Peepal tree: ఇంట్లో రావి చెట్టు ఉండ‌కూడ‌దా - రావి చెట్టు నీడ ఇంటిపై పడితే ఏమవుతుంది!

Peepal Tree: భ‌క్తి ప్ర‌ప‌త్తుల‌తో పూజలు నిర్వ‌హించే రావి చెట్టు ఇంట్లో ఉంటే మంచిదా కాదా.. ఒక‌వేళ అప్ర‌య‌త్నంగా ఇంట్లో రావిచెట్టు పెరుగుతుంటే ఏం చేయాలి..దాని వ‌ల్ల ఎలాంటి ఫ‌లితాలు ఉంటాయి...

Image Credit:Pixabay

Peepal Tree: ఇల్లు నిర్మించాల‌ని భావించిన స్థ‌లంలో ఎలాంటి చెట్లు ఉండాలి, ఏ చెట్టు ఏ వైపున ఉంటే మంచిదనే ప్రశ్న చాలా మందిలో తలెత్తుతుంది. స్థలం విశాలంగా ఉన్నప్పుడు ప్రతి గృహానికి నిర్దేశించిన దిక్కుల్లో వృక్షాలు ఉండటం శుభసూచికం. చెట్లు కార్బన్ డయాక్సైడ్‌ను పీల్చుకుని ఆక్సిజన్‌ను విడుదల చేస్తాయి కాబట్టి.. ఇంటి ప్రాంగణంలో చెట్లు ఉండటం వల్ల వాతావరణం, గాలి పరిశుద్ధంగా ఉంటుంది. దేశాన్ని పరిపాలించే రాజు ఎలాంటి తారతమ్యాలు చూపకుండా ప్రజలను కన్నబిడ్డల్లా చూసుకుంటాడు. అలాగే వృక్షాలు కూడా వాటి విధినిర్వహణలో భేదాభిప్రాయాలు చూపవు అందుకే వాటిని వృక్షరాజములు అంటారు. రావి చెట్టు సహా అనేక చెట్లను హిందువులు పవిత్రంగా భావించి పూజిస్తారు. రావి చెట్టు గురించిన వర్ణన శ్రీకృష్ణుని భగవద్గీతలో కూడా కనిపిస్తుంది. రావి చెట్టుపై సకల దేవతలు నివసిస్తారని ప్రతీతి. అయితే రావి చెట్టును పవిత్రంగా భావించి, 24 గంటల పాటు ఆక్సిజన్ అందజేస్తున్నప్పటికీ, ప్రజలు తమ ఇంట్లో, పెరట్లో దీనిని నాటరు. ఇంట్లో ఈ చెట్లను ఎందుకు ఉంచ‌కూడ‌దో తెలుసా..?

ఇంటి పునాదికి హానికరం

రావి మొక్క కొన్ని సంవత్సరాలలో పెద్ద వృక్షంగా ఎదుగుతుందని, దాని వేర్లు చాలా దూరం వ్యాపిస్తాయని నమ్ముతారు. ఇంట్లో ఈ చెట్టు పెరిగితే, దాని వేర్లు ఇంటి పునాదిని బలహీనపరుస్తాయి. ఇది ఇంటి పునాదిని కదిలించగలదు. అందుకే ఈ చెట్టును ఇంట్లో నాటకూడదనే ప్రధాన కారణాలలో ఇది ఒకటి. అయితే, ఈ రోజుల్లో ప్రజలు తమ ఇళ్లలో బోన్సాయ్ రావి మొక్కలను పెంచ‌డం ప్రారంభించారు.

అదనపు ఆక్సిజన్

రావి చెట్టు 24 గంటల పాటు ఆక్సిజన్‌ను నిరంతరం అందిస్తుంది. అందువలన, శరీరం అదనపు ఆక్సిజన్ పొందినప్పటికీ, అది మానవ శరీరానికి హానికరం అని నిరూపిత‌మైంది. ఈ కారణంగా ప్రజలు తమ ఇంట్లో రావి చెట్లను ఎద‌గ‌నీయ‌రు.

పెద్ద స్థలం అవసరం

కొన్ని నమ్మకాల ప్రకారం, చెట్టు దాని సొంత వేగంతో పెరగడానికి అనుమతించాలి. దీని పెరుగుదల పనితీరును ఏ కారణం చేతనైనా నియంత్రించకూడదు. అటువంటి పరిస్థితిలో, ఇంట్లో రావి చెట్టు నాటడం సాధ్యం కాదు. పైగా రావి చెట్టు స్వేచ్ఛ‌గా పెరగడానికి అనుమతించాలని నమ్ముతారు. అటువంటి పరిస్థితిలో, దానిని ఇంట్లో నాటితే, దాని వేర్లు ప్రతిచోటా వ్యాపించి, ఇంటి పునాదిని బలహీనపరిచే అవకాశం ఉంది.

కుటుంబ సమస్యలు తలెత్తుతాయి

వాస్తు ప్రకారం, రావి చెట్టు నీడ ఒక నిర్దిష్ట దిశ నుంచి ఇంటిపై పడితే ఆ కుటుంబ‌స‌భ్యుల్లో అభిప్రాయ బేధాలు కలుగుతాయి. అందువ‌ల్ల‌ కుటుంబ పురోగతికి అడ్డంకులు సృష్టించవచ్చు. రావి చెట్టు నీడ మనసులో ప్రతికూల ప్రకంపనలు సృష్టిస్తుంది.

కుటుంబ ప్రగతికి హానికరం

ఉదయం 10 గంటల నుంచి మధ్యాహ్నం 3 గంటల వరకు రావి చెట్టు నీడ ఇంటిపై పడితే అది హానికరమని నమ్ముతారు. ఇది ఆ ఇంటి కుటుంబ సభ్యుల పురోగతిపై ప్రతికూల ప్రభావం చూపుతుందని భావిస్తారు.

Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను దృవీకరించడం లేదని గమనించగలరు.