IPL 2026 Viral Video: కామెరూన్ గ్రీన్ జెయింట్ సిక్సర్ .. దాని విలువ రూ.5 లక్షలు.. దెబ్బకు డిస్ప్లే కారుకు డెంట్!
గుజరాత్ తో మ్యాచ్లో కేకేఆర్ ప్లేయర్ కెమెరూన్ గ్రీన్ కొట్టిన భారీ సిక్సర్ మైదానంలోని టాటా డిస్ప్లే కారును తాకింది. ఫామ్ కోల్పోయి తంటాలు పడిన గ్రీన్, ఎట్టకేలకు ఈ మ్యాచ్ లో 79 పరుగులతో రాణించాడు.
IPL 2026 KKR VS GT Latest Updates: ఐపీఎల్ 2026 సీజన్లో భాగంగా శుక్రవారం అహ్మదాబాద్లోని నరేంద్ర మోదీ స్టేడియంలో జరిగిన గుజరాత్ టైటాన్స్ (GT), కోల్కతా నైట్ రైడర్స్ (KKR) పోరులో ఒక ఆసక్తికర సంఘటన చోటుచేసుకుంది. కేకేఆర్ ఆల్రౌండర్ కెమెరూన్ గ్రీన్ కొట్టిన ఒక జెయింట్ సిక్సర్ నేరుగా వెళ్లి స్టేడియంలో ప్రదర్శనకు ఉంచిన కారును బలంగా తాకింది. ఐపీఎల్ వేలంలో ఏకంగా రూ. 25.2 కోట్ల భారీ ధరకు అమ్ముడైన గ్రీన్, తన విలువకు తగ్గట్టుగా మైదానంలో పరుగుల వర్షం కురిపించాడు. కేకేఆర్ ఇన్నింగ్స్ 13వ ఓవర్లో అశోక్ శర్మ వేసిన మూడవ బంతిని గ్రీన్ లెగ్ సైడ్ వైపు భారీ సిక్సర్గా మలిచాడు. ఆ బంతి నేరుగా వెళ్లి ‘ప్లేయర్ ఆఫ్ ది టోర్నమెంట్’కు బహుమతిగా ఇచ్చే కారుకు తగలడంతో బాడీపై చిన్న డెంట్ పడింది. దీంతో స్టేడియం మొత్తం హోరెత్తి పోయింది. తాజాగా ఇందుకు సంబంధించిన వీడియో వైరలైంది.
Making a strong statement 💪
— IndianPremierLeague (@IPL) April 17, 2026
Cameron Green getting a move on for #KKR 💜
Updates ▶️ https://t.co/FACeUzse3B#TATAIPL | #KhelBindaas | #GTvKKR | @KKRiders pic.twitter.com/utzOHFRbGx
టాటా మోటార్స్ సూపర్బ్ నిర్ణయం..
టోర్నమెంట్ స్పాన్సర్ అయిన టాటా.. తన సబ్సిడరీ కంపెనీ అయిన టాటా మోటార్స్ నిబంధనల ప్రకారం, మైదానంలోని కారును బంతి తాకితే గ్రాస్రూట్ క్రికెట్ అభివృద్ధి కోసం కంపెనీ రూ. 5 లక్షల విరాళం అందజేస్తుంది. గ్రీన్ కొట్టిన సిక్సర్ వల్ల ఇప్పుడు ఆ నగదును క్రికెట్ అభివృద్ధికి వెచ్చించనున్నారు. ఫామ్ లేమితో ఇబ్బంది పడుతున్న గ్రీన్, ఈ మ్యాచ్తో మళ్ళీ తన పాత జోరును అందుకున్నాడు. కేవలం 55 బంతుల్లోనే 79 పరుగులు సాధించి జట్టును ఆదుకున్నాడు.
Cameron Green put his hand up for #KKR when they needed it the most ✋
— IndianPremierLeague (@IPL) April 17, 2026
Will it turn out to be a match-winning effort? 🤔
Relive his knock ▶️ https://t.co/FAqrZbvNSW #TATAIPL | #KhelBindaas | #GTvKKR pic.twitter.com/0Boq1A8NKL
కేకేఆర్ భారీ స్కోరు..
టాస్ ఓడి బ్యాటింగ్కు దిగిన కోల్కతాకు ఆరంభంలోనే చుక్కెదురైంది. గుజరాత్ పేసర్లు కాగిసో రబడా (3/29), మహమ్మద్ సిరాజ్ (2/23) ధాటికి కేకేఆర్ టాప్ ఆర్డర్ కుప్పకూలింది. కేవలం 32 పరుగులకే 3 వికెట్లు కోల్పోయి పీకల్లోతు కష్టాల్లో ఉన్న సమయంలో గ్రీన్ క్రీజులోకి వచ్చాడు. రోవ్మన్ పావెల్ (27) తో కలిసి నాలుగో వికెట్కు 55 పరుగుల భాగస్వామ్యాన్ని నెలకొల్పాడు. ఆ తర్వాత అనుకూల్ రాయ్ సహాయంతో జట్టు స్కోరును 180 పరుగులకు చేర్చాడు. గ్రీన్ పోరాటం వల్ల కేకేఆర్ గౌరవప్రదమైన స్కోరు సాధించగలిగింది. మరోవైపు పవర్ హిట్టర్ కామెరూన్ గ్రీన్ ఫామ్లోకి రావడం కేకేఆర్ క్యాంప్లో కొత్త ఉత్సాహాన్ని నింపింది. ఈ మ్యాచ్లో గ్రీన్ ఇన్నింగ్స్ హైలైట్గా నిలిచింది. ఒక పక్క వికెట్లు పడుతున్నా వెనక్కి తగ్గకుండా గుజరాత్ బౌలర్లపై విరుచుకుపడి జట్టును గట్టెక్కించాడు. ఈ సీజన్లో గ్రీన్ రాబోయే మ్యాచ్ల్లో కూడా ఇదే జోరు కొనసాగిస్తాడని ఫ్యాన్స్ ఆశిస్తున్నారు.
Before You Go
BCCI Monthly Pension To Ajinkya Rahane | రహానేకు ఎంత పెన్షన్ వస్తుందో తెలుసా?
టాప్ హెడ్ లైన్స్
ట్రెండింగ్ వార్తలు
