పూరి రథం మేకుల్లేకుండా ఎలా నిలుస్తుంది? చెక్క ఎక్కడి నుంచి వస్తుంది? మిగిలిన చెక్కను ఏం చేస్తారు?

Puri Rath Yatra Begins 2026: ఆషాఢ మాసంలో జరిగే రథయాత్రకోసం రథాల తయారీకి చెక్క ఎక్కడి నుంచి వస్తుంది? రథాల తయారీకి ఎన్నాళ్లు పడుతుంది? అసలు మేకులు ఉపయోగించకుండా ఎలా తయారు చేస్తారు?

Written By : RAMA | Updated at : 16 Jul 2026 01:43 PM (IST)

puri jagannath ratha yatra chariots construction wood sourcing interlocking know in details పూరి రథం మేకుల్లేకుండా ఎలా నిలుస్తుంది? చెక్క ఎక్కడి నుంచి వస్తుంది? మిగిలిన చెక్కను ఏం చేస్తారు?

Puri Rath Yatra chariots construction wood sourcing interlocking

Source : AI

Show Quick Read

Key points generated by AI, verified by newsroom

రథాల చెక్క బనజాగ యాత్రతో పవిత్ర నియమాలతో ఎంపిక చేస్తారు.
వంశపారంపర్య వడ్రంగులు, అక్షయ తృతీయ నుండి నెలన్నర రథాలు నిర్మిస్తారు.
రథాలు మేకులు లేకుండా, సంప్రదాయ ఇంటర్‌లాకింగ్ పద్ధతిలో నిర్మిస్తారు.

Rath Yatra Thursday 16 July 2026: పూరి రథయాత్రలో మూడు రథాలుంటాయి.. జగన్నాథుడు-బలభద్రుడు-సుభద్ర రథాలు. ఈ రథాల తయారీకి సంబంధించి చెక్క ఎక్కడి నుంచి తీసుకొస్తారు..తయారీ ఎలా? పూర్తి వివరాలు తెలుసుకుందాం..

రథాల తయారీకి చెక్క ఎంపిక ఎలా?

బనజాగ యాత్ర అనే ప్రత్యేక ఆచారం ద్వారా సరైన చెట్లను ఎంపిక చేస్తారు. ఈ యాత్రలో ఆలయ సేవకులు , పూజారులు , సంబంధిత అధికారులు అడవుల్లోకి వెళ్లి, నిర్దిష్ట పవిత్ర ప్రమాణాలు (దిశ, మట్టి రకం, చెట్టు లక్షణాలు) ఆధారంగా చెట్లను గుర్తిస్తారు.

పూరి రథం మేకుల్లేకుండా ఎలా నిలుస్తుంది? చెక్క ఎక్కడి నుంచి వస్తుంది? మిగిలిన చెక్కను ఏం చేస్తారు?

పూరి జగన్నాథ రథయాత్ర శుభాకాంక్షలు! మీ బంధుమిత్రులకు ఇలా తెలియజేయండి!

రథాల నిర్మాణం

రథాల నిర్మాణానికి మహారాణా సేవకులు అనే వారసత్వ కుటుంబాలకు చెందిన నైపుణ్యం గల వండ్రంగులు ప్రధాన పాత్ర పోషిస్తారు. తయారీ ప్రక్రియ వారు నిర్వహిస్తారు. ఒడిశా ఫారెస్ట్ డిపార్ట్మెంట్, శ్రీ జగన్నాథ్ టెంపుల్ అడ్మినిస్ట్రేషన్ (SJTA) సహకారంతో ఈ ప్రక్రియ జరుగుతుంది.

చెక్క రకాలు

ప్రధాన రకాలు - ఫాసి, ధౌరా/ధాస, అసన/భౌన్ర, ఇతర నిర్దిష్ట చెట్లు...మొత్తం 10 నుంచి 12 రకాల చెక్కలను ఉపయోగిస్తారు. ఫాసి చెక్క ప్రధానంగా చక్రాలకు ఉపయోగిస్తారు. దసపల్ల, రాణాపూర్, ఒడిశాలో ఇతర అడవుల నుంచి మహానదిలో రాఫ్ట్‌లుగా తేల్చి పూరికి తీసుకొస్తారు. వీటిని ఒడిశా ప్రభుత్వం (అటవీ శాఖ) ఉచితంగా సరఫరా చేస్తుంది. ఈ మధ్య కాలంలో కొన్ని లాగ్స్...ప్రైవేట్ భూముల నుంచి కూడా వస్తున్నాయి.

పూరి రథం మేకుల్లేకుండా ఎలా నిలుస్తుంది? చెక్క ఎక్కడి నుంచి వస్తుంది? మిగిలిన చెక్కను ఏం చేస్తారు?

పూరి జగన్నాథ ఆలయంలో ఫ్రెంచ్ గంట - 200 సంవత్సరాల క్రితం సముద్రంలో జరిగిన అద్భుతం!

రథాల తయారీకి ఎన్ని రోజులు సమయం?

ఏటా అక్షయ తృతీయ ( ఏప్రిల్/మే) నుంచి ప్రారంభమై రథయాత్ర వరకూ సాగుతుంది. అంటే సుమారు నెలన్నర నుంచి రెండు నెలలు. వడ్రంగులు, సహాయకులు, చిత్రకారులు..మొత్తం 150 నుంచి 200 మంది తయారీలో పాల్గొంటారు.

