KL Rahul Message: స్ట్రైక్ రేట్తో కేఎల్ రాహుల్ మాస్ రిప్లై.. విమర్శకుల నోళ్లు మూయించి.. టీమ్ ఇండియా సెలక్టర్లకు స్ట్రాంగ్ మెసేజ్
ఐపీఎల్ 2026లో ఢిల్లీ క్యాపిటల్స్ తరపున ఆడుతున్న కేఎల్ రాహుల్ అద్భుతమైన స్ట్రైక్ రేట్తో చెలరేగిపోతున్నాడు. రాజస్థాన్పై గెలుపు తర్వాత తనపై వస్తున్న విమర్శలకు బ్యాట్తోనే సమాధానం చెప్పాడు.
KL Rahul Performance and Strike Rate Message: టీమ్ ఇండియాలో అత్యంత టాలెంటెడ్ బ్యాటర్లలో కేఎల్ రాహుల్ ఒకరు. అయితే గత కొంతకాలంగా టీ20 క్రికెట్లో అతని స్ట్రైక్ రేట్ మీద సోషల్ మీడియాలో పెద్ద ఎత్తున చర్చ జరిగింది. మరీ నెమ్మదిగా ఆడుతున్నాడనే కారణంతో 2022 తర్వాత రాహుల్ భారత టీ20 జట్టులో చోటు కోల్పోయాడు. కానీ ఐపీఎల్ 2026 సీజన్లో రాహుల్ సరికొత్తగా కనిపిస్తున్నాడు. ఢిల్లీ క్యాపిటల్స్ (DC) తరపున ఆడుతున్న అతను ఈ ఏడాది పరుగుల వరద పారిస్తున్నాడు. రాజస్థాన్ రాయల్స్తో జరిగిన మ్యాచ్లో అద్భుత ఇన్నింగ్స్ ఆడి 'ప్లేయర్ ఆఫ్ ది మ్యాచ్' అవార్డు అందుకున్నాడు. ఈ సందర్భంగా సెలక్షన్ కమిటీ చీఫ్ అజిత్ అగార్కర్కు ,తనను విమర్శించే వారికి రాహుల్ గట్టి మెసేజ్ పంపాడు.
ఆరెంజ్ క్యాప్ గర్వంగా ఉంది..
పోస్ట్ మ్యాచ్ ప్రెజెంటేషన్ సెర్మనీలో రాహుల్ ముఖంలో ఒక ప్రత్యేకమైన చిరునవ్వు కనిపించింది. సీజన్లో అత్యధిక పరుగులు చేసిన బ్యాటర్కు ఇచ్చే 'ఆరెంజ్ క్యాప్' తన ముందు ఉండటంతో అతను ఎంతో సంతోషంగా కనిపించాడు. తన ఢిల్లీ క్యాపిటల్స్ టోపీని తీసి ఆరెంజ్ క్యాప్ పెట్టుకున్నప్పుడు అతనిలో ఒక సంతృప్తి కనిపించింది. ఖచ్చితంగా ఇది చాలా ఆనందాన్ని ఇస్తుందని, రోజు చివరలో మనం ఆడేది గెలవడానికేనని అన్నాడు. ఇన్ని ఏళ్లు క్రికెట్ ఆడిన తర్వాత నంబర్లు కూడా ముఖ్యమేనని, పరుగులు సాధించడం, రికార్డులు బద్దలు కొట్టడం సంతోషమే కానీ, మ్యాచ్ గెలవకపోతే ఆ మజా ఉండదని రాహుల్ తన మనసులో మాట చెప్పాడు.
డ్రెస్సింగ్ రూమ్ సీక్రెట్స్..
ఢిల్లీ జట్టు గత కొన్ని మ్యాచుల్లో ఓడిపోవడంపై రాహుల్ స్పందిస్తూ, డ్రెస్సింగ్ రూమ్లో కొన్ని నిజాయితీతో కూడిన చర్చలు జరిగాయని తెలిపాడు. తమ డ్రెస్సింగ్ రూమ్ ఎప్పుడూ ప్రశాంతంగానే ఉంటుందని, అయితే ఫలితాలు తమకు అనుకూలంగా రానప్పుడు ఎక్కడ తప్పు జరుగుతుందో లోతుగా ఆలోచించామని తెలిపాడు. తాము భారీ తప్పులేమీ చేయలేదు, కానీ కీలక సమయాల్లో (Big Moments) అవకాశాలను అందిపుచ్చుకోలేకపోయామన్నాడు. గత మ్యాచ్ మినహాయిస్తే మిగిలిన అన్ని మ్యాచుల్లోనూ తాము గెలుపుకు దగ్గరగా వచ్చామని, టీ20 క్రికెట్లో రెండో అవకాశం ఉండదని తెలిపాడు. అందుకే అందివచ్చిన అవకాశాన్ని వాడుకుని గేమ్ ఫినిష్ చేయడం చాలా ముఖ్యమని, ఈ గెలుపు తమ కాన్ఫిడెన్స్ పెంచుతుందని రాహుల్ వివరించాడు.
స్ట్రైక్ రేట్ మెసేజ్..
ఈ సీజన్లో తన ఆటలో నచ్చిన అంశం ఏంటి అని అడిగితే.. ఏమాత్రం ఆలోచించకుండా రాహుల్ "స్ట్రైక్ రేట్" అని బదులిచ్చాడు. గత కొన్నేళ్లుగా తన స్ట్రైక్ రేట్ మీద చాలా చర్చలు జరిగాయని, అందుకే దానిపై తాను ప్రత్యేకంగా ఫోకస్ పెట్టానని చెప్పాడు. ఆధునిక టీ20 క్రికెట్ ఏం కోరుకుంటుందో, తన జట్టుకు ఏం కావాలో అది ఇప్పుడు చేస్తున్నానని తెలిపాడు. 180కి పైగా స్ట్రైక్ రేట్, 54 సగటుతో పరుగులు చేయడం తనకు చాలా సంతృప్తిని ఇస్తుందని విమర్శకుల నోళ్లు మూయించాడు. ప్రస్తుత ఐపీఎల్లో టాప్ స్కోరర్గా ఉన్న రాహుల్, తాను మళ్లీ టీమ్ ఇండియా టీ20 జట్టులోకి రావడానికి సిద్ధంగా ఉన్నానని ఈ ప్రదర్శన ద్వారా చాటిచెప్పాడు. సెలక్టర్లు ఏం కోరుకున్నారో అదే ఇప్పుడు రాహుల్ గ్రౌండ్లో చేసి చూపిస్తున్నాడు. మరి రాబోయే మేజర్ టోర్నీలకు రాహుల్ను పరిగణనలోకి తీసుకుంటారో లేదో చూడాలి. ఢిల్లీ క్యాపిటల్స్ అభిమానులు మాత్రం తమ ఓపెనర్ ఫామ్ చూసి ఖుషీ అవుతున్నారు.
Before You Go
Ashes Test Match To Be Hosted In India? | ఇండియాలో 'యాషెస్' టెస్ట్ మ్యాచ్?
టాప్ హెడ్ లైన్స్
ట్రెండింగ్ వార్తలు
