IPL 2024: టీ20 చరిత్రలోనే అత్యధిక స్కోరు, పరుగుల మోతలో రికార్డులు
IPL 2024 , SRH Vs MI: ఐపీఎల్లో ఉప్పల్ వేదికగా సన్రైజర్స్ హైదరాబాద్-ముంబై ఇండియన్స్ మధ్య జరిగిన మ్యాచ్లో పరుగుల వరద పారింది. ఇరు వైపుల బ్యాటర్లు చెలరేగడంతో ఉప్పల్ బౌండరీలతో మోత మోగింది.
Highest runs in IPL history: ఐపీఎల్(IPL 2024)లో ఉప్పల్ వేదికగా సన్రైజర్స్ హైదరాబాద్(SRH)-ముంబై ఇండియన్స్(MI) మధ్య జరిగిన మ్యాచ్లో పరుగుల వరద పారింది. ఇరు వైపుల బ్యాటర్లు చెలరేగడంతో ఉప్పల్ బౌండరీలతో మోత మోగింది. బ్యాటర్ల రన్ రంగం ముందు బౌలర్లు తేలిపోయారు. ఈ మ్యాచ్లో తొలుత బ్యాటింగ్ చేసిన సన్రైజర్స్ హైదరాబాద్ నిర్ణీత 20 ఓవర్లలో 3 వికెట్ల నష్టానికి 277 భారీ స్కోర్ చేసింది. ఐపీఎల్ చరిత్రలోనే అత్యధిక పరుగులు..... సాధించిన జట్టుగా హైదరాబాద్ చరిత్ర సృష్టించింది. ఆరంభం నుంచే ఆ జట్టు బ్యాటర్లు.. దూకుడుగా ఆడారు. క్లాసెన్ 80,అభిషేక్ శర్మ 63, ట్రావిస్ హెడ్ 62, మార్క్రమ్ 42 వీరవిహారం చేశారు. భారీ లక్ష్య ఛేధనలో ముంబయి కూడా ధీటుగా బదులిచ్చినా... నిర్ణీత 20 ఓవర్లలో 5 వికెట్ల నష్టానికి 246 పరుగులు చేసి ఓటమి పాలైంది. ముంబయి బ్యాటర్లలో తిలక్ వర్మ 64, టిమ్ డేవిడ్ 42, నమన్ ధీర్ 30 పరుగులు చేశారు. ప్యాట్ కమిన్స్, జయదేవ్ ఉనద్కట్ చెరో రెండు వికెట్లు తీశారు. ఈ మ్యాచ్లో ఇరు జట్లు కలిపి 523 పరుగులు చేశాయి.
అత్యధిక స్కోరు
ఉప్పల్ వేదికగా జరిగిన ఈ మ్యాచ్లో హైదరాబాద్ 277 పరుగులు చేయగా... ముంబై 246 పరుగులు చేసింది. ఈ రెండు జట్లు కలిపి ఈ మ్యాచ్లో 523 పరుగులు చేశాయి. అంతర్జాతీయ టీ20 చరిత్రలో అత్యధిక పరుగులు నమోదైన మ్యాచ్గా ఈ మ్యాచ్ నిలిచింది. 2023లో దక్షిణాఫ్రికా-వెస్టిండీస్ మధ్య జరిగిన మ్యాచ్లో 517 పరుగులు నమోదయ్యాయి. ఇప్పటివరకూ ఇదే అత్యధిక స్కోరు కాగా.... ఈ మ్యాచ్లో ఆ రికార్డు బద్దలైంది. పాకిస్తాన్ టీ 20లీగ్లో క్వెట్టా-ముల్తాన్ మధ్య జరిగిన పోరులో 515 పరుగుల రికార్డు నమోదైంది.
ఇది ఊచకోతంటే...
హైదరాబాద్ వేదికగా ముంబైతో జరుగుతున్న మ్యాచ్లో సన్రైజర్స్ బ్యాటర్లు చెలరేగిపోయారు. ముంబై బౌలర్లను ఊచకోత కోశారు. ట్రానిస్ హెడ్ 18 బంతుల్లోనే అర్ధ శతకం పూర్తి చేయగా... తానేం తక్కువ తినలేదంటూ అభిషేక్ శర్మ 16 బంతుల్లోనే హాఫ్ సెంచరీ పూర్తి చేసి రికార్డు సృష్టించాడు. దొరికిన బంతిని దొరికినట్లు హైదరాబాద్ బ్యాటర్లు బాదేశారు. బంతిపై ఏదో కసి ఉన్నట్లు ఊగిపోయారు. బంతి వేయడానికే బౌలర్లు వణికిపోయేంత విధ్వంసం సృష్టించారు. ఐపీఎల్ చరిత్రలోనే హైదరాబద్ తరపున అత్యంత వేగవంతమైన అర్ధ శతకం సాధించిన బ్యాటర్గా అభిషేక్ శర్మ నిలిచాడు. ఉప్పల్ స్టేడియంలో బౌండరీల మోత మోగుతోంది. 10 ఓవర్లు పూర్తయ్యేసరికి హైదరాబాద్ స్కోర్ 148/2. 22 బంతుల్లోనే 63 పరుగులు చేసి అభిషేక్ అవుటయ్యాడు. 23 బంతుల్లో 3 ఫోర్లు, ఏడు సిక్సులతో అభిషేక్ 63 పరుగులు చేశాడు. ట్రానిస్ హెడ్ 24 బంతుల్లో 9 ఫోర్లు, 3 సిక్సర్లతో 62 పరుగులు చేసి అవుటయ్యాడు. హెడ్, అభిషేక్ బ్యాటింగ్ జోరుతో హైదరాబాద్ పవర్ ప్లే పూర్తయ్యే సరికి 81 పరుగులు చేసింది. ఐపీఎల్ చరిత్రలో హైదరాబాద్కు పవర్ ప్లేలో ఇదే అత్యధిక స్కోరు. 2017లో కోల్కత్తాపై హైదరాబాద్ 79 పరుగులు చేయగా.. ఈ మ్యాచ్లో 81 పరుగులు చేసింది. ట్రానిస్ హెడ్- అభిషేక్ వర్మ కేవలం 23 బంతుల్లోనే 68 పరుగుల భాగస్వామ్యం నెలకొల్పారు. టాస్ ఓడి తొలుత బ్యాటింగ్ చేసిన హైదరాబాద్... నిర్ణీత 20 ఓవర్లలో 3 వికెట్ల నష్టానికి 277 భారీ స్కోర్ చేసింది.
Before You Go
Changes In Team India Support Staff | టీమిండియా సపోర్ట్ స్టాఫ్పై బిసిసిఐ వేటు
టాప్ హెడ్ లైన్స్
ట్రెండింగ్ వార్తలు
