Nails Cutting: సూర్యాస్తమయం తర్వాత గోళ్లు కత్తిరిస్తున్నారా? ఇది తప్పకుండా తెలుసుకోవల్సిందే!

Nails Cutting: సాధారణంగా సూర్యాస్తమయం తర్వాత ఎవరైనా గోళ్లను కత్తిరించుకుంటే అలా చేయవద్దని పెద్దవాళ్ళు వారిస్తూ ఉంటారు. అయితే దీని వెనక ఉన్నటువంటి అసలు కారణాలు ఏంటో తెలుసుకునే ప్రయత్నం చేద్దాం.

Photo Credit: Pixabay

Nails Cutting: రాత్రిపూట గోళ్లను కత్తిరించవద్దని మన పెద్దలు చెబుతుంటారు. ఇలా ఎందుకు చెబుతారో మీరు ఎప్పుడైనా ఆలోచించారా? సూర్యాస్తమయం తర్వాత గోళ్లను కత్తిరించకుండా ఉండటానికి కొన్ని కారణాలు ఉన్నాయి. ముఖ్యంగా చీకటి పడిన తర్వాత గోళ్లను కత్తిరించడం అరిష్టం అని సనాతన ధర్మంలో చెబుతోంది. దీనికి సంబంధించి శాస్త్రీయమైనటువంటి కారణాలు కూడా ఉన్నాయి అవేంటో చూడండి.

నెగిటివ్ ఎనర్జీ :

రాత్రిపూట గోర్లు కత్తిరించకూడదు అనే నియమం పెట్టడానికి ప్రధాన కారణం.. నెగిటివ్ ఎనర్జీ. ఇది దురదృష్టాన్ని తెస్తుంది. మన సనాతన ధర్మంలో కొన్ని చర్యలకు ప్రతి చర్యలు ఉంటాయని నమ్ముతారు. వీటిలో ప్రధానంగా రాత్రిపూట గోళ్లను కత్తిరిస్తే మీ ఇంట్లోకి నెగిటివ్ ఎనర్జీ ప్రవేశిస్తుందని.. తద్వారా దురదృష్టం వెంటపడే అవకాశం ఉందని పెద్దలు చెబుతున్నారు. అందుకే కొంతమంది తెలియకుండా ఎవరైనా చీకటిలో గోళ్లు కత్తిరిస్తున్నట్లయితే.. వారిని వద్దు అని వారిస్తుంటారు. 

ఆత్మలకు భంగం కలుగుతుంది :

సూర్యాస్తమయం తర్వాత గోళ్లు కత్తిరించడమంటే భగవంతుడిని అగౌరవపరచడమే. రాత్రిపూట గోర్లు కత్తిరించడం పూర్వీకుల ఆత్మలకు భంగం కలిగిస్తుందని పండితులు నమ్ముతారు. 

పరిశుభ్రత:

సాయంత్రం పూట నెయిల్ కటింగ్ చేయకుండా ఉండడానికి మరొక ముఖ్యమైన కారణం ఏమిటంటే.. రోజంతా, మన చేతులు, కాళ్ళు వివిధ రకాల పనులతో సంబంధం కలిగి ఉంటాయి, ఇది  మన చేతులు, కాళ్ళపై ధూళి కణాలు పేరుకుపోవడానికి దారితీస్తుంది. చేతులు కడుక్కోకుండా మన గోళ్లను కత్తిరించడం వల్ల ఇన్ఫెక్షన్లు వచ్చే ప్రమాదం ఉంది. 

భద్రత:  

చీకటిలో వెలుతురు సరిగ్గా ఉండదు. అందుకే గోర్లు కత్తిరించడం మానుకోవాలని సూచిస్తుంటారు. సాయంత్రం పూట మీ గోళ్లను కత్తిరించడం వల్ల లైటింగ్ తక్కువగా ఉంటుంది. అలాంటప్పుడు ప్రమాదవశాత్తు గాయాలకు దారితీయవచ్చు. అలాగే సూర్యాస్తమయం తర్వాత గోళ్లు కత్తిరించడం కూడా సాయంత్రం సమయంలో శాంతియుత వాతావరణానికి విఘాతం కలిగిస్తుంది  . 

చంద్రుని శక్తి:

ఆయుర్వేదం ప్రకారం.. గోర్లు కత్తిరించడానికి, చంద్రుని శక్తికి నిర్దిష్ట సంబంధం ఉంది. చంద్రుడు ప్రశాంతతకు చిహ్నం. కాబట్టి, సాయంత్రం చంద్రుని శక్తి గరిష్ట స్థాయికి చేరుకున్నప్పుడు, మీ గోర్లు కత్తిరించడం వలన దాని శక్తికి అంతరాయం కలిగించవచ్చు. మీ ఆరోగ్యంపై ప్రతికూల ప్రభావం చూపవచ్చు.

లక్ష్మీదేవికి కోపం వస్తుంది:

సనాతన ధర్మ విశ్వాసాల ప్రకారం, లక్ష్మీదేవి సూర్యా స్తమయం తర్వాత యాత్రకు బయలుదేరుతుంది. సాయంత్రం లేదా చీకటి పడ్డ తర్వాత గోర్లు కత్తిరించే ఇంటిపై లక్ష్మీ దేవి కోపంగా ఉంటుంది. దీంతో ఆ ఇంట్లో శుభకార్యాలు నిలిచిపోతాయి. డబ్బు రావడం తగ్గడం మొదలవుతుంది. పొదుపు కూడా అయిపోతుంది.

గ్రహాలపై చెడు ప్రభావం ఉంటుంది:

జ్యోతిష్య శాస్త్రం ప్రకారం, సూర్యాస్తమయం తర్వాత గోర్లు కత్తిరించడం గ్రహాలపై, ముఖ్యంగా సూర్యుడు, శనిగ్రహాలపై ప్రతికూల ప్రభావాన్ని చూపుతుంది. సూర్యుని ప్రతికూల ప్రభావం వల్ల సమాజంలో వ్యక్తి గౌరవం తగ్గుతుంది. జ్యోతిష్య శాస్త్రాల ప్రకారం శనిదేవుడు గోళ్లలో ఉంటాడు. సాయంత్రం తర్వాత గోళ్లు కత్తిరించడం వల్ల శనికి కోపం వస్తుంది.

Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. వివిధ శాస్త్రాలు, గ్రంథాలు, పండితులు పేర్కొన్న కొన్ని ఆధ్యాత్మిక అంశాలు, పరిష్కారాలను ఇక్కడ యథావిధిగా అందించాం. దీనికి సంబంధించిన శాస్త్రీయ ఆధారాలకు.. ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను దృవీకరించడం లేదు.