IPL 2026 కోసం ప్రాక్టీస్ మొదలుపెట్టిన MS Dhoni.. సోషల్ మీడియాను షేక్ చేస్తున్న వీడియో

MS Dhoni in IPL 2026: చెన్నై సూపర్ కింగ్స్ మాజీ కెప్టెన్ ఎంఎస్ ధోని ఐపీఎల్ 2026 కోసం ప్రాక్టీస్ ప్రారంభించాడు. అందుకు సంబంధించిన వీడియో సోషల్ మీడియాలో వైరల్ అవుతోంది.

Written By : Shankar Dukanam | Updated at : 24 Jan 2026 07:58 PM (IST)

chennai super kings CSK player ms dhoni has started practice for ipl 2026 video IPL 2026 కోసం ప్రాక్టీస్ మొదలుపెట్టిన MS Dhoni.. సోషల్ మీడియాను షేక్ చేస్తున్న వీడియో

ఎం ఎస్ ధోని ప్రాక్టీస్ వీడియో

Source : एक्स

MS Dhoni | అంతర్జాతీయ క్రికెట్ నుంచి రిటైర్మెంట్ తీసుకున్న భారత మాజీ కెప్టెన్ ఎంస్ ధోని ఇండియన్ ప్రీమియర్ లీగ్ లో కొనసాగుతున్నాడు. రాబోయే సీజన్ (IPL 2026) కోసం సీఎస్కే మాజీ కెప్టెన్ ధోనీ ప్రాక్టీస్ ప్రారంభించాడు. ధోని ప్యాడ్లు ధరించి, బ్యాట్ కవర్ తీస్తున్న వీడియోను జార్ఖండ్ స్టేట్ క్రికెట్ అసోసియేషన్ షేర్ చేసింది. ఈ వీడియో ప్రస్తుతం సోషల్ మీడియాలో వైరల్ అవుతోంది.

జార్ఖండ్ స్టేట్ క్రికెట్ అసోసియేషన్ అధికారిక సోషల్ మీడియా పేజీలో MS ధోని ప్రాక్టీస్ చేస్తున్న వీడియోను షేర్ చేసింది. ఆ వీడియలో ధోనీతో పాటు మాజీ క్రికెటర్ సౌరభ్ తివారీ కూడా ఉన్నాడు. మాజీ క్రికెటర్ సౌరభ్ తివారీ ప్రస్తుతం JSCAలో సెక్రటరీగా ఉన్నారు. అతను IPLలో ధోనితో కలిసి ఆడాడని తెలిసిందే.

IPL 2026 కోసం MS ధోని ప్రాక్టీస్

ఎంఎస్ ధోని కెప్టెన్సీలో చెన్నై సూపర్ కింగ్స్‌ 5 సార్లు ఛాంపియన్‌గా నిలిచింది. కుర్రాళ్లకు అవకాశం ఇవ్వాలని ధోనీ 2 సార్లు జట్టు కెప్టెన్సీని వదిలివేశాడు. కానీ పలు కారణాల వల్ల తిరిగి సీఎస్కే జట్టు పగ్గాలు చేపట్టాడు. ప్రస్తుతం రుతురాజ్ గైక్వాడ్ సీఎస్కే కెప్టెన్‌గా ఉన్నాడు. ఈసారి జట్టు సంజూ శాంసన్‌ను కూడా ట్రేడ్ ద్వారా తమ స్క్వాడ్‌లో చేర్చుకుంది. ధోనికి వారసుడిగా సంజూను తీసుకున్నారని ప్రచారం జరుగుతోంది. కాబట్టి IPL 2026లో ధోని ఇంపాక్ట్ ప్లేయర్‌గా ఆడతాడా లేదా వికెట్ కీపింగ్ చేస్తాడా లేదా అనేది తెలియాలంటే ఐపీఎల్ వరకు ఆగాల్సిందే..

View this post on Instagram

A post shared by Jharkhand State Cricket Association (@cricketjsca)

చెన్నై సూపర్ కింగ్స్ స్క్వాడ్ 2026

అంశుల్ కంబోజ్ (రిటైన్), గుర్జాప్నీత్ సింగ్ (రిటైన్), MS ధోని (రిటైన్), ముఖేష్ చౌదరి (రిటైన్), జేమీ ఓవర్టన్ (రిటైన్), నేతన్ ఎలిస్ (రిటైన్), నూర్ అహ్మద్ (రిటైన్), రామకృష్ణ ఘోష్ (రిటైన్), సంజు శాంసన్ (ట్రేడ్), రుతురాజ్ గైక్వాడ్ (రిటైన్), శివమ్ దూబే (రిటైన్), ఆయుష్ మాత్రే (రిటైన్), ఉర్విల్ పటేల్ (రిటైన్), ఖలీల్ అహ్మద్ (రిటైన్), డెవాల్డ్ బ్రెవిస్ (రిటైన్), శ్రేయాస్ గోపాల్ (రిటైన్), అకీల్ హుస్సేన్ (సోల్డ్), ప్రశాంత్ వీర్ (సోల్డ్), కార్తీక్ శర్మ (సోల్డ్), మాథ్యూ షార్ట్ (సోల్డ్), అమన్ ఖాన్ (సోల్డ్), సర్ఫరాజ్ ఖాన్ (సోల్డ్), రాహుల్ చాహర్ (సోల్డ్), జకారి ఫౌల్కస్ (సోల్డ్), మాట్ హెన్రీ (సోల్డ్).

మరిన్ని చదవండి

టీ20 వరల్డ్ కప్ నుంచి బంగ్లాదేశ్ ఔట్.. ఆ స్థానంలో ఛాన్స్ కొట్టేసిన జట్టేదో తెలుసా

ఒక్క ఇన్నింగ్స్‌తో సంజూ శాంసన్ స్థానాన్ని ప్రమాదంలోకి నెట్టిన ఇషాన్ కిషన్! మరో‘సారీ’ తప్పదా!

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.