాన్ రాయల్స్ జట్టు వచ్చే మ్యాచ్‌లో కూడా అదే వ్యూహానికి కట్టుబడి ఉంటుందా? అశ్విన్‌కి మళ్లీ ఇన్నింగ్స్ ఓపెన్ చేసే అవకాశం దక్కుతుందా లేదా అన్నది చూడాలి. అశ్విన్ బౌలింగ్‌ను పరిశీలిస్తే పంజాబ్ కింగ్స్‌తో జరిగిన ఈ మ్యాచ్‌లో కేవలం 6.2 ఎకానమీ రేట్‌తో నాలుగు ఓవర్లలో 25 పరుగులు మాత్రమే ఇచ్చి ఒక్క వికెట్ కూడా తీశాడు.
Arshdeep Singh picks up two big wickets in the powerplay.
— IndianPremierLeague (@IPL) April 5, 2023
Yashasvi Jaiswal and R Ashwin depart.
Live - https://t.co/Cmk3rElYKu #TATAIPL #RRvPBKS #IPL2023 pic.twitter.com/i9GucHRYYo
ఈ మ్యాచ్‌లో అశ్విన్ అద్భుతమైన బంతికి సికందర్ రజాను బౌల్డ్ చేసి పెవిలియన్‌కు పంపాడు. రాజస్థాన్ రాయల్స్‌తో జరుగుతున్న మ్యాచ్‌లో శిఖర్ 56 బంతుల్లో తొమ్మిది ఫోర్లు, మూడు సిక్సర్లతో 86 పరుగులతో అజేయంగా నిలిచాడు. అతనితో పాటు ప్రభ్‌సిమ్రాన్ సింగ్ కూడా 34 బంతుల్లో 60 పరుగుల ఇన్నింగ్స్ ఆడి పంజాబ్‌కు వేగంగా శుభారంభం అందించాడు.
వీరిద్దరి హాఫ్ సెంచరీలతో పంజాబ్ నిర్ణీత 20 ఓవర్లలో 4 వికెట్ల నష్టానికి 197 పరుగులు చేసింది. రాజస్థాన్ తరఫున జేసన్ హోల్డర్ అత్యధికంగా 2 వికెట్లు పడగొట్టాడు. వీరితో పాటు రవిచంద్రన్ అశ్విన్, యుజ్వేంద్ర చాహల్‌లకు ఒక్కో వికెట్ దక్కింది.
రాజస్థాన్ రాయల్స్ తుది జట్టు
యశస్వి జైస్వాల్, జోస్ బట్లర్, సంజు శాంసన్(కెప్టెన్, వికెట్ కీపర్), దేవదత్ పడిక్కల్, షిమ్రాన్ హెట్మెయర్, రియాన్ పరాగ్, జాసన్ హోల్డర్, రవిచంద్రన్ అశ్విన్, ట్రెంట్ బౌల్ట్, కేఎం ఆసిఫ్, యుజ్వేంద్ర చాహల్
ఇంపాక్ట్ ప్లేయర్ సబ్‌స్టిట్యూట్స్
ధృవ్ జురెల్, ఆకాష్ వశిష్ట్, మురుగన్ అశ్విన్, కుల్దీప్ యాదవ్, డోనావన్ ఫెరీరా
పంజాబ్ కింగ్స్ తుది జట్టు
శిఖర్ ధావన్ (కెప్టెన్), ప్రభ్‌సిమ్రాన్ సింగ్, భానుక రాజపక్స, జితేష్ శర్మ (వికెట్ కీపర్), షారుక్ ఖాన్, సామ్ కర్రాన్, సికందర్ రజా, నాథన్ ఎల్లిస్, హర్‌ప్రీత్ బ్రార్, రాహుల్ చాహర్, అర్ష్‌దీప్ సింగ్
ఇంపాక్ట్ ప్లేయర్ సబ్‌స్టిట్యూట్స్
రిషి ధావన్, అథర్వ టైడే, హర్‌ప్రీత్ సింగ్ భాటియా, మాథ్యూ షార్ట్, మోహిత్ రాథీ
టాప్ హెడ్ లైన్స్
ట్రెండింగ్ వార్తలు