వంట నుంచి సైన్స్ కోడింగ్ వరకు ప్రాచీన భారతదేశంలో 14 విద్యలు, 64 కళలు: శ్రీకృష్ణుడి అద్భుత జ్ఞాన రహస్యం!

మేకుల్లేకుండా రథం తయారీ!

45 రోజులకు పైగా సాగే రథం నిర్మాణం పూర్తిగా సంప్రదాయ పద్ధతుల్లో జరుగుతుంది. ఎక్కడా మేకులు ఉపయోగించరు. ప్రాచీన కట్టడ పద్ధతిని ఉపయోగిస్తారు. చెక్కలను ఇంటర్‌లాకింగ్ జాయింట్స్ చేస్తారు..అంటే ప్రతి చెక్క ముక్కను ఫజిల్ లా మార్చి ఒకదానితో మరొకటి అమర్చి గట్టిగా కలిపి ఉంచుతారు. ప్రాచీన శిల్పశాస్త్రం ప్రకారం చెక్కలను సహజంగా లాక్ చేస్తారు. బలమైన తాళ్లు ఉపయోగించి మరింత బలంగా మార్చుతారు. కొన్నిచోట్ల ఇనుప క్లాంప్స్, పిన్స్ లేదా రింగ్స్ వాడతారు..కానీ ప్రధాన నిర్మాణంలో మేకులు వినియోగించరు.

జగన్నాథ రథయాత్రకు రథాలు సిద్ధం చేయడం ఇంజినీరింగ్ కాదు..భక్తి, సంప్రదాయం, శిల్పశాస్త్రం కలయిక. ఈ పద్ధతి వల్ల రథం బలంగా ఉంటుంది. రథయాత్ర తర్వాత కూడా విడదీసినప్పుడు జాయింట్స్ సులభంగా విప్పవచ్చు.

రథం తయారీకి వినియోగించగా మిగిలిన చెక్క ముక్కలను ఆలయ వంటగదిలో ప్రసాదం తయారీకి ఉపయోగిస్తారు. ప్రతి సంవత్సరం కొత్త రథాలు తయారవుతాయి.

జగన్నాథుని నైవేద్యాన్ని "అబాధ" అని ఎందుకు పిలుస్తారు? ఆ పేరు వెనుక సాంఘిక సామరస్యానికి సంబంధించిన గంభీరమైన సత్యం తెలుసా?

మరిన్ని చదవండి

దేవాలయాల్లో డేటింగ్ క్యాంపులు జనాభాను పెంచుతాయా? ప్రపంచవ్యాప్తంగా ఇప్పుడిదే డిస్కషన్!

శివుడు కైలాసాన్ని వీడి పార్వతితో వారణాసిలో ఎందుకు స్థిరపడ్డాడు?

Frequently Asked Questions

రథాల తయారీకి చెట్లను ఎలా ఎంపిక చేస్తారు?

బనజాగ యాత్ర ద్వారా ఆలయ సేవకులు, పూజారులు అడవుల్లోకి వెళ్లి నిర్దిష్ట పవిత్ర ప్రమాణాల (దిశ, మట్టి రకం, చెట్టు లక్షణాలు) ఆధారంగా చెట్లను గుర్తిస్తారు.

రథాల తయారీకి ఎంత సమయం పడుతుంది?

అక్షయ తృతీయ (ఏప్రిల్/మే) నుండి రథయాత్ర వరకు, సుమారు నెలన్నర నుండి రెండు నెలలు పడుతుంది. ఈ ప్రక్రియలో 150-200 మంది పాల్గొంటారు.

రథాల నిర్మాణంలో మేకులను ఉపయోగిస్తారా?

లేదు, రథాల నిర్మాణంలో మేకులు ఉపయోగించరు. ప్రాచీన పద్ధతిలో చెక్కలను ఇంటర్‌లాకింగ్ జాయింట్స్, బలమైన తాళ్లతో కలిపి ఉంచుతారు.

రథాల తయారీకి మిగిలిన చెక్క ముక్కలను ఏం చేస్తారు?

రథాల తయారీకి వినియోగించగా మిగిలిన చెక్క ముక్కలను ఆలయ వంటగదిలో ప్రసాదం తయారీకి ఉపయోగిస్తారు. ప్రతి సంవత్సరం కొత్త రథాలు తయారవుతాయి.

About the author RAMA

జర్నలిజంలో గత 15 ఏళ్లుగా పనిచేస్తున్నారు. ప్రముఖ తెలుగు మీడియా సంస్థలు ఈటీవీ, ఏబీఎన్‌ ఆంధ్రజ్యోతిలో పని చేసిన అనుభవం ఉంది. ఏపీ, తెలంగాణ, రాజకీయ, సినిమా, ఆధ్యాత్మిక వార్తలు సహా వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక MJMC, MSW, PGDPM కోర్సులు పూర్తిచేశారు. జర్నలిజం కోర్సు పూర్తి చేసి పలు తెలుగు మీడియా సంస్థలలో కంటెంట్ రైటర్‌గా సేవలు అందించారు. జర్నలిజంలో వందేళ్లకుపైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో నాలుగేళ్లుగా డిప్యూటీ ప్రొడ్యూసర్‌గా విధులు నిర్వర్తిస్తున్నారు.