చీకటిలోనూ వెలుగు: గబ్బిలం నేర్పే లోపలి కన్ను రహస్యం!

చీకట్లో కూడా గబ్బిలాలు ఎలా చూస్తాయి? అదెలా సాధ్యమవుతోంది? సైన్స్ ఏం చెబుతోంది , దీనివెనుకున్న ఆధ్యాత్మిక సందేశం ఏంటి? తెలుసుకుందాం..

చీకటిలోనూ వెలుగు: గబ్బిలం నేర్పే అంతర్ధృష్టి రహస్యం!

Source : https://in.pinterest.com/

Show Quick Read

Key points generated by AI, verified by newsroom

• గబ్బిలాలు కళ్ళకు బదులు ధ్వని ద్వారా చీకటిలో చూస్తాయి.
• ధ్వని తరంగాలతో వస్తువుల దూరం, ఆకారం సులువుగా గుర్తిస్తాయి.
• ఇది అంతర్గత దృష్టిని పెంచి అద్భుతాలు చేయమనే ఆధ్యాత్మిక సందేశం.
• అజ్ఞానం అనే చీకటిని ఆత్మజ్ఞానంతోనే అధిగమించాలని చెబుతుంది.

గబ్బిలాలు చీకట్లో ఎలా చూస్తాయ్ అనే ప్రశ్నకు సమాధానం - కళ్లతో కాదు..ధ్వని ద్వారా చూస్తాయ్.  ఆధ్యాత్మిక వివరణగబ్బిలాలు చీకట్లో కళ్లతో కాకుండా ధ్వని ద్వారా చూస్తాయి.  దీన్ని ఎకోలొకేషన్ అంటారు. సైన్స్ వివరణ గబ్బిలాల నోటి నుంచి లేదా ముక్కు నుంచి ఫ్రీక్వెన్సీ ధ్వనులు విడుదల చేస్తాయి. ఆ ధ్వనులు ముందున్న వస్తువులపై పడి తిరిగి ప్రకంపనలు కలిగిస్తాయ్. ఆ ఎకోను విని...ఎంతదూరంలో ఏం ఉందో, ఎంత పెద్దతో, కదులుతోందా లేదా , ఆకారం ఏంటో గబ్బిలాలు తెలుసుకుంటాయి. అందుకే చీకటిలోనూ అవి ఎటూ తగలకుండా, తడబడకుండా ఎగురుతాయి. ఆహారాన్ని సేకరిస్తాయి. ఇది కేవలం సైన్స్ మాత్రమే కాదు ఆధ్యాత్మిక ప్రయాణానికి లోతైన సందేశం..

లోపల కాంతి ఉంటే బయటకాంతి అవసరం లేదు
 
లోపలి దృష్టి ఉంటే మీరు అద్భుతాలు చేయొచ్చు అని చెప్పే సందేశం ఇది. కళ్లతో చూసేదంతా నిజం అనుకుంటాం కానీ అంతర్ధృష్టి ఉండాలని సూచిస్తోంది గబ్బిలం. కళ్లు మూసుకున్నప్పుడు కూడా సత్యం కనిపించాలంటే జ్ఞాననేత్రం తెరవాలి. ఉపనిషత్తులు చెప్పే ఆత్మను చూడడం అంటే ఇదే

శబ్ధం

గబ్బిలం ధ్వనిని పంపించి తిరిగి వచ్చే ప్రతిధ్వనిని శ్రద్ధగా వింటుంది. ఓంకారం అనే శబ్ధం ద్వారా సృష్టి ఆవిర్భవించింది. అందుకే మనం బయటి శబ్ధాలను కాకుండా లోపలి నుంచి వచ్చే సూక్ష్మ శబ్ధాలను వినగలిగితే జీవితంలో సరైన మార్గం కనిపిస్తుంది. ఇది సాధ్యమవ్వాలంటే నిత్యం జపం చేయాలి. ఓం అని జపం చేసేటప్పుడు కూడా లోపలి నుంచి ప్రతిధ్వనిని వింటాం.  

చీకటి అంటే భయం కాదు అజ్ఞానం

చీకటి అంటే మన కళ్లముందు కనిపించేది కాదు..లోపలున్న అజ్ఞానమే అసలైన చీకటి. గబ్బిలం చీకటికి భయపడదు..అదే విధంగా మనం కూడా భగవంతుడిపై విశ్వాసం, ఆత్మజ్ఞానం ఉంచుకుంటే జీవితంలో చీకటి దశలు కూడా భయపెట్టవు.  

భగవద్గీతలో శ్రీకృష్ణుడు చెప్పింది కూడా ఇదే

అజ్ఞానంతో కప్పబడిన వాడు చీకటిలో ఉన్నట్టు అని

కళ్లు మూసుకుని చూడడం

ధ్యానం చేసేటప్పుడు మనం కళ్లు మూసుకుంటాం.. బయటి ప్రపంచాన్ని కాకుండా లోపలివైపు చూస్తారం. గబ్బిలం కూడా బయటి కాంతిని కాకుండా లోపలి నుంచి పంపిన ప్రతిధ్వని ద్వారా చూస్తుంది. ఇది ప్రత్యక్ష దృష్టి నుంచి పరోక్ష దృష్టికి మారడం లాంటిది. సాధకుడు బయటి ఇంద్రియాలను అణిచి, లోపలి సాక్షాత్కారాన్ని దర్శించుకోవాలని సూచిస్తోంది

విశ్వాసం

ప్రతి సెకెనుకు ఓ ధ్వనిని పంపి వాటి నుంచి వచ్చే సమాధానాన్ని నమ్ముతుంది గబ్బిలం..అప్పుడే సందేహం లేకుండా ఎగురుతుంది. మన ఆధ్యాత్మిక మార్గంలోనూ ప్రార్థనం, ధ్యానం, జపం చేస్తూ లోపల నుంచి వచ్చే సందేశాన్ని విశ్వసించాలి. ఫలితం వెంటనే కనిపించకపోయినా నిరంతర సాధన చేస్తే దారి కనిపిస్తుంది
 
బయటకు కళ్లు మూసుకో..లోపలి కన్ను తెరువు

చీకటి భయపెట్టలేదు..లోపలి వెలుగు లేకపోతేనే భయం వేస్తుంది

ఇది కేవలం జంతువు సామర్థ్యం కాదు ఆత్మజ్ఞానం పొందాలనుకునే ప్రతి సాధకుడి జీవన మంత్రం

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు 

మరిన్ని చదవండి

బొడ్డు కిందకి చీర కడితే అసభ్యంగా చూడకండి - ఆయుర్వేదం, యోగశాస్త్రంలో ఏముందంటే!

శ్రీశైలంలో ఆ మూడు రోజులు స్పర్శ దర్శనం ఉండదు!