భూమిలో దాచిన నిధుల దగ్గర పాములు ఎందుకు కనిపిస్తాయి, అవి నిజంగా వాటిని కాపలా కాస్తాయా?

Treasures : భూమిలో పాతిపెట్టిన నిధిని పాములు కాపాడుతాయని చెబుతుంటారు, సినిమాల్లోనూ చూపిస్తుంటారు. ఇంతకీ ఇదంతా నిజమేనా? నిధులకు పాములు కాపలా కాస్తాయా? ఇందులో నిజమెంత?

భూమిలో దాచిన నిధుల దగ్గర పాములు ఎందుకు కనిపిస్తాయి?

Source : ABP Live

The Snake Guardians Of God’s Treasure: దాచిన నిధిని పాములు కాపలా కాస్తాయనే కథలు శతాబ్దాలుగా భారతీయ జానపద కథలు, సినిమాలు , పురాణాలలో ఉన్నాయి. బంగారం లేదా విలువైన వస్తువులను భూమిలో పాతిపెట్టినప్పుడల్లా, పాములు వాటిని ఏదో ఒక విధంగా కాపాడతాయని చాలా మంది నమ్ముతారు. అయితే, వన్యప్రాణి నిపుణులు   జీవశాస్త్రవేత్తలు పాములకు, నిధికి మధ్య ఎలాంటి ఆధ్యాత్మిక సంబంధం లేదని చెబుతున్నారు.

ప్రాచీన కాలంలో, నిధులను తరచుగా భూగర్భ గదులలో, శిథిలాలలో, పాత భవనాలలో లేదా రహస్య సొరంగాలలో దాచేవారు. ఈ ప్రదేశాలను సాధారణంగా సంవత్సరాల తరబడి మూసి ఉంచి, నిశ్శబ్దంగా ఉంచేవారు. ఇది చల్లని, చీకటి ,సురక్షితమైన వాతావరణాన్ని సృష్టించేది..ఈ వాతావరణం అంటే పాములకు ఇష్టం..అందుకే ఆ చుట్టుపక్కల చేరేవని చెబుతున్నారు జీవశాస్త్రవేత్తలు.

పాత శిథిలాలు , భూగర్భ ప్రదేశాలు తరచుగా ఎలుకలు, బల్లులు , కీటకాలకు నివాసంగా మారతాయి. ఎలుకలు పాములకు ప్రధాన ఆహారం కాబట్టి, అవి సహజంగానే వేట కోసం అటువంటి ప్రాంతాలకు ఆకర్షితులవుతాయి. పాములు శీతల రక్త జంతువులు. దీని అర్థం అవి తమ శరీర ఉష్ణోగ్రతను స్వయంగా నియంత్రించుకోలేవు. తీవ్రమైన వేడి లేదా చలిలో, అవి తమ శరీర ఉష్ణోగ్రతను కాపాడుకోవడానికి భూగర్భ సొరంగాలు, బొరియలు లేదా రహస్య గదులలోకి వెళ్ళిపోతాయి. అందుకే అలాంటి ప్రాంతాలు ఎంపిక చేసుకుంటాయి కానీ... పాములు బంగారం, వెండి లేదా దాచిన నిధికి ఆకర్షించవని  శాస్త్రవేత్తలు స్పష్టంగా చెబుతున్నారు. పాతిపెట్టిన నిధికి సమీపంలో వాటి ఉనికి కేవలం యాదృచ్ఛికం మరియు అది వాటి ఆవాసం, ఆహార లభ్యతకు సంబంధించినది మాత్రమే అని స్పష్టం చేస్తున్నారు జీవశాస్త్రవేత్తలు.

భారతీయ పురాణాలలో, సర్ప దేవతలను లేదా నాగులను తరచుగా రహస్య సంపదకు రక్షకులుగా చిత్రీకరిస్తారు. హిందూ పురాణాల్లో నాగులు భూగర్భం లేదా నీటి కింద లోకాల్లో నివసిస్తాయని ఉంది రత్నాలు, బంగారం, ఖజానాలను కాపాడుతాయని చెబుతారు. కాలక్రమేణా, కథలు, జానపద గాథలు, సినిమాలు , నవలలు ఈ నమ్మకాన్ని బలపరిచాయి. వాస్తవానికి అప్పట్లో నిధులు దాచిన ప్రదేశంలో దొంగతనాలు జరగకుండా ఉంటాయనే ఉద్దేశంతో రాజులు, ధనవంతులు ఇలాంటి పుకార్లు వ్యాపింపచేసేవారని చరిత్రకారులు చెబుతున్నారు. బావులు, గుహలు ఉండే దగ్గల బంగారం దాచడంతో..దాన్ని వెలికితీసే సమయంలో పాములు బయటపడడం వల్లకూడా ఈ అపోహ బలపడిందని చెబుతారు . కొన్ని సందర్భాల్లో నిధుల రక్షణ కోసం ఒక రహస్య ప్రదేశం చుట్టూ విషపూరితమైన పాములను ఉద్దేశపూర్వకంగానే వదిలేవారు. అంతేకానీ.. నిధులకు రక్షణగా పాములుంటాయనేది కేవలం ఓ ప్రచారం మాత్రమే అని శాస్త్రవేత్తలు కొట్టిపడేస్తున్నారు. 

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.  

మరిన్ని చదవండి

దిష్టి నుంచి రక్షించే దెయ్యం రహస్య కథ! దాని మూలం ఏంటో తెలుసుకుంటే ఆశ్చర్యపోతారు!

దిష్టి నుంచి రక్షించే దెయ్యం రహస్య కథ! దాని మూలం ఏంటో తెలుసుకుంటే ఆశ్చర్యపోతారు!